Lucas 6:8 - Kashibo-Kakataibo Biblia

⁸ Usaquian sináncania ꞌunánquin ca Jesusan aín mëcën bamacë uni cacëxa: —Nëri ai ca nëbë́tsi ënu niracët. Cacëx nirucuatsini ca anu niracëacëxa.

Nukën 'Ibu Diosan ain unikama 'inan ain bana

⁸ Usaquian sináncania 'unánquin ca Jesusan aín mëcën bamacë uni cacëxa: —Nëri ai ca nëbë́tsi ënu niracët. Cacëx nirucuatsini ca anu niracëacëxa.

Lucas 6:8 Iomraidhean Croise

Isaías 42:4

Usai ꞌika tantimabi ꞌianan kana ꞌaima kixunbi sinántima ꞌikën, kamabi menu ꞌikë unikamaxa ax kikësabiokin ꞌai sënë́ntamainun Axa parúmpapa nasíkamanu ꞌikë unikama atun ka an ꞌunánmikësabi okin ꞌati ꞌikën.”

Mateo 9:4

Usaquin sinania ꞌunánquin ca Jesusan cacëxa: —¿Uisacasquin caramina mitsun usaquin sinanin?

Marcos 3:3

Bërúancëxunbi ca aín mëcën bamacë uni Jesusan cacëxa: —Nirucuatsini ca nëri ut.

Lucas 13:12

Usa ꞌicë isquin cuënxun ca Jesusan cacëxa: —Min ꞌinsin ca nëtë́axa, camina pëxcúcë ꞌain.

Lucas 5:22

Usaquian sinania ꞌunánquin ca Jesusan cacëxa: —¿Uisacasquin caramina mitsun usaquin sinanin?

Lucas 6:9

Anua nimainun ca Jesusan an Moisésnën cuënëo bana ꞌunáncë unicama ꞌimainun fariseo unicama cacëxa: —Ësaquin cana mitsu ñucatin, ¿anun ñu mëëtima nëtën cara unin ñu upí ꞌati ꞌic? ¿Cara ñu upíma ꞌati ꞌic? ¿Anun ñu mëëtima nëtën cara unin uni itsi ꞌinsíncë ꞌaquinti ꞌic? ¿Cara bamatanun isëshiti ꞌic?

Juan 2:25

An ca unían cacëxunmabi camabi unin sinan ꞌunáncëxa.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Juan 9:4

Bëánquicëbëtan ca unin ñu mëëtima ꞌicën. Usa ꞌain ca nëtën ñu mëëia. Usaribi oquin cana bamacëma pain ꞌixun ꞌën an ꞌë xuá axa quicësabi oquin ñu ꞌati ꞌain.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Hechos 26:26

ꞌApu Agripa ënën ca ꞌëx a ñui quicë ñucama ënë upí oquin ꞌunánxa. Unían isnunma ñu ꞌacëma ꞌixun cana ꞌën, an ca asérabi ꞌën ñuicë ñucama ꞌunánxa quixun ꞌunanin. Usa ꞌain cana racuë́quinma ënë ñucama a ñuixunin.

Filipenses 1:28

Cuanan cana mitsumi nishquian unin ꞌatimocëxunbi camina racuë́quin a ëníma Jesucristomi catamëti quixuan unin ñuia cuaisa tanin. Mitsúxmi usai ꞌicëbëtan ca Nucën Papa Diosan sinánmicëxun axa mimi nishcë unicaman ꞌunánti ꞌicën, ainanma ꞌaish ca atux nëtë́timoi usabi ꞌinux bamati ꞌicë quixun. ꞌUnánan ca mitsux camina ainan ꞌinux ië́cë ꞌaish Nucën Papa Diosbë ꞌiti ꞌai quixun ꞌunánti ꞌicën.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.

1 Pedro 4:1

Uni ꞌixun ca Cristonën tëmëraquin paë tancëxa. Usa ꞌain camina ꞌunánti ꞌain, mitsúnribi camina —sapi cana tëmëraquin paë tanti ꞌai —quixun sinánti ꞌain. Uin cara Jesucristonan cupí tëmëraquin paë tanxa an ca ñu ꞌatima ꞌai ꞌuchati ëanxa.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.