Lucas 7:16 - Kashibo-Kakataibo Biblia

¹⁶ Usaía ꞌia isi ratuti racuëtibi cuëëni ca unicamax Nucën Papa Dios rabi quiacëxa: —An Nucën Papa Dios quicë bana unicama ñuixunti uni aira ca ënëx ꞌicë —quianan ca —Nucën Papa Diosaxbi ca aín unicama ꞌaquini uaxa —quiacëxa.

Nukën 'Ibu Diosan ain unikama 'inan ain bana

¹⁶ Usaía 'ia isi ratuti racuëtibi cuëëni ca unicamax Nucën Papa Dios rabi quiacëxa: —An Nucën Papa Dios quicë bana unicama ñuixunti uni aira ca ënëx 'icë —quianan ca —Nucën Papa Diosaxbi ca aín unicama 'aquini uaxa —quiacëxa.

Lucas 7:16 Iomraidhean Croise

Salmos 65:9

Min kamina mekama bërúankin; ñu ꞌapákëkama kómiti ꞌuíribi ꞌibúnun ꞌimin; usakin ꞌakëxuan xëxatan ꞌëkin mapurukin chabókëxun ka ñu ꞌapákëkaman tuaia. ¡Usakin ꞌakin kamina me anu ñu ꞌapátisabi ꞌinua mëníokanun ꞌimin!

Éxodo 4:31

ꞌAia iskin ka Israel unikaman asérabi ka kixun sinánkëxa. Sinánkin ka Nukën ꞌIbun ka nux ꞌaisamairai tëmëraia isaxa kixun sinánkankëxa, sinani ka aín bëmánanën memi bëtiki tsóbukin Dios rabikankëxa.

Mateo 15:31

Pëxcucëx ca banañuma unicamax banacëxa. Banamainun ca axa aín quisi aín pëñánmi ñucë unicamaxribi pëxcúacëxa. Pëxcúmainun ca axa aín niti bëtsicë unicamax upiti niacëxa. Aín bërumi ñucë unicamanribi ca bëoquiquin isacëxa. Usaia ꞌia isquin ca anu ꞌicë unicaman uisa uni cara ënëx ꞌicë quixun sinani cuëënquin chuáma tanquin Nucën Papa Dios, a Israel unicaman rabicë, a rabiacëxa.

Mateo 21:11

Canania ca axa Jesúsbë ꞌicë unicaman cacëxa: —Ënëx ca Jesús, an Nucën Papa Dios quicë bana unicama ñuixuncë, a ꞌicën, ax ca Galilea menu ꞌicë ëma, Nazaret, anuaxa ucë ꞌicën.

Mateo 28:8

Usaquian ángelnën cacëxun, asérabi ca Jesús anuma ꞌicë quixun istancëx ca quininuax chiquíquiani racuëtibi cuëënquiani aín ꞌunánmicë unicama ñuixuni abáquiani cuancëxa.

Mateo 9:8

Usai niruquiani cuania isi ca anu ꞌicë unicama racuë́acëxa. Racuë́quin ca —Nucën Papa Diosan aín cushi ꞌináncëxun ca ënë unin ñucë uni pëxcüanan aín ꞌuchacama tërë́anxa —quixun sinánquin Nucën Papa Dios rabiacëxa.

Lucas 1:65

Usai ꞌicëbë ca anu ꞌicë unicama sináncasmai ratúacëxa. ꞌImainun ca Zacaríasbëa aín bëchicë usai ꞌicë banacama Judea menu ꞌicë matácamanu ꞌicë unicaman chanioia cuacëxa.

Lucas 1:68

—Nucën ꞌIbu Dios, a Israel ꞌimainun aín rëbúnquicaman rabicë, a ca camabi unin rabiti ꞌicën. An ca aín unicama ꞌicë nu nuibaquin, an nuxnu ami sinánun nu sinánmiti a xuaxa.

Lucas 2:20

Usa ꞌain ca an ñuina bërúancë unicama an a iscë ñucama ꞌimainun an a cuacë ñucama sinánquin Nucën Papa Dios rabi, pastonu amiribishi riquiancëxa. Riquianquin ca —ángelnëan nu cacësabi oi ca ꞌiaxa —quixun sinánan ax ca upíira ꞌicë quixun sinánquin Nucën Papa Dios rabiacëxa.

Lucas 24:19

Quixuan cacëxun ca Jesusan cacëxa: —¿Añu ñui cara quicanx? Quia ca cacëxa: —Nazaretnu ꞌicë Jesús, a ñui ca quicanxa. An ca Nucën Papa Dios ꞌimainun unicamanribi iscëxun upí oquin Nucën Papa Dios quicë bana uni ñuixuanan aín cushínbi uni itsin ꞌacëma ñu ꞌaxa.

