Lucas 5:22 - Kashibo-Kakataibo Biblia

²² Usaquian sinania ꞌunánquin ca Jesusan cacëxa: —¿Uisacasquin caramina mitsun usaquin sinanin?

Nukën 'Ibu Diosan ain unikama 'inan ain bana

²² Usaquian sinania 'unánquin ca Jesusan cacëxa: —¿Uisacasquin caramina mitsun usaquin sinanin?

Lucas 5:22 Iomraidhean Croise

Salmos 139:2

usa ꞌixun kamina kamabi ꞌën ꞌakë ñukama ꞌunanin; ꞌianan kamina ꞌuranxubi uisakin karana ꞌën sinanin abi ꞌunanin.

Mateo 12:15

Usax ca fariseo unibu ꞌësënania ꞌunánbiani Jesús anuax cuancëxa. Cuancëbë ca ꞌitsa uni abë cuancëxa. Cuania ca Jesusan uni ñucëcama pëxcuquin,

Mateo 12:25

Usai quia aín sinan ꞌunánquin ca Jesusan fariseo unicama cacëxa: —Ca ësa ꞌicën. Achúshi menuxuan an ꞌapu ꞌimicë unibunën cushicaman bëtsi bëtsi oquin sináncë ꞌain ca a menu bucucë unicamax ꞌitsa ꞌaíshbi upitax bucui bëtsibë bëtsibë nuibananima ꞌacanani cëñutia. Usaribiti ca ëmanu ꞌicë unicamax bëtsibë bëtsibë nuibananima nishanani upitax bucuima cëñutia. Usaribiti ca aín aintsibë bucüaxbia nishanancë unicamax amanu amanu cuani tsuáqui nëtëtia.

Mateo 9:4

Usaquin sinania ꞌunánquin ca Jesusan cacëxa: —¿Uisacasquin caramina mitsun usaquin sinanin?

Marcos 8:17

Canania ꞌunánquin ca Jesusan cacëxa: —¿Uisa cupí caramina mitsux, pán cananuna bëcëma ꞌai quiax cananin? ¿ꞌËn ñu ꞌaia isunbi caramina ui carana ꞌëx ꞌai quixun ꞌunaniman, upí oquin caramina cuatiman?

Lucas 24:38

Usai ꞌi ami racuëtia isquin ca Jesusan cacëxa: —¿Uisacatsi caramina racuëtin? ¿Uisa cupí caramina ꞌëx cana asérabi Jesús ꞌai quixun sinaniman?

Lucas 5:21

Usaquian caia cuaquin ca an Moisésnën cuënëo bana ꞌunáncë unicama ꞌimainun fariseo unicaman sináncëxa: ¿Uisa uni cara ënëx ꞌic? Ax ca anúan Nucën Papa Diosaxëshi quiti banan banaia. Ax ca ꞌaisama ꞌicën. Uinu ꞌicë unínbi ca ꞌucha tërë́ntima ꞌicën. Nucën Papa Diosan cuni ca ꞌucha tërë́nti ꞌicën.

Lucas 5:23

ꞌËn cana uni ñucë —min ꞌuchacama ca tërë́ncë ꞌicë —quixun cananbi —niruquiani ca cuantan —quixunribi cati ꞌain.

Hechos 5:3

ꞌInania ca Pedronën cacëxa: —Ananías, ¿uisacasquin cara ñumshin ꞌatimanën ꞌapu, Satanás, an ꞌibuaquin, Nucën Papa Diosan Bëru Ñunshin Upí paráncësa ꞌixunmi me cupími bicë curíqui mësú binun mi sinánmiax?

Hebreos 4:12

Cananuna ꞌunanin, Nucën Papa Dios ax ca bamatimoi tsotia. Ax ca cushiira ꞌicën. Usa ꞌixun ca aín bananu ꞌaia nu ꞌunánmia, nun caranuna asérabi upí oquin sinani, caranuna upí oquin sinanima quixun. ꞌUnánmianan ca uisa cupí caranuna usoquin ꞌai quixun nu ꞌunánmia.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.