Lucas 6:47 - Kashibo-Kakataibo Biblia

⁴⁷ An ꞌëmi sinánquin ꞌën bana cuanan a bana quicësabi oquin ꞌacë uni ax cara uisa ꞌicë quixun cana mitsu cati ꞌain.

Nukën 'Ibu Diosan ain unikama 'inan ain bana

⁴⁷ An 'ëmi sinánquin 'ën bana cuanan a bana quicësabi oquin 'acë uni ax cara uisa 'icë quixun cana mitsu cati 'ain.

Lucas 6:47 Iomraidhean Croise

Isaías 55:3

Ënu kamina mitsux ukanti ꞌain, ꞌën kakësabiokin ꞌën bana upiokin bëmë́kin ꞌai kamina chuámarua tsókanti ꞌain. ꞌËn kana mitsubëtan uínsaranbi këñutima ñu ꞌati ꞌain, usokin ꞌakin kana ꞌën uni David nuibakin kásabiokin mitsu ꞌaxunti ꞌain.

Mateo 12:50

Uicaman cara Nucën Papa Dios naínu ꞌicë ax cuëëncësabi oquin ꞌaia, acamax ca ꞌën xucën ꞌimainun ꞌën chirabacë ꞌimainun ꞌën tita ꞌicën.

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Lucas 11:28

Cacëxun ca Jesusan cacëxa: —Usa ꞌaínbi ca an Nucën Papa Diosan bana cuanan a bana quicësabi oquin ꞌacë uni, axira ꞌën titaxa cuëëncësamaira oi cuëënti ꞌicën.

Lucas 14:26

—Uix cara ꞌën uni ꞌiisa tania an ca aín papa, aín tita, aín xanu, aín bëchicë, aín xucën, aín chirabacë, acama nuibacësamaira oi ꞌëmi sinánti ꞌicën. Usai ꞌianan ca ax upiti tsótishi sinanima ꞌëmi sinani ꞌëx cuëëncësabi oishi ꞌiti ꞌicën. Ui unix cara usai ꞌiisama tania ax ca ꞌën uni ꞌitima ꞌicën.

Lucas 6:48

Ax ca unían xubu ꞌati, anu itá nitsínti nëmíonquin me naëcë usaribi ꞌicën. ꞌUí ꞌibúcëbëa baca ꞌitsaira ꞌëia ami aín bai tucanquicëbëbi ca a xubu upí oquin ꞌacë ꞌaish shaíquima.

Lucas 8:13

Maparañu me bëxbánua ñu bëru nipacëcë usaribi ca raíri uni ꞌicën. A unicaman ca Nucën Papa Diosan bana cuati cuëënquin —a bana quicësabi oi cana ꞌiti ꞌai —quixun aín nuitunën sinania. Sinánquinbi ca maparañu menu nipacëcë ñu bëru tapun ꞌitsañuma usaribi ꞌixun, Nucën Papa Diosan bana ꞌacë cupí ami cuaianan ami nishquin unin ꞌatimocëxun, tënëquinma a bana manuquin ënia.

Lucas 8:8

Usa ꞌaínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca aín bimi ꞌitsaira, cien, ꞌiaxa. Usaquin catáncëxun ca Jesusan munuma banaquin cacëxa: —An aín pabitan ënë bana cuacë unin ca aín nuitunënbi sinánquin cuati ꞌicën.

Juan 10:27

Carneronëan an bërúancë unin bana cuacësaribi oquin ca axa ꞌëmi catamëcë unin ꞌën bana cuatia. Cuatia cana acama ꞌën ꞌunanin. Usa ꞌixun ca ꞌën bana cuaquin a bana quicësabi oquin ꞌaia.

Juan 13:17

Ënë banacama ꞌunánquin a bana quicësabi oquin ꞌai camina chuámarua tani cuëëncanti ꞌain.

Juan 14:15

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

Juan 5:40

A banaxa usai ꞌë ñui quicë ꞌaínbi camina ainan ꞌaish Nucën Papa Diosbë ꞌinux ꞌëmi catamëisama tanin.

Juan 6:35

Cacëxun ca Jesusan atu cacëxa: —ꞌËx cana anúan uni asérabi upiti tsóti a ꞌain. Panánxun piisa tanan shimaxun ꞌunpax ꞌaisa tania uni bënë́cë, usaribitia ax Nucën Papa Diosbë upí ꞌiisa tani bënë́cë uni, ax ca ꞌëmi catamëti amiribishi bënë́tëcëntima ꞌicën.

Juan 6:37

ꞌËx cuëëncësabi oquin ꞌai cana uáma ꞌain. An ꞌë xucë, axa cuëëncësabi oquinshi ꞌai cana uacën. Usa ꞌain ca ui unicama cara Nucën Papa Diosan ꞌënan ꞌinun sinánmia acamax ca ꞌëmi catamëti ꞌicën. Axa ꞌëmi catamëcë uni, a cana —camina ꞌënan ꞌitima ꞌai —quixun catima ꞌain.

Juan 8:52

Quixuan cacëxun ca judíos unicaman Jesús cacëxa: —Bërí cananuna upí oquin ꞌunanin, mix camina ñunshin ꞌatimañu ꞌai quixun. Abraham ꞌimainun an Nucën Papa Dios quicë bana uni ñuixuncë unicamaxribi ca bamacëxa. Usa ꞌaínbi camina mix quin, an min bana cuacë unix isa xënibua ꞌaínbi ꞌiti ꞌicë quiax.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

Santiago 4:17

Ësa ca: An usaquin ꞌati ca upí ꞌicë quixun ꞌunánquinbi usaquin ꞌacëma uni ax ca ꞌuchaia.

1 Pedro 2:4

Usa ꞌain camina axa bamatimoi tsócë, Jesucristo, a sinani ami catamëti ꞌain. Judíos unían cuëëncëma ꞌaíshbi ca anun cuëënquin Nucën Papa Diosan iscëx ax upíira ꞌicën. Unían xubu ꞌaquin maxax upí ami xubu raroti caíscë usaribi ca Jesucristo ꞌicën.

2 Pedro 1:10

ꞌËn xucë́antu, usa ꞌain Nucën Papa Diosan ainan ꞌiti caíscë ꞌaish camina an cacësabi oi ꞌinux bërúanracati ꞌain. Usa ꞌiquin camina Nucën Papa Diosmi sinánti ënquin ñu ꞌatima ꞌatima ꞌain.

1 Juan 2:29

Mitsun camina, Jesucristo ax ca asérabi upí ꞌicë quixun ꞌunanin. Usa ꞌixun camina ësaquinribi ꞌunánti ꞌain, an upí ñu ꞌacë unicamax ca Nucën Papa Diosan bëchicë ꞌicë quixun.

1 Juan 3:7

ꞌËn bëchicësa ꞌicë, cana mitsu cain, unin paráncë camina ꞌitima ꞌain. An upí ñu ꞌacë uni ax ca Jesucristosaribi ꞌaish aín nuitu upí ꞌicën.

Apocalipsis 22:14

Ui unicamax cara a ëmanu atsínxun, anu ꞌicë anun uni bamatimoi tsóti i bimi biti sinani, chupa uxuira chuañumasa ꞌinun aín nuitua upí ꞌiminun Jesucristomi catamëtia, acamax ca anu ꞌaish cuëëinra cuëënti ꞌicën.