Lucas 5:26

Usai niruquiani cuania isi ratuti ca Nucën Papa Dios rabi —ësa ñu cananuna isáma ꞌai —quiax quicancëxa.

Lucas 5:8

Usoquian ꞌaia isi ratúquin ca Simón Pedronën aín bëmánon rantin purúnquin —ꞌëx cana ꞌuchañu uni ꞌain. Usa ꞌain camina ꞌë ëbiani cuanti ꞌai —quixun Jesús cacëxa.

Lucas 7:15

Usaquin cacëxëshi ca bamacë uni baísqui tsóracëti banacëxa. Usai ꞌicëbëtan ca Jesusan —ca asábi ꞌicën, ca mibë ꞌitëcënti ꞌicë —quixun aín tita cacëxa.

Lucas 7:39

Usoia isquin ca fariseo uni an Jesús pi unun cacë, an sináncëxa: Ënë unix asérabi an Nucën Papa Dios quicë bana unicama ñuixuncë ꞌixun ca uin cara a tamëëtia quixun ꞌunánan an tamëëcë ax cara uisa xanu ꞌicë quixun ꞌunántsianxa. Ënëx ca xanu ꞌaisama ꞌicën.

Lucas 8:37

Ñuixuncëxun ca a mecamanu ꞌicë unicaman racuë́iraquin aín nëtënuaxa cuantánun quixun Jesús cacëxa. Cacëx manë nuntinu ꞌiruquiani ca cuancëxa.

Lucas 9:19

Cacëxun ca cacëxa: —Raírinëx ca quia, mix ismina Juan, an uni nashimicë, a ꞌain. Raírinëx ca quia, mix ismina Elías a ꞌain. Raírinëxribi ca quia, mix ismina an Nucën Papa Dios quicë bana unicama ñuixuncë unicamaxa bama a achúshinëxa baísquicë a ꞌain.

Juan 1:21

Cacëxun ca cacëxa: —¿Ama ꞌaish caina ui ꞌain? ¿Elías caina ꞌain? Quixuan cacëxun ca cacëxa: —ꞌËx cana ama ꞌain. Cacëxun ca ñucátëcëancëxa: —¿An Nucën Papa Dios quicë bana unicama ñuixunti uni, axa uti a caina mix ꞌain? Cacëxun ca —ama cana ꞌai —quixun cacëxa.

Juan 1:25

Usa ꞌixun ca Juan catëcëancëxa: —¿Mix Cristoma ꞌianan Elíasma ꞌianan an Nucën Papa Dios quicë bana unicama ñuixunti, axa uti ama ꞌixunbi caina min uisa cupí unicama ꞌunpaxan nashimin?

Juan 4:19

Cacëxun ca xanun cacëxa: —Bërí cana mix caina ui ꞌai quixun ꞌunanin. Mix camina an Nucën Papa Dios quicë bana uni ñuixuncë uni a ꞌain.

Juan 6:14

Usaquian Jesusan ꞌaia isi ca anu ꞌicë unicamax quiacëxa: —Asérabi ca ënë uni axa Nucën Papa Dios quicë bana uni ñuixuni utinu nun caíncë, a ꞌicën.

Juan 9:17

Usai Jesús ñui quiquin ca bëpë́xcucë uni amiribishi ñucátëcëancëxa: —¿Min sináncëx cara an mi bëpë́xcucë uni ax uisa uni ꞌic? Cacëxun ca cacëxa: —ꞌËn sináncëx ca ax an Nucën Papa Dios quicë bana uni ñuixuncë uni a ꞌicën.

Hechos 5:5

Ësai quia cuatishi ca Ananías nipacëti bamacëxa. An usai bamacë ñuicania cuacë unicamax ca racuë́iracëxa.

Hechos 7:37

Usaquin caxun ca ësaquinribi Estebanën catëcëancëxa: —Moisés ax ca an Israel unicama ësaquin cá a ꞌicën: “An ꞌë ꞌimicësaribi oquin ca mitsun rëbúnqui achúshi, an ax quicë bana unicama ñuixunti uni Nucën Papa Diosan ꞌimiti ꞌicën. ꞌImicëxuan an atu cacësabi oi ca ꞌicanti ꞌicën”.

Gálatas 1:24

Usaquian ꞌë ñuia cuaquin ca Nucën Papa Dios rabiacëxa.

Deuteronomio 18:15

Usa ꞌaínbi ka Nukën ꞌIbu Diosan mitsunuaxa achúshi uni an Dios kikë bana ñuikë ꞌën mitsu ñuixunkësaribi okían ñuixunun ꞌimiti ꞌikën, aka mitsun rëbúnki kaman aín bana tanti ꞌikën.