Lucas 6:42 - Kashibo-Kakataibo Biblia

⁴² ¿Mitsun bëru xamë́nu ꞌicë i mo mëníoquin bicëma ꞌixun caramina uisa cupí —i sani chamaratsu min bëru xamë́nu ꞌicë camina ꞌë bimiti ꞌai —quixun bëtsi uni cati ꞌain? Mitsun pain mitsun bëru xamë́nu ꞌicë i mo a bitancëxun camina upí oquin isquin bëtsi uni aín bëru xamë́nu ꞌicë i sani chamaratsu bixunti ꞌain.

Nukën 'Ibu Diosan ain unikama 'inan ain bana

⁴² ¿Mitsun bëru xamë́nu 'icë i mo mëníoquin bicëma 'ixun caramina uisa cupí —i sani chamaratsu min bëru xamë́nu 'icë camina 'ë bimiti 'ai —quixun bëtsi uni cati 'ain? Mitsun pain mitsun bëru xamë́nu 'icë i mo a bitancëxun camina upí oquin isquin bëtsi uni aín bëru xamë́nu 'icë i sani chamaratsu bixunti 'ain.

Lucas 6:42 Iomraidhean Croise

Mateo 26:75

Banacëbëtan ca Pedronën ësaquian Jesusan cooncë bana sináncëxa: ꞌAtapa banatisama ꞌain camina min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain. Usoquian Jesusan cooncë bana sinani ca Pedro ëman chiquiti masá nuituirai bëunan mëscuti iancëxa.

Mateo 7:3

Bëtsi unin ꞌucha ꞌitsamashi ꞌicë a sinánquinbi camina mitsun ꞌucha ꞌaisamaira ꞌicëbi sinaniman. Ënëx ca ësa ꞌicën. Bëtsi uníxa aín bëru xamë́nu i sani chamaratsuñu ꞌicësa ꞌaínbi camina mitsux i mo mitsun bëru xamë́nu ꞌicësa ꞌain. ¿Uisa ꞌixun caramina bëtsi unin bëru xamë́nu ꞌicë i sani chamaratsu a sinánquinbi axa mitsun bëru xamë́nu ꞌicë i mo sinaniman?

Mateo 7:4

¿Mitsun bëru xamë́nu ꞌicë i mo mëníoquin bicëma ꞌixun caramina uisa cupí —i sani chamaratsu min bëru xamë́nu ꞌicë camina ꞌë bimiti ꞌai —quixun bëtsi uni cati ꞌain?

Lucas 13:15

Quia ca Nucën ꞌIbu Jesusan cacëxa: —Mitsux camina cëmë ꞌain. Mitsux, ꞌaracacë ñuina tëcërëcacëñu ꞌixun, camina nëtë camabi ꞌacësaribi oquin anun ñu mëëtima nëtë́nribi min ñuina ꞌunpax ꞌanun xëxánu buanin.

Lucas 22:32

Usa ꞌaínbi cana ꞌëmi catamëti ënxunma ꞌanun Nucën Papa Dios mi ñucáxuan. ꞌËmi ꞌuchaxbi sinanati ꞌëmi cushiquin camina axa ꞌëmi catamëcë uni raíri ꞌëmia asérabi upiti catamënun ꞌaquinti ꞌain.

Lucas 6:41

Bëtsi unin ꞌucha ꞌitsamashi ꞌicë a sinánquinbi camina mitsun ꞌucha ꞌaisamaira ꞌicëbi sinaniman. Ësa ca. Bëtsi uníxa aín bëru xamë́nu i sani chamaratsuñu ꞌicësa ꞌaínbi camina mitsux i mo mitsun bëru xamë́nu ꞌicësa ꞌain. ¿Uisa ꞌixun caramina bëtsi unin bëru xamë́nu ꞌicë i sani chamaratsu a sinánquinbi axa mitsun bëru xamë́nu ꞌicë i mo sinaniman?

Lucas 6:43

Ësaquinribi ca Jesusan aín ꞌunánmicë unicama cacëxa: —Ësaribi ca. Aín íxa upí ꞌain ca aín bimi ꞌaisama ꞌima. Aín íxa xanáncë ꞌaish ꞌaisama ꞌain ca aín bimix upí ꞌima.

Hechos 13:10

Ñachaquin ca cacëxa: —Cëmë camina mix ꞌain. ꞌIanan camina ꞌatima uni ꞌaish ñunshin ꞌatimanën sinánmicë ꞌain. Usa ꞌixun camina min ñu upí cuëëniman. Nucën ꞌIbu Diosan banaxa cuaisa ꞌaish upí ꞌaínbi ¿caramina min uisa cupí a cuaxunma ꞌanun quixun uni paranin?

Hechos 2:38

Cacëxun ca Pedronën atu cacëxa: —ꞌAtimoquin sinánxunbi camina sinanaquin, upí oquin Nucën Papa Diosmi sinánti ꞌain. Usai ꞌitancëx camina mitsun ꞌuchacama tërë́ncë ꞌinun Jesucristomi catamëti nashimicë ꞌicanti ꞌain. Usai ꞌicëbëtan ca Nucën Papa Diosan aín Bëru Ñumshin Upí abëmi ꞌinun mitsu ꞌinánti ꞌicën.

Hechos 8:21

Nucën Papa Diosan iscëx ca min nuitu upíma ꞌicën. Usa ꞌain camina min añu ñubi nubëtan ësoquin ꞌatima ꞌain.

Romanos 2:1

Mitsúnmi uni itsi ꞌuchocëbëtanbi ca uni raírinën ꞌunánti ꞌicën, mitsun camina usa ñu ꞌati ca ꞌucha ꞌicë quixun ꞌunanin. Usa ꞌain camina minribi usa ñu ꞌatancëx —ꞌunánxunma cana ꞌa —quitima ꞌain.

2 Corintios 5:18

Nucën Papa Diosan ꞌimicëx ca axa Cristomi catamëcë uni usai ꞌia. Cristo cupí nux abë upí ꞌinun ca Nucën Papa Diosan nu ꞌimiacëxa. ꞌImianan ca camabi uníxa abë upí ꞌinun aín bana ñuixunun nu ꞌimiacëxa.

2 Timoteo 2:21

Usaribiti ca an Nucën ꞌIbu Diosbëtan upí ñu mëëti ꞌacë uni ax añu ñu ꞌatimabi ꞌati sináncëma ꞌiti ꞌicën. Usa ꞌaish ca uisa ñu upía ꞌanun cara Nucën ꞌIbu Dios cuëënia, a cuëënquin ꞌanuxun caínti ꞌicën.

2 Pedro 1:9

Usa ꞌaínbi ca axa usai ꞌicëma uni ax bëxuñu unisa ꞌianan a ñubi sináncëma unisa ꞌicën. Usa ꞌixun ca aín ꞌucha ca tërë́ncë ꞌicë quixun sinanima manúaxa.