Lucas 7:13 - Kashibo-Kakataibo Biblia

¹³ A isquin nuibaquin ca Jesusan a xanu cacëxa: —Iánxma ca ꞌit.

Nukën 'Ibu Diosan ain unikama 'inan ain bana

¹³ A isquin nuibaquin ca Jesusan a xanu cacëxa: —Iánxma ca 'it.

Lucas 7:13 Iomraidhean Croise

Salmos 103:13

Uikaman kara a nuibakin ax kikësabiokin ꞌaia, a unikama ka Diosan unían aín bakë bëchikëkama ꞌakësaribi okin nuibatia;

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Jeremías 31:20

Efraínnu ꞌikë unikama ax ka, ꞌëx amira sinánkë bakë bëchikë usaribi ꞌikën; usa ꞌaish ka ax ꞌën kuëëinrakë ꞌën bakë bëchikë ꞌikën. Usa ꞌikë kana ñu ꞌatima ꞌaia usakin kamina ꞌatima ꞌai kixun kan, ꞌaínbi kana ami manukima usakin kamina ꞌatima ꞌain kixun kain; usa ꞌain kana ꞌën nuitunën upitani kuëënkin, atu ꞌitsaira nuibatin. ꞌËx min ꞌIbu ꞌaish kana asérabi ësai kin.

Marcos 8:2

—Ënë unicamax ca ënu, rabë́ ꞌimainun achúshi nëtë ꞌëbë ꞌicën. Usa ꞌaish ca a atun piti ñuñuma ꞌicën. Usa ꞌain cana ꞌën atu ꞌitsaira nuibaquin ꞌaquinsa tanin.

Lucas 10:1

Usaía ꞌicëbëtan ca Jesusan bëtsi bëtsi me ꞌimainun bëtsi bëtsi ëmanu bana ñuixuni cuanti sináncëxa. Usaquin sinánquin ca aín ꞌunánmicë uni mëcën rabë́ ꞌimainun rabë́ acama xuquinma, uni raíri setenta caístancëxun rabë́ rabë́, uinu cuanti cara an sinánxa anu atux pain cuanun xuacëxa.

Lucas 11:1

Nëtë itsin aín Papabë banatancëxa sënënia ca aín ꞌunánmicë uni achúshinën Jesús cacëxa: —Juanën ca aín ꞌunánmicë unicama Nucën Papa Diosbë banati ꞌunánmiaxa. Usaribi oquin camina nuribi abë banati ꞌunánmiti ꞌain.

Lucas 11:39

Usaquin sinania ꞌunánquin ca Nucën ꞌIbu Jesusan cacëxa: —Mixmi fariseo uni ꞌicë cana mi cain, mitsux fariseo uni ꞌixun camina Nucën Papa Diosainsa mitsun nuitu upí isnun quixun, xanpa ꞌimainun manë ñutë, acama aín caxu chucain. Usaquin ꞌaquinbi camina mitsun nuitu mëu upíma ñu sinanin. Uni paránquin camina aín ñua mitsu ꞌinánun quixun sinánmianan ñunshínquin ñu ꞌatima ꞌati sinanin.

Lucas 12:42

Cacëxun ca ësoquinribi Jesusan cacëxa: —Ënëx ca ësaribi ꞌicën. Achúshi unin ca aín xubunu ꞌicëcama upí oquin piminun quixun aín ñu mëëmicë unicama achúshi caísaxa. Caísquin ca, an ca asérabi ꞌën cacësabi oquin ꞌati ꞌicë, quixun sinánxa. Sinánquin usoquin ñu ꞌanun quixun catancëx ca bëtsi menu cuanxa.

Lucas 13:15

Quia ca Nucën ꞌIbu Jesusan cacëxa: —Mitsux camina cëmë ꞌain. Mitsux, ꞌaracacë ñuina tëcërëcacëñu ꞌixun, camina nëtë camabi ꞌacësaribi oquin anun ñu mëëtima nëtë́nribi min ñuina ꞌunpax ꞌanun xëxánu buanin.

Lucas 17:5

Aín ꞌunánmicë unicaman ca Nucën ꞌIbu Jesús cacëxa: —Nux Nucën Papa Diosmi catamëti ꞌicëbi camina asérabi, upitiira ami catamënun nu ꞌaquinti ꞌain.

Lucas 17:6

Cacëxun ca Jesusan cacëxa: —Mostaza bëru ax ca chamaratsu ꞌicën. Asaribi ꞌaish ꞌitsamaratsushi Nucën Papa Diosmi sináncë ꞌixun, ënë ñu cana ꞌatima ꞌai quixun sináncëbëtanbi ca mitsúnmi a ñucácëxun mitsu ꞌaxunti ꞌicën. Mitsux ami ꞌitsamashi catamëcë ꞌixunbimi ënë i, ënuax ca ëchiquit, parunpapanu ca tacut, cacëx ca usai ꞌiti ꞌicën.

Lucas 18:6

Usaquin catancëxun ca ësaquinribi Nucën ꞌIbu Jesusan cacëxa: —An amia uni itsi manáncëxunbi a xanu ꞌaquinsama tancë uni a ꞌën mitsu ñuixuncë ax aín sinan upíma ꞌaíshbia quicë bana, a camina sinánti ꞌain.

Lucas 19:8

Usa ꞌain ca manámi chairuquin Zaqueonën Jesús cacëxa: —ꞌËn cana mi cain, bërí cana ꞌën curíquicama mësú usaribi ꞌënan ꞌinun bianan usaribi ñuñuma unicama ꞌinani cuanin. ꞌInánan cana ꞌën aín curíqui mëcama uni, ꞌën ainan mëcama inumiquin rabë́ ꞌimainun rabë́ oquin ꞌinánti ꞌain.

