Lucas 4:22 - Kashibo-Kakataibo Biblia

²² Cacëxuan cuati ca anu ꞌicë unicamax cuëëni —aín bana ca asábi ꞌicë —quianan —axa quicë banax ca upíira ꞌaish uni itsin banasama ꞌicë —quiax quiacëxa. Usai qui ca —¿Josénën bëchicë ꞌaíshbi cara usai banain? —quiax canancëxa.

Nukën 'Ibu Diosan ain unikama 'inan ain bana

²² Cacëxuan cuati ca anu 'icë unicamax cuëëni —aín bana ca asábi 'icë —quianan —axa quicë banax ca upíira 'aish uni itsin banasama 'icë —quiax quiacëxa. Usai qui ca —¿Josénën bëchicë 'aíshbi cara usai banain? —quiax canancëxa.

Lucas 4:22 Iomraidhean Croise

Isaías 50:4

Nukën ꞌIbun ka ꞌë ñu ꞌunánmiaxa atsánkë unikama bana ñuixunkin kuëminun. ꞌIanan ka pëkarakëma ꞌain ꞌaínshi ꞌëa kakëxun munu aín bana kuanun ꞌë kaxa.

Lucas 2:47

Jesusan bana cuati ca a unicama ratúacëxa. Ratuti ca —uisa ꞌixun cara ënë tuacën ënë ñucama ꞌunánan nun ñucácëxunribi upí oquin ñuia —quiax sináncasmacëxa.

Lucas 2:48

Usaía a unicamabë banai tsócë Jesús mërai ca Josébë María ratúacëxa. Ratúquin ca aín titan cacëxa: —¿Uisa ꞌaish caramina usai ꞌian? Min ꞌunan papabëtan cana mi mëracatsi bënë́quin barin.

Lucas 4:21

Usoquin iscëxun ca Jesusan cacëxa: —Bërí ca anun ënë bana quicësabi oi ꞌiti nëtë uaxa.

Juan 1:45

Usaquian Jesusan cacëx cuanxun ca Felipenën Natanael cacë uni bariquin mëraquin cacëxa: —A ñuiquian Moisés ꞌimainun an Nucën Papa Diosan sinánmicëxun uni bana ñuixuncë unicaman cuënëo, a uni cananuna mëran. Ax ca Jesús, Nazaretnu ꞌicë uni, Josénën bëchicë, a ꞌicën.

Juan 6:42

quicancëxa: —¿Josénën bëchicë, Jesús, ama cara ënëx ꞌic? Nun cananuna aín tita ꞌimainun aín papa ꞌunan. ¿Uisacatsi cara —ꞌëx cana naínuax uan —quiax quin?

Juan 7:46

Quixuan cacëxun ca suntárucaman cacëxa: —Axa ënë uni banacësari banacë uni ca ꞌaíma ꞌicën.

Hechos 6:10

Usai abë cërúanancëxunbia Estebanën atun ꞌacësama oquin Nucën Papa Diosan Bëru Ñumshin Upitan sinánmicëxun bana ñuia cuati ca nëtë́cancëxa.

Tito 2:8

ꞌUnánmiquin camina upí oquin ꞌunánquin Nucën Papa Diosan bana quicësabi oía ꞌinun upí oquin unicama ñuixunti ꞌain, bëtsi unían —min bana ca ꞌaisama ꞌicë —quixun ñuiti rabanan. Usoquinmi ꞌacëbë ca axa mimi nishtisa tancë unicama ax a cupía mi ñuiti bana ꞌaíma ꞌain, rabínti ꞌicën.