Lucas 7:42 - Kashibo-Kakataibo Biblia

⁴² Ribínxunbia cupíocëxunma oquin ca a unin an ribíncë uni rabë́ a caxa: ꞌËmi cupíocëxmabi ca asábi ꞌicën, cupíoima camina cuanti ꞌain. Simón, ¿usa ꞌain cara min sináncëx a uni rabë́ uinu ꞌicë́xira bëtsix ꞌicësamaira oi a ribíncë unimi sinani cuëënti ꞌic?

Nukën 'Ibu Diosan ain unikama 'inan ain bana

⁴² Ribínxunbia cupíocëxunma oquin ca a unin an ribíncë uni rabë́ a caxa: 'Ëmi cupíocëxmabi ca asábi 'icën, cupíoima camina cuanti 'ain. Simón, ¿usa 'ain cara min sináncëx a uni rabë́ uinu 'icë́xira bëtsix 'icësamaira oi a ribíncë unimi sinani cuëënti 'ic?

Lucas 7:42 Iomraidhean Croise

Salmos 103:3

An ka ꞌën ꞌatima ñu ꞌakëkama tërënxunkin ꞌë mëníoxuanan, kamabi ꞌën ꞌinsínkëkama ꞌë pëxkuxunia,

Isaías 43:25

ꞌAínbi kana ꞌëx mitsun Dios ꞌixun, uni ꞌaimi ꞌuchakëkama a tërënxunkin uinsaranbi sinántëkëntima ꞌain.

Isaías 44:22

ꞌËn kana ꞌatima ñu ꞌaimi mitsux ꞌuchakëkama a nëtënxuan mitsun ꞌuchakama tërënxunkin naínu ꞌikë nëtë kuin ꞌikësaia nëtë́nun ꞌimian. Usa ꞌain kamina ꞌëmi sinanatëkënti ꞌain ꞌën kana mi ië́mian.”

Mateo 18:27

Cacëxun cuaquin ca an a ñu mëëmicë unin caxa: ꞌË cupíoima camina cuanti ꞌain. Minmi ꞌë cupíocëxmabi ca asábi ꞌicën.

Mateo 18:34

Cai ami nishquin ca an ñu mëëmicë unin an sipu bërúancë uni caxa: An ꞌë ribíncë curíquicama cupíoquin sënë́ontamainun camina ënë uni sipunu tëmëraminun xëputi ꞌai —quixun.

Mateo 6:12

Unían nu ꞌatimocëxunbinu aribi ꞌatimoquinma a ñucama sinánquinma manucësaribi oquin camina nun ꞌacë ꞌatima ñucama nu tërë́nxunquin manuti ꞌain.

Lucas 7:43

Cacëxun ca Simonan cacëxa: —ꞌËn sináncëx ca an ꞌitsaira curíqui ribíncë, ax bëtsíxa ꞌicësamaira oi a unimi sinánti ꞌicën. Quia ca Jesusan cacëxa: —Usa ca.

Romanos 3:24

Usa ꞌicëbi ca Jesucristo, camabi unin ꞌucha cupí bama ꞌaían, cupíoima ami catamëtiashi Nucën Papa Diosan nuibaquin aín ꞌucha tërë́nquin uni ꞌuchañuma isia.

Romanos 5:6

Nucën Papa Diosan nu nuibaquin mëníosabi oi ca, nuxbi nun ꞌucha tërëni ië́tima ꞌaínbi Cristo aín bamati nëtë ucëbë, unicaman ꞌucha tërë́nux bamacëxa.

Gálatas 3:10

Usa ꞌaínbi ca ësairibi a bana usai ca judíos unicama ꞌiti ꞌicë quixun cuënëo ax quia: “Ui unicaman cara camabi cuënëo bana quicësabi oquinra ꞌacëma a ca Nucën Papa Diosan uisa cara oti ꞌicë usoquin ꞌati ꞌicën”. A bana asérabi ꞌain cananuna ꞌunanin, a bana quicësabi oquin ꞌacë ꞌaish cana Nucën Papa Diosan iscëx ꞌuchañuma ꞌai quixun sináncë unix ca a banacama quicësabi oquinra ꞌacëma ꞌicë Nucën Papa Diosan uisa cara oti ꞌicë usoquin ꞌacë ꞌiti ꞌicën.

Efesios 1:7

An ca nun ꞌucha cupínu ainanma ꞌicëbi Cristo bama ꞌain, nun ñu ꞌaisama ꞌacëcama tërë́nquin ainan ꞌinun nu ië́miaxa, an nu nuibaquin.

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Colosenses 3:13

Mimi nishquian unin ꞌatimocëxunbi aribi ꞌatimoíma camina usaquian mi ꞌacë ñucama a manui abë upíshi ꞌiti ꞌain. Nucën ꞌIbu Cristonëan tërë́nxunquin mitsun ꞌuchacama manucësaribi oi camina axa mimi ꞌuchacë uni aín ꞌucha manumi abë upí ꞌiti ꞌain.