Lucas 4:27 - Kashibo-Kakataibo Biblia

²⁷ ꞌImainun ca Eliseonëxribi an Nucën Papa Dios quicë bana unicama ñuixuncë ꞌiacëxa. Axa anu ꞌain ca an nami chëquímicë ꞌinsínñu uni ꞌitsa a nëtënu ꞌiacëxa. ꞌItsa ꞌaínbi ca Siria cacë menu ꞌicë uni achúshi, Naamán cacë, ashi Nucën Papa Diosan ꞌamicëxun Eliseonën aín nami upí ꞌitëcënun ꞌimiacëxa.

Nukën 'Ibu Diosan ain unikama 'inan ain bana

²⁷ 'Imainun ca Eliseonëxribi an Nucën Papa Dios quicë bana unicama ñuixuncë 'iacëxa. Axa anu 'ain ca an nami chëquímicë 'insínñu uni 'itsa a nëtënu 'iacëxa. 'Itsa 'aínbi ca Siria cacë menu 'icë uni achúshi, Naamán cacë, ashi Nucën Papa Diosan 'amicëxun Eliseonën aín nami upí 'itëcënun 'imiacëxa.

Lucas 4:27 Iomraidhean Croise

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Mateo 12:4

Davidnën ca ꞌacëñuma ꞌixun piisa tanquin anuxun Nucën Papa Dios rabiti xubunu atsínxun anu ꞌicë pán, Nucën Papa Diosan isti oquin nancë, a bixun piacëxa. A panëxa judíos sacerdotenëinshi piti ꞌaían uni itsin piti ꞌicëmabi ca sacerdotenën ꞌináncëxun David ꞌimainun abë ꞌicë unicaman piisa tanquin piacëxa.

Mateo 8:3

Cacëxun aín mëcënan ramëquin ca Jesusan ꞌinsíncë uni cacëxa: —Cana mi ꞌati ꞌain. Min nami ca upí ꞌitëcëni motia. Usaquian cacëxëshi moti ca aín ñucë nëtë́acëxa.

Lucas 4:28

Jesusan usaquin cacëxun cuati ca anu ꞌicë unicamax xuamati ami nishacëxa.

Juan 17:12

Ënë nëtënu atubë ꞌixun cana minmi ꞌë ꞌináncë unicama min cushínbi bërúan. ꞌËn bërúancëxun ca acama achúshinënbi ꞌëmi sinánti ëncëma ꞌicën. Usa ꞌaínbi ca achúshi uni axa usai ꞌiti ꞌia, an cuni ꞌëmi sinánti ëanxa, a ñuia min bana cuënëo quicësabi oquin.