Lucas 7:29 - Kashibo-Kakataibo Biblia

²⁹ An Jesús Juan ñui quicë bana cuacë unicama, ꞌimainun an ꞌapu buánmiti curíqui bicë unicamaribi a Juanën nashimicë, acamax ca —Nucën Papa Diosan mëníosabi oi ca asábi ꞌicë —quiax quiacëxa.

Nukën 'Ibu Diosan ain unikama 'inan ain bana

²⁹ An Jesús Juan ñui quicë bana cuacë unicama, 'imainun an 'apu buánmiti curíqui bicë unicamaribi a Juanën nashimicë, acamax ca —Nucën Papa Diosan mëníosabi oi ca asábi 'icë —quiax quiacëxa.

Lucas 7:29 Iomraidhean Croise

Salmos 51:4

Mimi kana ꞌëx ꞌuchan, usai ꞌikin kana, a ꞌaia min uni ꞌaisama iskë ñu a ꞌan, usa ꞌain ka min bana usakin ñu ꞌakatsimi kikë ax asérabi ꞌikën.

Mateo 5:46

Mitsúnmi an mitsu nuibacëma unicama nuibaquinma an mitsu nuibacë unicamaishi nuibatia ca Nucën Papa Diosan mitsu upí isima. An ꞌapu buánmiti curíqui bicë uni ꞌaisama ꞌixunbi ca usaribi oquin an a nuibacë uni a nuibananquinia. Mitsun camina an mitsu nuibacë unishima camabi uni nuibati ꞌain.

Lucas 20:6

Nun nu, unían unicama nashiminun cacë ca Juan ꞌiacëxa quixun cati, ꞌaínbi ca ꞌapuma unicaman nu maxaxan ꞌati ꞌicën. Acaman ca aín bana cuaquin, Nucën Papa Diosan ca asérabi aín bana unicama ñuixunun quixun Juan xuacëxa quixun sinania.

Lucas 3:12

An ꞌapu buánmiti curíqui bicë unicamaxribi ca an atu nashiminun quiax Juanu cuancëxa. Cuanx bëbaxun ca cacëxa: —¿Nucën Papa Dios cuëëncësabi oi ꞌinuxun caranuna añu ꞌati ꞌain?

Lucas 7:28

Usaquin cuënëo bana ñuitancëxun ca Jesusan anu ꞌicë unicama cacëxa: —ꞌËn cana mitsu cain, an Nucën Papa Dios quicë bana uni ñuixuncë unicaman ñuixuncë bana ꞌiásamaira ca Juanën ꞌë ñuicë bana ꞌiaxa. Usa ꞌain ca a unicama ꞌiásamaira Juan ꞌicën. Usa ꞌaínbi ca axa Nucën Papa Diosan nëtënu ꞌiti ꞌën unicamax, unían ñuumara iscë ꞌaíshbi Juan ꞌiásamaira ꞌicën.

Lucas 7:35

Usaquian Juancëñun unin ꞌë ñuicëbëbi ca Nucën Papa Dios, an ënë menu unun ꞌë xuá, an ꞌacë ñucamax asábi ꞌicën. —Usa ca —quixun ca axa ami sináncë unicaman ꞌunania.

Hechos 18:25

Nucën ꞌIbu Jesús ñuixunquian ꞌunánmicancë ꞌixun ca Apólosnën cuëëni banaquin, Jesús ñuiquin, upí oquin Efesonu ꞌicë unicama ñuixuancëxa. Usaquin Jesús ñuiquin bana ñuixuanan, —aín ꞌuchacama chiquinatia ca Juanën uni nashimiacëxa —quixun ꞌunánquinbi ca Apolosnën —Jesucristonën ca aín Bëru Ñunshin Upí aín unicama abë́a ꞌinun ꞌinania —quixun ꞌunánma ꞌicën.

Hechos 19:3

Usaía quia ca Pablonën atu cacëxa: —¿Añu sinani caramina nashimicë ꞌian? Cacëxun ca cacëxa: —Juanëan uni ꞌunánmicë bana sinani cananuna nashimicë ꞌian.

Romanos 10:3

Uisai cara unicama Nucën Papa Diosan iscëx upí ꞌiti ꞌicë quixun ca ꞌunánma ꞌicën. —ꞌËnbi Moisésnën cuënëo bana quicësabi oquin ꞌacë cupíshi ca an ꞌën nuitu upí isia —quixun sinani ca Nucën Papa Dios cuëëncësabi oi Cristomi catamëti sinántisama tanxa.

Apocalipsis 15:3

Anuax ca Nucën Papa Dios rabi cantaxa. Moisés, an Nucën Papa Diosan cacësabi oquin ꞌá, a sinánan Carnero ꞌicësaribitia unin ꞌucha cupí bama, an Nucën Papa Dios cuëëncësabi oquin ꞌá, aribi sinani ca Nucën Papa Dios rabi cantaxa. Ësai quicë ca a canta ꞌiaxa: Minmi ꞌacë ñucamax ca upíira ꞌicën, unin sináncësamaira oquin sinánquin camina ñu ꞌacën. Mix camina Nucën ꞌIbu Dios ꞌain. Min cushix ca chaira ꞌaish bëtsi cushisama ꞌicën. Mix cushiira ꞌaish camina camabi menu ꞌicë unicaman ꞌApu ꞌain. Usa ꞌaish camina sinánñuira ꞌixun paránquinma atúxribia upí ꞌinun ꞌiminux atun ꞌApu ꞌain.

Apocalipsis 16:5

Usaía ꞌunpáxcama ꞌicëbëtan cana an bacacama iscë ángel ësai quia cuan: —Nucën ꞌIbu Dios ꞌaish ca min sinan usabi asérabi upíira upí ꞌicën. Mix camina usabi ꞌiá ꞌaish usabi ꞌain. A ꞌunpáxcamami usoquin imi ꞌimia isquin cana ꞌunan, min sinan upí ꞌixúnmi ñu ꞌaisama cuëëncëma cupí camina usoquin ꞌan.