Lucas 5:27 - Kashibo-Kakataibo Biblia

²⁷ Usaquin ꞌatancëx anuax cuanquin ca Jesusan Leví cacë uni anuxuan ꞌapu buánmiti curíqui bicë anua tsócë mëracëxa. Mëraquin ca cacëxa: —ꞌËn mi ꞌunánminun ca ꞌëbë cuani ut.

Nukën 'Ibu Diosan ain unikama 'inan ain bana

²⁷ Usaquin 'atancëx anuax cuanquin ca Jesusan Leví cacë uni anuxuan 'apu buánmiti curíqui bicë anua tsócë mëracëxa. Mëraquin ca cacëxa: —'Ën mi 'unánminun ca 'ëbë cuani ut.

Lucas 5:27 Iomraidhean Croise

Mateo 10:3

Raírinëx ca Felipe cacë ꞌimainun Bartolomé cacë ꞌimainun Tomás ꞌimainun Mateo, an ꞌapu buánmiti curíqui bicë, acama ꞌiacëxa. ꞌImainun ca Jacobo, Alfeonën bëchicë, a ꞌimainun Lebeo ꞌicëbi Tadeoribi cacë a ꞌiacëxa.

Mateo 16:24

Catancëxun ca aín ꞌunánmicë unicama ësaquin Jesusan cacëxa: —Uix cara ꞌën uni ꞌiisa tania an ca a ꞌai bamanuxunbi ꞌëmi catamëti quicë bana ënquinma ꞌati ꞌicën.

Mateo 8:22

Quia ca Jesusan cacëxa: —Camina ꞌëmi sinánan ꞌëbë cuanti ꞌain. Axa Nucën Papa Diosmi sinántisama tancë uni, an bamacë uni maínun ëanan camina ꞌëbë cuanti ꞌain.

Marcos 3:18

Raírinëx ca Andrés, Felipe, Bartolomé, Mateo, Tomás acama ꞌiacëxa. Bëtsix ca Alfeonën bëchicë, Jacobo, ꞌiacëxa. Raírinëx ca Tadeo ꞌimainun Simón, axa judíos unibun rabanan nëëti banacë, aribi ꞌiacëxa.

Lucas 18:22

Cacëxun cuaquin ca Jesusan cacëxa: —Usari camina ꞌin. ꞌIxunbi camina achúshi ñuishi ꞌacëma ꞌain. Cuanxun camina min ñucama maruquin curíqui bixun ñuñuma unicama ꞌinánti ꞌain. Usotancëx camina ñuñushi ꞌiti sinanima ꞌëmi sinani ꞌëbë cuani uti ꞌain. Usaquin ꞌatancëx camina Nucën Papa Diosan nëtënu ꞌianan usaquin ꞌacë cupí anuax cuëëinra cuëënti ꞌain.

Juan 1:43

Usaquian Pedro coon pëcaracëbë, Galilea menu cuanti sinani cuanquinbi ca Jesusan Felipe mëracëxa. Mëraquin ca cacëxa: —ꞌËn mi ꞌunánminun ca ꞌëbë cuani ut.

Juan 12:26

Axa ꞌënan ꞌiisa tancë unin ca ꞌëx cuëëncësabi oquin ꞌati ꞌicën. Usoquin ꞌai ca uinu carana ꞌëx ꞌain, anuribi ax ꞌiti ꞌicën. An ꞌëx cuëëncësabi oquin ꞌacë unicama a ca ꞌën Papan nuibaquin ꞌaquinia.