Lucas 6:49 - Kashibo-Kakataibo Biblia

⁴⁹ Usa ꞌaínbi ca an ꞌën bana aín pabitan cuaxunbi a bana quicësabi oquin ꞌacëma uni ax ca an masinu xubu ꞌacë unisaribi ꞌicën. ꞌUí ꞌibúcëbë, baca ꞌitsaira ꞌëi, ami aín bai tucanquicëbë ca a xubu puxucuti ꞌicën. Usai ꞌi ca aín itácamaribi tsasíbuti ꞌicën.

Nukën 'Ibu Diosan ain unikama 'inan ain bana

⁴⁹ Usa 'aínbi ca an 'ën bana aín pabitan cuaxunbi a bana quicësabi oquin 'acëma uni ax ca an masinu xubu 'acë unisaribi 'icën. 'Uí 'ibúcëbë, baca 'itsaira 'ëi, ami aín bai tucanquicëbë ca a xubu puxucuti 'icën. Usai 'i ca aín itácamaribi tsasíbuti 'icën.

Lucas 6:49 Iomraidhean Croise

Ezequiel 33:31

Usakin min kakëx ka ꞌën unikama utankëx atux ꞌikësabi min bana kuati mi bëtánain tsóbukanti ꞌikën. ꞌAínbi ka atun mix kikë bana tankin usakinbi ꞌatima ꞌikën. Usa ꞌixun ka mix kikë banakama a tania, ꞌaínbi ka a banakama uníxa xanu ñui katakësokinshi ꞌaia, usai ꞌianan ka atun ꞌitsaira kuríkishi kuëënia.

Oseas 4:14

ꞌAínbi kana ꞌën mitsun ini bëchikë xanukama uni aín nami ꞌatima oíma ꞌianan mitsun bëchikënën, bëtsi uni aín nami ꞌamia tëmëramiti ꞌain, mitsúxbi kamina bëtsi bëtsi uni aín nami ꞌakë xanubë ꞌin; ꞌikin kamina a rabikësokin atubë timë́xun ñuina xarokanin. ¡Usokin ꞌai kamina achúshi ëmanu ꞌikë unikaman sinánkimaishi ñu ꞌakë usaribi ꞌikanin!

Mateo 23:3

Atun mitsu ñuixuncësabi oquin camina Moisésnën cuënëo bana ꞌati ꞌain. ꞌAnan camina atúan mitsu cacësabi oi ꞌiquinbi atúan a bana quicëma ñu ꞌacësaribi oquin ꞌatima ꞌain, mitsuma paránxun ꞌamia, usa ꞌain. Atux ca unicama bana ñuixunibi an uni ñuixuncë banaxa quicësabi oi ꞌima.

Mateo 24:10

Unían ami nishquin ꞌatimocëxun ca ꞌitsa unin ꞌëmi catamëti ënti ꞌicën. Usai ꞌi abë nishánanquin ca uni raíri, bëtsi unin ꞌatimonuxun binun ꞌinánti ꞌicën.

Marcos 4:17

Usaquin sinánquinbi ca maparañu menu nipacëcë ñu bëru tapun ꞌitsañuma usaribi ꞌixun Nucën Papa Diosan bana ꞌitsama nëtë́inshi sinania. Sinánquinbi ca anbi masáquin sinánan Nucën Papa Diosan bana ꞌacëbë ami nishquian unin ꞌatimocëxun a bana manuquin ënia.

Lucas 12:47

An uisaquin ꞌati cara an a ñu mëëmicë unix cuëënia quixun ꞌunánquinbi ax cuëëncësabi oquin ꞌati sináncëma ꞌixun ax cuëëncësabi oquin ꞌaxuncëma uni ax ca ꞌaisamaira oquin mëëquin castícancë ꞌiti ꞌicën.

Lucas 19:14

Usaquin catancëxa cuanbi ca a menu ꞌicë unicama ami nishcë ꞌixun, —a uni cananuna nun ꞌapu ꞌiti cuëënima —quixuan ꞌapu catánun quixun uni xuquin camiaxa.

Lucas 19:27

Axa ꞌëmi nishi ꞌëx ꞌapu ꞌiti cuëëncëma unicama a camina ënu bëxun ꞌën ismainunbi ꞌati ꞌain.

Lucas 6:46

¿Uisacasquin caramina —mix camina ꞌën ꞌIbu ꞌai —quixun ꞌë caquinbi ꞌën mitsu cacësabi oquin ñu ꞌaiman?

Lucas 6:48

Ax ca unían xubu ꞌati, anu itá nitsínti nëmíonquin me naëcë usaribi ꞌicën. ꞌUí ꞌibúcëbëa baca ꞌitsaira ꞌëia ami aín bai tucanquicëbëbi ca a xubu upí oquin ꞌacë ꞌaish shaíquima.

Lucas 7:1

Unicaman cuanun bana ñuixuntancëx ca Jesús Capernaúm ëmanu cuancëxa.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Hechos 20:29

ꞌËn cana ꞌunanin, ꞌëx cuancëbë ca uni raíri uti ꞌicën. Uxun ca axa ami sináncë unicama, Jesucristomi catamëti bana a ënun quixun paránti ꞌicën. ꞌInúanëan bëtsi biquin carnero tsuácacësaribi oquin ca a unin axa ami sináncë unicama Jesús manunun quixun parántisa tanti ꞌicën.

Hechos 26:11

ꞌItsa oquin cana amia sinaniabi Jesucristomi catamëti ënía, ami ꞌatimati bananun quixun aín unicama bëtsi bëtsi ocën. Anua judíos unicama timë́ti xubucamanubi cuanquin cana usoquin ꞌacën. Usonan cana ñunshinacëquin bëtsi bëtsi menu ꞌicë ëmacamanuribi cuanquin, anu ꞌicë axa Jesucristomi catamëcë unicama bëtsi bëtsi ocën.

1 Tesalonicenses 3:5

Mitsux usai tëmëraia cuati bënë́quin cana mitsun caramina asérabi Jesucristomi catamëti ëncëma ꞌai quixun isnun Timoteo xuan. Mitsu sapi ca ñunshin ꞌatimanën ꞌapu, an uni paránquin ꞌaisama ñu ꞌati sinánmicë, an Jesús ñuicë bana ënun quixun sinanamiaxa quixun cananuna sinan. Usa ꞌixun cananuna nun nu mitsu bana ñuixuncë ax ca ñancáishi ꞌiti ꞌicë quixun sinan.

2 Pedro 2:20

Ënëx ca ësa ꞌicën: Ui unicaman cara Nucën ꞌIbu Jesucristomi catamëquin ñu ꞌatima ꞌati ëncë ꞌixunbi amiribishi ñunshínquin ñu ꞌatima ꞌatëcënia, a unicamax ca bëráma ꞌiásamaira ꞌinun ꞌuchaia.

1 Juan 2:19

An Cristo ꞌatimaquin ñuicë unicama nubë ꞌixunbi ca nu ëanxa, asérabi nun ꞌacësaribi oquin Jesucristo sináncëma ꞌixun. Nux ꞌicësaribiti asérabi Jesucristomi sináncë ꞌaish ca nubë bërúcë ꞌitsíanxa. Usa ꞌain ca atúan nu ëncë cupí camaxunbi ꞌunánti ꞌicën, nubëa ax timë́cë unicamax ca camáxira asérabi nux ꞌicësaribiti Jesucristomi sináncëma ꞌiaxa quixun.