Lucas 5:1 - Kashibo-Kakataibo Biblia

¹ Parúnpapa Genesaret cuëbía Jesús ꞌain ca Nucën Papa Diosan bana ñuixunia cuaisa tani ꞌaisamaira uni chëcaisaira oquin tsitsiruacëxa.

Nukën 'Ibu Diosan ain unikama 'inan ain bana

¹ Parúnpapa Genesaret cuëbía Jesús 'ain ca Nucën Papa Diosan bana ñuixunia cuaisa tani 'aisamaira uni chëcaisaira oquin tsitsiruacëxa.

Lucas 5:1 Iomraidhean Croise

Mateo 11:12

Juan ucëma pan ꞌain ca Moisés ꞌimainun an Nucën Papa Dios quicë bana uni ñuixuncë unicaman ꞌë ñuiquin unicama ñuixuancëxa. A unicama caxu uquin ca Juanën ꞌë ñuiquin, axa utia judíos unicaman caíncë ax ca uaxa quiax quiquin unicama ñuixuanxa. Usa ꞌain ca ꞌënribi, ꞌëmi catamëcë unicama ca Nucën Papa Diosnan ꞌiti ꞌicë quixun ñuixunia cuanan ꞌën ñu ꞌaia isi ꞌaisamaira unix Nucën Papa Diosnan ꞌiti sinania.

Mateo 14:34

Parúmpapa ꞌucë manan cuanx ca Genesaret cacë menu bëbacëxa.

Marcos 3:9

Usa ꞌain ca Jesusan aín ꞌunánmicë unicama cacëxa, ꞌaisamaira uni tsitsíruquin chacati rabanan manë nunti mëníoxunun quixun.

Marcos 4:1

Amiribishi ca Jesusan parúmpapa cuëbíxun unicama ꞌunánmiacëxa. ꞌUnánmicëbëa ꞌaisamaira uni a nëbë́tsiorati timë́cëbë ca Jesús parúmpapa cuëbía bëspúcë manë nuntinu ꞌiruax tsóbuacëxa. Anua tsómainun ca unicama masinu parúmpapa cuëbí bucüacëxa.

Marcos 5:24

Cacë́xa a unibë cuaniabi ca atúxribi a nuibiani cuanquin ꞌaisamaira unin Jesús chacatisaira ocëxa.

Marcos 6:53

Parúmpapa ꞌucë manan cuani Genesaret cacë menu bëbaquin ca anu aín nunti tëcërëcacëxa.

Lucas 12:1

Usomainun ca ꞌaisamaira uni timëcamëꞌëoi tsitsirui anu niti ꞌaíma ꞌain bëtsibë bëtsibë chácanancëxa. Usaía ꞌimainun ca Jesusan aín ꞌunánmicë unicama cacëxa: —Fariseo unibu atux anun pán chamiti ñusa ꞌicë usaribi ꞌitin rabanan camina bërúancati ꞌain. Ësai quiquin cana ësoquin mitsu cain, bana ñuixunquin ca atun ꞌatimaquin unicama parania. Usaquinribi camina mitsun ꞌatima ꞌain.

Lucas 5:2

Usoquian chëcaisaira ocëxun ca manë nunti rabë́, uniñuma, parúnpapa cuëbí masi ꞌurama tëcërëcacë isacëxa. Isanan ca an tsatsa bicë aín ꞌibu rabë́ an anuax ꞌibúxun atun rica chucaia isacëxa.

Lucas 8:22

Bëtsi nëtë́an manë nuntinu ꞌiruia ca Jesusan aín ꞌunánmicë unicama cacëxa: —Parúnpapa ꞌucë manan cuanun ca cuan. Cacëx ca cuancëxa.

Lucas 8:23

Cuani ca Jesús nuntinu ꞌuxacëxa. ꞌUxánbi suñúan upí ꞌicuatsinquin bëcaquin parúnpapa bëchuancëbë ca ꞌunpax manë nuntinu ꞌiruacëxa.

Lucas 8:33

Cacëx ca ñunshin ꞌatima a uninuax chiquíquianx cuchinu atsíancëxa. Atsíncëbë ca cuchicama camáxbi tsuáquiquiani abáquiani cuanx, cuëtúnuax parúnpapanu rëucubuti bacamiqui cëñúacëxa.

Lucas 8:45

Usai ꞌicëbëtan ca Jesusan cacëxa: —¿Uin cara ꞌë ticax? Cacëxun ca a rapasu ꞌicë unicaman —ꞌën cana mi ꞌacëma ꞌai —quixun cacëxa. Camaxunbia usaquin cacëbëtan ca Pedro ꞌimainun abë ꞌicë unicaman cacëxa: —Mi ca ꞌaisamaira unin titicaquin chacatisaira oia. ¿Usa ꞌaínbi caramina, uin cara ꞌë ticaxa, quiax quin?

Juan 1:40

Juanën cacëxun cuaquian Jesús nuibiancë uni rabëtax ca bëtsix Simón Pedronën xucën Andrés ꞌiacëxa.

Juan 6:1

Usatancëx ca Jesús parúnpapa, Galilea canan Tiberíadesribi cacë, a ꞌucë manan cuancëxa.

Hebreos 13:7

Jesucristo ñuiquin mitsu bana ñuixuncë unicama camina manuquinma sinánti ꞌain. —Atun ca Jesucristomi catamëquin upí ñuishi ꞌaia —quixun sinani camina usaribiti ꞌiti ꞌain.