Lucas 5:26 - Kashibo-Kakataibo Biblia

²⁶ Usai niruquiani cuania isi ratuti ca Nucën Papa Dios rabi —ësa ñu cananuna isáma ꞌai —quiax quicancëxa.

Nukën 'Ibu Diosan ain unikama 'inan ain bana

²⁶ Usai niruquiani cuania isi ratuti ca Nucën Papa Dios rabi —ësa ñu cananuna isáma 'ai —quiax quicancëxa.

Lucas 5:26 Iomraidhean Croise

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Mateo 12:23

Jesusan usoia isi ca anu ꞌicë unicamax ratuti sináncasmai canancëxa: —¿Ënë unix cara asérabi Davitan rëbúnqui, axa uti nun caíncë, a ꞌic?

Mateo 28:8

Usaquian ángelnën cacëxun, asérabi ca Jesús anuma ꞌicë quixun istancëx ca quininuax chiquíquiani racuëtibi cuëënquiani aín ꞌunánmicë unicama ñuixuni abáquiani cuancëxa.

Mateo 9:8

Usai niruquiani cuania isi ca anu ꞌicë unicama racuë́acëxa. Racuë́quin ca —Nucën Papa Diosan aín cushi ꞌináncëxun ca ënë unin ñucë uni pëxcüanan aín ꞌuchacama tërë́anxa —quixun sinánquin Nucën Papa Dios rabiacëxa.

Marcos 2:12

Cacëxëshi niruquin aín bacë́ti bibiani ca a uni, anu ꞌicë unicaman ismainunbi cuancëxa. Usaría cuania isi ratuti ca Nucën Papa Dios rabi quicancëxa: —Ësa ñu cananuna isáma ꞌain.

Lucas 1:65

Usai ꞌicëbë ca anu ꞌicë unicama sináncasmai ratúacëxa. ꞌImainun ca Zacaríasbëa aín bëchicë usai ꞌicë banacama Judea menu ꞌicë matácamanu ꞌicë unicaman chanioia cuacëxa.

Lucas 5:8

Usoquian ꞌaia isi ratúquin ca Simón Pedronën aín bëmánon rantin purúnquin —ꞌëx cana ꞌuchañu uni ꞌain. Usa ꞌain camina ꞌë ëbiani cuanti ꞌai —quixun Jesús cacëxa.

Lucas 7:16

Usaía ꞌia isi ratuti racuëtibi cuëëni ca unicamax Nucën Papa Dios rabi quiacëxa: —An Nucën Papa Dios quicë bana unicama ñuixunti uni aira ca ënëx ꞌicë —quianan ca —Nucën Papa Diosaxbi ca aín unicama ꞌaquini uaxa —quiacëxa.

Lucas 8:37

Ñuixuncëxun ca a mecamanu ꞌicë unicaman racuë́iraquin aín nëtënuaxa cuantánun quixun Jesús cacëxa. Cacëx manë nuntinu ꞌiruquiani ca cuancëxa.

Hechos 4:21

Usaquin cacëxun ca ꞌapucaman castícainsa tanquinbi, atun uni pëxcucë cupía unicaman Nucën Papa Dios rabicëbëtan ꞌama ꞌicën. Usa ꞌixun ca —ñuixuntëcënia caranuna mitsu uisoti ꞌai —quixuinshi catancëxun cuantánun ëancëxa.

Gálatas 1:24

Usaquian ꞌë ñuia cuaquin ca Nucën Papa Dios rabiacëxa.