Lucas 6:43 - Kashibo-Kakataibo Biblia

⁴³ Ësaquinribi ca Jesusan aín ꞌunánmicë unicama cacëxa: —Ësaribi ca. Aín íxa upí ꞌain ca aín bimi ꞌaisama ꞌima. Aín íxa xanáncë ꞌaish ꞌaisama ꞌain ca aín bimix upí ꞌima.

Nukën 'Ibu Diosan ain unikama 'inan ain bana

⁴³ Ësaquinribi ca Jesusan aín 'unánmicë unicama cacëxa: —Ësaribi ca. Aín íxa upí 'ain ca aín bimi 'aisama 'ima. Aín íxa xanáncë 'aish 'aisama 'ain ca aín bimix upí 'ima.

Lucas 6:43 Iomraidhean Croise

Isaías 5:4

¿Añu ñuribi karana ꞌën ꞌapákë uvaskama ꞌati ꞌain? ¿Anu kara usakin ꞌaisa ꞌikëbi ꞌën ꞌakëma ꞌik? ꞌËn kana ꞌapákë uvaskama bataira ꞌitánun bimiti kainkë ꞌian, ¿Uisa kupín kara uvas kaman kacha ꞌitánun tuax?

Isaías 61:3

axa bëtsi menuax uax Jerusalénnu tsókë unikamax ka chimaputan mataka kima mañuti, mañuax kuëënun mitsu ꞌimiti ꞌain, ꞌimianan kana ꞌiníntisa ro sanuira anúnmi ꞌinun ꞌinankësa okin masá nuituti inkë a ënia kuëënun ꞌimiti ꞌain, ꞌianan kana masánuituti nitë́xëkinma ꞌë rabi kantanun ꞌimiti ꞌain. Usa ꞌikë ka i upí kanan, an kanankë kakin mitsu unikaman anëti ꞌikën, usa ꞌixun ka Nukën ꞌIbun anbi ꞌapá ꞌixun aín kushi mitsu ismiti ꞌikën.

Jeremías 2:21

ꞌËn kana mi i upíira ꞌapákësa ꞌimianan, uvas bëru upíira ꞌapákëx kókësa usaribi ꞌinun ꞌimiakën. ¡ꞌAínbi kamina atiaira ꞌaisamai ninu ꞌikë bimi mukaira ꞌinun tuákësa usaribi ꞌikankën, usa ꞌikë kana ꞌënribi mitsu ꞌunánkëmasa okën!

Mateo 12:33

Ca ësa ꞌicën: Upí i ꞌapácëx ca aín bimi upí ꞌiti ꞌicën. I ꞌaisama ꞌapácëx ca aín bimi ꞌaisama ꞌiti ꞌicën. Aín bimi isquin ca unin ꞌunánti ꞌicën, a i cara upí ꞌicë, cara ꞌaisama ꞌicë quixun. Usaribi oquin camina ꞌën ñu ꞌaia isquin ꞌunánti ꞌain, uin cushin carana ñu ꞌai quixun.

Mateo 3:10

Ca ësa ꞌicën. A rëti aín manë ruë tuíanx a rapasu niracëquin ca an upí oquin tuacëma icama rëtancëxun xanania unin tsin nëënia. Usaribi oquin ca bënë́nquinshi mitsúxmi sinanati ami sináncëma ꞌicë Nucën Papa Diosan mitsu ꞌati ꞌicën.

Lucas 6:42

¿Mitsun bëru xamë́nu ꞌicë i mo mëníoquin bicëma ꞌixun caramina uisa cupí —i sani chamaratsu min bëru xamë́nu ꞌicë camina ꞌë bimiti ꞌai —quixun bëtsi uni cati ꞌain? Mitsun pain mitsun bëru xamë́nu ꞌicë i mo a bitancëxun camina upí oquin isquin bëtsi uni aín bëru xamë́nu ꞌicë i sani chamaratsu bixunti ꞌain.