Lucas 5:8 - Kashibo-Kakataibo Biblia

⁸ Usoquian ꞌaia isi ratúquin ca Simón Pedronën aín bëmánon rantin purúnquin —ꞌëx cana ꞌuchañu uni ꞌain. Usa ꞌain camina ꞌë ëbiani cuanti ꞌai —quixun Jesús cacëxa.

Nukën 'Ibu Diosan ain unikama 'inan ain bana

⁸ Usoquian 'aia isi ratúquin ca Simón Pedronën aín bëmánon rantin purúnquin —'ëx cana 'uchañu uni 'ain. Usa 'ain camina 'ë ëbiani cuanti 'ai —quixun Jesús cacëxa.

Lucas 5:8 Iomraidhean Croise

2 Samuel 6:9

Usakia ꞌan ka a nëtën David ꞌitsaira Diosmi rakuë́akëxa, rakuë́ti ka ësai kiakëxa: “¡ꞌËn kana asérabi bunántisa okin ꞌakë anua Diosan bana kuënëokë nankë ënë buánti sinaniman!”

1 Reyes 17:18

Usaia aín tuá ꞌian ka kasunamëkë xanu an ësokin Elías kakëxa: —¿Añu karana ꞌën mixmi Diosan uni ꞌain, mibëtan ꞌati ꞌain? ¿Mix kaina ꞌën ꞌucha kupín ꞌuchañu kamina ꞌai ꞌë kakin ꞌën tuá ñumiti kupín ënu uan?

Éxodo 20:19

Usai ꞌikëbë rakuë́kin ka Moisés kakankëxa: —Min ishi kamina nu kati ꞌain; ꞌaínbi ka Diosax nukamabë banatima ꞌikën, nux këñutima kupín.

Isaías 6:5

Usakin ꞌaia iskin sinani kana ësai kian: “¡Uisai karana ꞌiti ꞌain, bërí sapi kana bamati ꞌain! ꞌËnbi kana ꞌapu ꞌaish kamabi kushiñu Dios a isan; ꞌëx kana achúshi uni ꞌën kuëbitan ꞌatimati banakë ꞌimainun, kana achúshi ëma ꞌatimati banakë unikama nëbëtsi tsotin.”

Mateo 17:6

Ësai quia cuati ca ꞌaisamairai racuëti memi bëúmpucuti racábuacëxa.

Mateo 2:11

Cuanx a manámia ꞌispa niracëcë xubu anu atsínxun ca anua a tuá Jesús aín tita Maríabë ꞌicë mëracëxa. Mërai rantin puruni tsóbuquin ca Jesús rabiacëxa. Rabiquin ca atun bunánti bacáxun anua buáncë curi ꞌimainun tsëpasa ñu ꞌaíshbi nëëncëx sanuira a ꞌimainun i baca sanuira acama ꞌináncëxa.

Mateo 8:8

Cacëxunbi ca capitánën cacëxa: —Mix cushi ꞌimainun ꞌëx mi meuira ꞌain camina ꞌën xubunu atsíntisama tanti ꞌain. Usa ꞌain camina cuanquinma ënuxunbi ꞌën ñu mëëmicë uni pëxcúnun cati ꞌain.

Lucas 5:7

Usaía ꞌia isquin ca Simónbëtan abë ꞌicë unicaman nunti itsinua ꞌicë unicama mëcënan sanánquin —nu ca ꞌaquini ut —quixun cacëxa. Cacëx uxun ca camaxunbi tsatsa biquin puruquin nanë́ntisaira oquin a manë nunti rabë́ buácacëxa.

Lucas 5:9

Simón Pedro ꞌicësaribiti ca abë ꞌicë unicama atun bicë tsatsacama isi ratuti uisa uni cara Jesús ꞌicë quixun sinani sináncasmacëxa.

Juan 11:32

Cuancëbë anua ꞌicë anu bëbai a tanáin tsóbuquin ca Maríanën Jesús cacëxa: —Mixmi ënu ꞌain ca ꞌën rarëbacë ñucëma ꞌitsíanxa.

1 Corintios 13:12

Espejo upíirama ꞌaínu upí oquin anun ñu iscëma usaribi oquin cananuna uisaira cara Nucën Papa Diosan sinan ꞌicë quixun camaira ꞌunaniman. Usa ꞌaínbi cananuna aín nëtënu ꞌixúinra ꞌunánti ꞌain. Bërí cana camabiira ꞌunaniman. Usa ꞌixunbi cana ꞌunánti ꞌain, an ꞌë ꞌunáncësaribi oquin.

Apocalipsis 1:17

Usa isi cana racuëtan bamai a tanáin nipacëan. Nipacëtia ca aín mëcën mëqueunën ramëquin ꞌë caxa: —Racuëaxma ca ꞌit. ꞌËx cana ñu ꞌaíma pan ꞌain ꞌiacën. Usa ꞌaish cana camabi ñu cëñúcëbë usabi ꞌiti ꞌain.

Jueces 13:22

usai ꞌian ka aín xanun ësokin kakëxa: Bërí sapi kananuna nu rabë́ ñuti ꞌain, nun kananuna asérabi Dios isan.

1 Samuel 6:20

Usokin an ka Bet-semes anu tsókë unikama kiakëxa: ¿Uin kara anubi nixun Nukën ꞌIbun ax upíira ꞌixun ꞌatimokëxun tënëti ꞌik? ¿Uimi okin karanuna bunántisa okin ꞌakë anua Diosan bana ꞌikë ënë numa ꞌatimoia xuti aín?