Lucas 5:35 - Kashibo-Kakataibo Biblia

³⁵ Ësa ca. An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pitima ꞌicën. Usaribiquin ca ꞌën ꞌunánmicë unicama ꞌëbë ꞌixun masá nuituti samáquinma piia. Unían ꞌë bicëxun ꞌën ëbiancëxun cuni ca masá nuituquin pitima ꞌicën.

Nukën 'Ibu Diosan ain unikama 'inan ain bana

³⁵ Ësa ca. An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pitima 'icën. Usaribiquin ca 'ën 'unánmicë unicama 'ëbë 'ixun masá nuituti samáquinma piia. Unían 'ë bicëxun 'ën ëbiancëxun cuni ca masá nuituquin pitima 'icën.

Lucas 5:35 Iomraidhean Croise

Lucas 17:22

Usoquin atu catancëxun ca Jesusan aín ꞌunánmicë unicamaribishi cacëxa: —Uni ꞌinux uá ꞌaish ꞌëx Nucën Papa Diosnu cuantancëx utëcëncëma pan ꞌain, camina ꞌëx anun mitsubë ꞌitëcënti nëtë istisa tanti ꞌain. A nëtëcama achúshinën ꞌë istisaira tanquinbi camina mitsun ꞌë istima pan ꞌain.

2 Corintios 11:27

Ñu mëëi cana tëmëracën. ꞌUxti tëanan cana ꞌacëñuma ꞌaish panancë ꞌianan, shimanan, chupañuma ꞌaish matsin bamatisa ꞌiacën. Usai cana tëmëracën. Usa ꞌaish cana usabii ꞌin.

1 Corintios 7:5

Usa ꞌain ca xanun aín bënë aín nami ꞌaisa tancëxun timatima ꞌicën. ꞌImainun ca unínribi aín xanu aín nami ꞌamitisa tancëxun timatima ꞌicën. A rabëtaxbi upiti Nucën Papa Diosbë banatisa tani cananquin mëníotancëx cuni ca ënánanti ꞌicën. Ñunshin ꞌatimanën ꞌapúan ꞌatimaquin sinánmicëx tënëtisama tani ꞌuchati rabanan biránantëcënuxbi ca bënëtishi ënánanti ꞌicën.

Hechos 14:23

Usoquin canan anua ꞌicë ëmacamanuax axa Jesucristomi catamëcë unicamabë timë́quin ca atun cushi ꞌinun, axa asérabi Jesucristomi catamëcë unicamaishi anëacëxa. Anëtancëx píma abë banaquin ca —axa mimi catamëcë ënë unicama camina upí oquin ñu ꞌanun sinánmianan bërúanti ꞌai —quixun Nucën Papa Dios atu ñucáxuancëxa.

Hechos 3:21

Ucëma pan ꞌaísha Jesucristo anu ax ꞌicë anu ꞌimainun ca Nucën Papa Diosan, an ax quicë bana uni ñuixuncë unicaman cuënëosabi oquin, camabi ñu sënë́onti ꞌicën.

Hechos 1:9

Ësaquin aín ꞌunánmicë unicama caíshi ca atun ismainunbi manámiquishi naí cuinan mapucëx istëcëntimoi nëtë́acëxa.

Juan 16:28

Nucën Papanuax cana ënë nëtënu uacën. Uá ꞌaíshbi cana ënë nëtënuax amiribishi Nucën Papabë ꞌi cuantëcënin.

Juan 13:33

Xënibutíma cana bënëtishi mitsubë ꞌiti ꞌain. Mitsubë ꞌitancëx cuancë camina ꞌë barinuxun ꞌain. Usa ꞌain cana ꞌën judíos unicama cacësabi oquin bërí mitsuribi cain, anu ꞌëx cuancë anu camina mitsux cuantima ꞌain.

Juan 12:8

Camabi nëtën camina a mitsun ꞌaquinti ñuñuma uni isin. Usa ꞌaínbi camina mitsun xënibuquin ꞌë istima ꞌain.

Daniel 9:26

Usai sesenta ꞌimainun rabë́ semana ax ꞌinúkë ꞌain ka Diosanbia kaískë ꞌapu ax ꞌakë ꞌiti ꞌikën. Usa ꞌain ka Jerusalén ꞌimainun anuxun Dios rabikë xubu ax masókë ꞌiti ꞌikën. Achúshi ꞌapun ka aín suntárukamabë uxun ꞌatima okin masóti ꞌikën. Usakin ꞌakëx ka bakan ꞌishi kuatsinkin ñu mapurukë usaribi ꞌiti ꞌikën. Usa ꞌain ka uni ꞌakanankin ñu ꞌatima okin masókë ax usai ka ꞌiti ꞌikë kixun Diosan nankësabi oi ꞌiti ꞌikën.

Mateo 9:15

Cacëxun ca Jesusan cacëxa: —¿An biti xanua unin bicëma pan ꞌain cara axa abë nuibanancë unicama ax a unibë ꞌaish masá nuituti ꞌic? Ca masá nuitutima ꞌicën. Ca ësa ꞌicën: An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pima. Usaribiquin ca ꞌën ꞌunánmicë unicama ꞌëbë ꞌixun masá nuituti samáquinma piia. Unían ꞌë bicëxun ꞌën ëbiancëxun cuni ca masá nuituquin pitima ꞌicën.

Marcos 2:20

Ca ësa ꞌicën: An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pitima ꞌicën. Usaribiquin ca ꞌën ꞌunánmicë unicama ꞌëbë ꞌixun masá nuituti samáquinma piia. Unían ꞌë bicëxun ꞌën ëbiancëxun cuni ca masá nuituquin pitima ꞌicën.

Lucas 5:34

Cacëxun ca Jesusan cacëxa: —¿An biti xanua unin biti nëtën caramina pi unun camicëxa ucë axa abë nuibanancë unicama masá nuituquian pima ꞌinun ꞌimiti ꞌain? Camina ꞌimitima ꞌain.

Lucas 5:36

Usaquin canan ca aín banaxa fariseo unicaman uni ꞌunánmicë banasama ꞌain, aín banabë fariseonëan ꞌunánmicë bana mëscúti rabanan Jesusan ësaquinribi a unicama cacëxa: —Ca ësaribi ꞌicën. Nun aintsi uinu ꞌicë xanúnbi ca aín chupa ió tëaima, anun aín chupa xëni cëxëti. Tëaquin aín sani bicëx ca chupa ió ax ꞌatimatia. ꞌImainun ca a chupa iotan sanix chupa xëni iscësama ꞌia.