Lucas 4:25 - Kashibo-Kakataibo Biblia

²⁵ Ësaquinribi cana asérabi mitsu cain, bëráma ca Elías an Nucën Papa Dios quicë bana unicama ñuixuncë ꞌiacëxa. Elías anu ꞌain ca rabë́ ꞌimainun achúshi bari ꞌitancëxa mëcën achúshi ꞌimainun achúshi ꞌuxën ꞌuí ꞌibúcëbëma, piti ꞌaíma ꞌain, unicama ꞌacëñuma ꞌiacëxa.

Nukën 'Ibu Diosan ain unikama 'inan ain bana

²⁵ Ësaquinribi cana asérabi mitsu cain, bëráma ca Elías an Nucën Papa Dios quicë bana unicama ñuixuncë 'iacëxa. Elías anu 'ain ca rabë́ 'imainun achúshi bari 'itancëxa mëcën achúshi 'imainun achúshi 'uxën 'uí 'ibúcëbëma, piti 'aíma 'ain, unicama 'acëñuma 'iacëxa.

Lucas 4:25 Iomraidhean Croise

1 Reyes 17:1

Aín bana unikama ñuixunua Diosan kaískë Elías, Tisbé kakë ëma Galaad, menua ꞌikë anu tsókë an ka ësokin Ahab kakëxa: “¡Diosan kuamainunbi kana ami sinánun mi kain, Israel unibunën Dios an kakësabiokin aín bana tankin ꞌën ñu ꞌaxunkë ax ka ꞌëx kikëbë ꞌibunux ka ënë barikaman ꞌuí ꞌibutíma ꞌimainun imë́bi nibí ꞌibutima ꞌikën!”

Isaías 55:8

ꞌËn sinánkë ax ka mitsun sinánkësara usama ꞌikën, ꞌimainun ka ꞌën usakin ñu ꞌaisatankë ax mitsun usakin ñu ꞌaisatankë usama ꞌikën. Usa ꞌaish ka naíkamë ꞌëo axa me manámi ꞌikë, usaribi ka ꞌën ꞌati sinánxun ꞌakë ñukama ꞌikën, usa ꞌain ka ꞌën ꞌati sinánxun ꞌakë ax mitsunmi a ꞌati sinánxun ꞌakë usama ꞌikën, kiax ka.” Nukën ꞌIbu asérabi kiakëxa.

Mateo 20:15

¿ꞌËn curíquinëxa ꞌënanbi ꞌain carana ꞌëx cuëëncësabi oquin an ꞌë ñu mëëxuncë unicama cupíotima ꞌain? ¿ꞌËn uni itsi curíqui ꞌináncëbëtan caramina nutsiquin masáquin sinanin?

Lucas 10:21

Usaquin catancëxun ca Jesusan, aín Bëru Ñunshin Upitan sinánmicëx upiti cuëënquin, aín Papa Dios cacëxa: —Ën Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Romanos 9:15

An ca Moisés ësoquin cacëxa: “Axa ꞌëx cuëëncësabi oi ꞌën uni ꞌiti unicama a cana ꞌënan ꞌimiti ꞌain. A ꞌëx cuëëncësabi oquin ꞌën nuibati unicama a cana nuibati ꞌain”.

Romanos 9:20

Mitsúnmi ꞌë usaquin cacëxunbi cana mitsu cain, ¿Mitsux unishi ꞌaíshbi caramina Nucën Papa Diosbë cuëbicanánti ꞌain? ¿Ñutë banati ꞌunan ꞌixun cara —¿uisoti caramina ësoquin ꞌë ꞌai? —quixun an ꞌacë xanu cati ꞌic? Ca catima ꞌicën.

Efesios 1:11

Nux Cristonan cupí aín uni raíri ꞌacësaribi oquin nu axa cuëëncësabi oi ꞌianan aín nëtënu abë ꞌiti nu ꞌiminuxun ca Nucën Papa Diosan ainan ꞌinun nu caísacëxa. Usai nux ꞌinun ca Nucën Papa Diosan camabi ñu ax cuëëncësabi oquin ꞌaquin mëníocëxa.

Efesios 1:9

Unin ꞌunánma ꞌicëbi ca nu ꞌunánmiaxa, uisa cupí cara ax cuëëansabi oquin Cristo ënë nëtënuaxa bamanun xuacëxa quixun.

Santiago 5:17

Elías, an Nucën Papa Dios quicë bana unicama ñuixuncë uni, an ca nusaribi uni ꞌixunbi ꞌuía ꞌibuaxma ꞌinun Nucën Papa Dios ñucácëxa. Usa ꞌain ca an ñucácësabi oi rabë́ ꞌimainun achúshi baritia, ꞌimainun achúshi mëcën ꞌimainun achúshi ꞌuxën ꞌuí ꞌibuama ꞌicën.

Apocalipsis 11:6

A rabëtax ca cushiñu ꞌicën. Usa ꞌixun ca ꞌaisa tanquin atúan Nucën Papa Dios quicësabi oquin bana ñuixunmainuan ꞌuí ꞌibúaxma ꞌinun ꞌimiti ꞌicën. ꞌAisa tanquin ca bacanu ꞌicë ꞌunpax imi ꞌimiti ꞌicën. ꞌAisa tanquin ca bëtsi bëtsi ñu ꞌaquin paë tania tëmëranun unicama ꞌimiti ꞌicën. Uiti oquin cara usoquin ꞌaisa tania usoquin ca ꞌati ꞌicën.