Lucas 22:61

Banacëbë cuainacëquin ca Nucën ꞌIbu Jesusan Pedro ñachaquin isacëxa. Ñachacëxun ca Pedronën ësaquian Jesusan a cacë bana sináncëxa: Ënë imë́ camina ꞌatapa banatisama pan ꞌain, min isamina ꞌë ꞌunáncëma ꞌai quixun ꞌë ñuiquin rabë́ ꞌimainun achúshi oquin uni paránti ꞌain.

Lucas 24:3

Usa ꞌicë istancëx cuani, quininu atsínquianxun isquinbi ca Nucën ꞌIbu Jesús ꞌaímocëxa.

Lucas 24:34

Mëracëxun ca axa timë́cë unicaman cacëxa: —Nucën ꞌIbu Jesús ca asérabi baísquitëcëanxa. Usa ꞌicë ca Simonan ispunia.

Lucas 7:12

Cuanx Naín ëmanu bëbaquin ca uni bamacëa, chupan rabúncë, bacë́tinën buáncania isacëxa. A unin titax ca tuá itsiñuma ꞌianan casunamëcë xanu ꞌiacëxa. Abë ca ꞌaisamaira uni Naín ëmanuax a catícabiani cuancëxa.

Lucas 7:14

Caí anu cuanquian anun buáncë bacë́ti mëëcëbë ca an a buáncë unicamax niracëacëxa. Niracëcëbëtan ca Jesusan cacëxa: —Bëná uni, cana mi cain, ca nirut.

Lucas 7:19

Cacëxun ca Juanën aín uni rabë́ Jesúsnu cuantánun xuquin ësaquin ñucáquin catánun quixun cacëxa: ¿Mix caramina asérabi axa uti nun caíncë a ꞌain? ¿Ama mix ꞌain caranuna bëtsíxa uti caínti ꞌain?

Lucas 8:52

Usai xubunu atsínquian cuacëxbi ca ini bëunan mëscuti rarumabacëxa. Rarumabatiabi ca Jesusan cacëxa: —Iánxma ca ꞌit. Xu xanu ca ñucëma ꞌicën, ca ꞌuxaxa.

Juan 11:2

María ax ca an Nucën ꞌIbu Jesús aín taë ꞌiníntisa ron chabóxun aín bun tatërë́ncë, a ꞌiacëxa.

Juan 11:3

Usa ꞌixun ca aín chirabacë rabëtan —axa mibë nuibanancë uni ca ꞌinsíanxa —quixuan Jesús catánun uni xuacëxa.

Juan 20:13

Iscëxun ca ángelnën María cacëxa: —¿Uisacatsi caramina ini bëunan mëscutin? —quixun. Cacëxunbi ca Maríanën catëcëancëxa: —Unin ca quininu atsínxun ꞌën ꞌIbu bacarubianquin buánxun amanu racánxa, uinu cara racánxa cana ꞌunaniman.

Juan 20:15

ꞌUnáncëxunmabi ca Jesusan María cacëxa: —¿Uisacatsi caramina ini bëunan mëscutin? ¿Ui caramina barin? Cacëxunbi ca an naë bërúancë uni isa quixun sinánquin Maríanën cacëxa: —Min buánxun camina bitsi cuanun uinu caramina racan ꞌë cati ꞌain.

Juan 4:1

Fariseo unicaman ca —Juanën ꞌunánmicë unicama ꞌitsaribi ꞌaínbi ca Jesusan ꞌunánmianan nashimicë unicamaxira ꞌaisamaira ꞌicë —quixuan ñuicania cuacëxa.

Juan 6:23

Usaquian sinánmainun ca Tiberias ëmanuax uni raíriribi manë nunti raírinën cuanx, anuxuan Jesusan Nucën Papa Dios —asabi ca —catancëxun pán uni pimioncë, a ꞌurama bëbacëxa.

1 Corintios 7:30

Axa rarumacë uni an ca aín rarumatishi sinántima ꞌicën. Axa bëtsi unicamabë timë́ax cuëëncë unicamax ca axa cuëëncëma unicamasaribi ꞌiti ꞌicën. An ñu bicë uni axribi ca ñuñu ꞌaíshbi ñuñumasa ꞌiti ꞌicën.

1 Tesalonicenses 4:13

Nucën xucë́antu, bamacë unicamax cara uisai ꞌiti ꞌicë quixun ꞌunáncëma mitsux ꞌiti cananuna cuëëniman, an ënë ñu ꞌunáncëma unicamaxa aín aintsi bamacëbë ꞌicësaribitími mitsux ꞌaisamaira masá nuitutima cupí.

Hebreos 2:17

Ësaquin nu ꞌaquinti cupí ax nusaribi uni ꞌixun, ñunshin ꞌatimanën ꞌapun tancëxun ꞌunánan paë tani tëmërati ꞌunan ꞌixun ca Jesusan aín unicama Nucën Papa Dios upí oquin ñucáxunia. Usa ꞌaish ca nun ꞌucha tërë́nux bamati cupí nusaribi uni ꞌiacëxa.

Hebreos 4:15

Jesús an nu Nucën Papa Dios ñucáxuncë, ax ca uni ꞌaish nux ꞌicësaribiti tëmëraíbi ꞌuchama ꞌicën. Usa ꞌixun ca nuribi tëmëranan ñunshin ꞌatimanën ꞌatima ñu ꞌamitisa taniabi nuibaquin nu ꞌaquinti ꞌicën.