Lucas 7:44 - Kashibo-Kakataibo Biblia

⁴⁴ Usaquin cai ami bësuquin xanu isquin ca Jesusan Simón cacëxa: —¿Ënë xanúan ꞌaia caina isin? ꞌËx min xubunu atsiniami anun ꞌëx tachucanun min ꞌunpax ꞌinaniamabi ca ënë xanun aín bëunan tachaboxun aín bun ꞌë tatërëanxa.

Nukën 'Ibu Diosan ain unikama 'inan ain bana

⁴⁴ Usaquin cai ami bësuquin xanu isquin ca Jesusan Simón cacëxa: —¿Ënë xanúan 'aia caina isin? 'Ëx min xubunu atsiniami anun 'ëx tachucanun min 'unpax 'inaniamabi ca ënë xanun aín bëunan tachaboxun aín bun 'ë tatërëanxa.

Lucas 7:44 Iomraidhean Croise

Génesis 18:4

Mitsux mi kuëënkëbëtan kana ꞌën ꞌumpax bëxunun kati ꞌain, anun tachukatankëxmi in tupë́onkë tëmú chukúmashi tantikanun.

Génesis 19:2

ka kakëxa: —ꞌËn kana mitsu kain, pëkarakëbë kuanux karamina ꞌën xubunu tanti kuantima ꞌain. Anu kamina tachukatankëx tantiti ꞌain, anuax kamina pëkarakëma ꞌaínshi kuanti ꞌain. ꞌAínbi ka atun kakëxa: —Asabi ka ꞌaíshbi kananuna ꞌima. Xubu ëman ënushi kananuna nu rabë́ ꞌuxti ꞌain.

Génesis 43:24

usakin ꞌaxun ka atu kamabi Josénën xubu ꞌukëmëu ubankëxa, uantankëxun ka anúan tachukati ꞌumpax ꞌinántankëxun aín ñuinakamaribi aín piti ꞌinánkëxa.

2 Samuel 11:8

Ñukátankëxun ka tanti aín xubunu kuanuxa aín taë pain chukatankëx aín xubunu tanti kuanun kixun kakëxa. Kakëx ka Urías, anu ꞌapu ꞌikë xubu chaiira anuax chikíkiani kuankëxa, kuania ka Davidnën piti upí na pinun ꞌinaishikin buámiakëxa.

Lucas 7:38

Uxun ca a caxu uax aín taë ꞌicë anu nitsax inquin aín bëun Jesusan taënu tuscaquin tachabocëxa. Usaquin ꞌaquin ca aín bunbi tatërëanan tatsucucaquin ꞌinínti ron ꞌacëxa.

Lucas 7:43

Cacëxun ca Simonan cacëxa: —ꞌËn sináncëx ca an ꞌitsaira curíqui ribíncë, ax bëtsíxa ꞌicësamaira oi a unimi sinánti ꞌicën. Quia ca Jesusan cacëxa: —Usa ca.

Juan 13:5

Usai ꞌitancëxun ca ꞌunpax manë xapanu ꞌaruxun aín ꞌunánmicë uni achúshi achúshi tachucatancëxun anun ratërëmë́ti chupan tatërëancëxa.

1 Timoteo 5:10

Upí oquian ñu ꞌaia unin ꞌunáncë ca ꞌiti ꞌicën. Cara aín tuá upí oquin canioxa, cara uni ꞌimainun xanu a isi aia upí oquin biaxa, cara axa Jesucristomi catamëcë unicama ꞌaquianxa, cara axa tëmëracë unicama chuámarua ꞌinun ꞌaquianxa, ꞌimainun cara uisa ñu upíribi ꞌaxa quixun ꞌunáncë ꞌaish ca aín anë ꞌacë ꞌiti ꞌicën.

Santiago 2:6

Usa ꞌaínbi camina mitsun ñuñuma uni a —ꞌaisama ca —quixun timaquin rabínmin. Ñuñuira uni an ca mitsu paránquin ñu mëëmianan tëmëramiquin mitsumi manánquin, an uníxa ami bëtsi uni ñui manáncëxun cuacë uninu buania. ¿Atux cara usama ꞌic?