Lucas 5:11 - Kashibo-Kakataibo Biblia

¹¹ Usaquian Jesusan cacëxun menu aín nunti rabë́ rancatancëxun a ëbiani ca ami sinani Jesúsbë cuancëxa.

Nukën 'Ibu Diosan ain unikama 'inan ain bana

¹¹ Usaquian Jesusan cacëxun menu aín nunti rabë́ rancatancëxun a ëbiani ca ami sinani Jesúsbë cuancëxa.

Lucas 5:11 Iomraidhean Croise

Mateo 10:37

ꞌËn unicaman ca aín papa, aín tita nuibati ꞌicën. Nuibatibi ca atu nuibacësamaira oi ꞌëmi sinánti ꞌicën. Usai ꞌëmi sináncëma ꞌaish ca ꞌën unimasa ꞌicën. Usaribiti ca ꞌëmi sináncësamaira oquian aín bëchicë nuibacë uni ax ꞌën unimasa ꞌicën.

Mateo 19:27

Usaquian atu cacëxun ca Pedronën Jesús cacëxa: —Nun cananuna mibë ninuxun nun ñucama ëan. ¿Usa ꞌain caranuna Nucën Papa Diosan nëtënu ꞌaish uisa ñuñu ꞌiti ꞌain?

Mateo 19:29

Ësaquinribi cana mitsu cain, uinu ꞌicë unin cara ꞌëx cuëëncësabi oquin ꞌanuxun aín xucën, aín chirabacë, aín papa, aín tita, aín bëchicë, aín naë, añu ñu cara, abi ëanxa, a unix ca ëncë ñuñu ꞌicësamaira oi ñuñu ꞌiti ꞌicën. ꞌIanan ca Nucën Papa Dios quicësabi oi aín nëtënu abë nëtë́timoi ꞌiti ꞌicën.

Mateo 4:20

Usaquian Jesusan cacëxuinshi aín rica ëbiani ca abë cuancëxa.

Mateo 4:22

Mëraquian cuënquin Jesusan abëa cuanun cacëxëshi ca nuntinubi aín papa ëbiani Jesúsbë cuancëxa.

Marcos 10:21

Cacëxun ca Jesúsan a isquin nuibaquin cacëxa: —Usari camina ꞌin. ꞌIxunbi camina achúshi ñuishi ꞌacëma ꞌain. Ca cuantan. Cuanxun camina min ñucama maruquin curíqui bixun ñuñuma unicama ꞌinánti ꞌain. Usotancëx camina ñuñushi ꞌiti sinanima ꞌëmi sinani ꞌënan cupí bamanuxbi ꞌëbë cuani uti ꞌain. Usaquin ꞌatancëx camina Nucën Papa Diosan nëtënu ꞌianan usaquin ꞌacë cupí anuax cuëëinra cuëënti ꞌain.

Lucas 5:28

Cacëxëshi niruquiani ca aín ꞌati ñucama ëbiani Jesúsbë cuancëxa.