Lucas 4:18 - Kashibo-Kakataibo Biblia

¹⁸ Nucën ꞌIbu Diosan xucëx ꞌënu uax ca aín Bëru Ñunshin Upí ꞌëbë ꞌicën. An ca aín Bëru Ñunshin Upí ꞌinánquin cushioquin ñuñuma unicama upí bana anúan atux Nucën Papa Diosnan ꞌi cuëënun ñuixuanan, axa masá nuitucë unicama upí oquin sinánminun ꞌë caxa. ꞌImainun ca sipuacë ꞌaíshbia upitax chiquíncë ꞌinun ꞌimianan bëxuñu unicama bëxuñuma ꞌinun ꞌimianan bëtsi bëtsi ocë unicama bëtsi bëtsi ocëma ꞌiminun ꞌë caxa.

Nukën 'Ibu Diosan ain unikama 'inan ain bana

¹⁸ Nucën 'Ibu Diosan xucëx 'ënu uax ca aín Bëru Ñunshin Upí 'ëbë 'icën. An ca aín Bëru Ñunshin Upí 'inánquin cushioquin ñuñuma unicama upí bana anúan atux Nucën Papa Diosnan 'i cuëënun ñuixuanan, axa masá nuitucë unicama upí oquin sinánminun 'ë caxa. 'Imainun ca sipuacë 'aíshbia upitax chiquíncë 'inun 'imianan bëxuñu unicama bëxuñuma 'inun 'imianan bëtsi bëtsi ocë unicama bëtsi bëtsi ocëma 'iminun 'ë caxa.

Lucas 4:18 Iomraidhean Croise

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Salmos 2:2

Ënë menu ꞌikë ꞌapukama an bana mëníokën ka atúnbi timë́xun uisakin kara, ꞌain ꞌIbukëñun an kaískë ꞌapu ꞌati ꞌikë kixun sinánkania.

Salmos 2:6

ꞌën kana axa ꞌapu ꞌiti uni anëan, usa ꞌain ka aín bashi upí Sión kakë anu ꞌapu ꞌiti ꞌikën.

Salmos 34:18

Nukën ꞌIbu ax ka kamabi nëtën ꞌurama ꞌikën, usa ꞌixun ka uikaman kara ñu ꞌatima ꞌaibi ami sinanatia a ꞌakinti ꞌikën.

Salmos 51:17

Mi ñuina ꞌaxun xaroxunkë usamaira ka uin kara Dios ꞌikë; ¡asérabi ain nuitunënbi mi sinania ax ꞌikën usa ꞌikë kamina timaiman! (Ënë banax ka Davidtan kuënëomasa ꞌikën, usa ꞌaish ka bëtsi menu buánkë ꞌixuan uni itsin kuënëosa ꞌikën Jerusalén ëma anun kënëkë kënë rurupa ꞌain.)

Isaías 32:3

An ka uisakin kara ñu ꞌati ꞌikë, kixun pain ꞌunánkë ꞌiti ꞌikën, ꞌianan ka aín unikaman banaia bëmë́kin kuati ꞌikën,

Isaías 35:5

Usa ꞌain ka bëxuñu unikama an ꞌupiokin ismainun, pabë unikama anribi paxabarakakin bana kuati ꞌikën;

Isaías 42:7

ꞌIanan kana ꞌën kuëënin bëxuñu unikama ain bëru bëpë́xkuti ñunshin ꞌatimanën ñu ꞌatima ꞌamikëx sipunu ꞌikësa ꞌikëbi chikíanan, ñatanxuan bë́anbëankibukënu xëpúkësa ꞌikë akama chikínti kana kuëënin.

Isaías 45:13

ꞌËn kana Ciro kakë uni ꞌapu ꞌixun abë ꞌakanankin uni ñusma okin anun ꞌamiakën, usa ꞌixun kana ꞌën ñu ꞌakian tëmërakimaishi ꞌanun ꞌamiti ꞌain; ꞌamikëxun ka an ꞌën ëma birutëkënun ꞌamianan axa ami nishkë unikaman bibiankin uan akamaribi chikínti ꞌikën, ꞌaínbi ka ꞌë kamina kupíoti ꞌai kiax kitima ꞌikën.” Nukën ꞌIbu kamabi kushiñuira ax ka ësai banai kiaxa.

Isaías 49:9

anuxun kamina mitsun sipunu ꞌikë unikama kati ꞌain: ‘Bërí kamina sipuakë ꞌikantima ꞌain.’ ꞌImainun ka axa bëánkibukënu ꞌikëkama: Atuxribi nëtë xabá isnun ënkë ꞌiti ꞌikën. Kamabi baikama ꞌipitinua kamina pasto mëranan, anu uni ꞌikëma bashi akamanuabi mitsun vacakaman piti mërati ꞌain.

Isaías 50:4

Nukën ꞌIbun ka ꞌë ñu ꞌunánmiaxa atsánkë unikama bana ñuixunkin kuëminun. ꞌIanan ka pëkarakëma ꞌain ꞌaínshi ꞌëa kakëxun munu aín bana kuanun ꞌë kaxa.

Isaías 61:1

Nukën ꞌIbun kushi ax ka ꞌëbë ꞌikën, Usa ꞌain ka Nukën ꞌIbun ꞌë kaístankëxun ñuñuma unikama aín bana ñuixunun ꞌë xuaxa, ꞌimainun ka axa bëtsin ꞌatimokëx masá nuitukë, a upíokin kanan axa ñatanbianxun tëmëramikë unikama a chikínun ꞌë xuaxa, ꞌimainun ñatanxun sipunu nankë akamaxribi basiramashi ka chikiti ꞌikën, kakin kuëëminun ꞌë xuaxa;

Isaías 66:2

¡ꞌËnbi kana kamabi a ñukama ꞌakën, usakin ꞌakëx ka asérabi ñu mërati ꞌiakëxa! ꞌËx min ꞌIbu ꞌaish kana usai kin. Uni ñuñuma ꞌianan axa tëmërai tsókë uni ami kana ꞌëx sinanin, usa ꞌain a unikaman ꞌën bana kikësabiokin upíokin ꞌati ꞌikën.”

Daniel 9:24

Setenta semana ax ka (cuatrocientos noventa baritia inuti ñui kikë ꞌikën) min unikama ꞌimainun min ëma upí a inuti ꞌikën, inutankëxun ka ax bana kuaisama tani ꞌikëkama ꞌimainun aín ꞌuchakë kamaribi ënti ꞌikën. Usai ꞌia ka Diosan aín ꞌuchakëkama unikama tërënxunti ꞌikën, usakin ꞌakin ka uníxa bëtsibë bëtsibë xënibua ꞌaínbi nuibananti a nanti ꞌikën. Usai ka min namákësokin iskë ꞌimainun an bana ñuikë Jeremías ax kiásabi oi ꞌiti ꞌikën, ꞌianan ka upíira kakë anu ꞌikë ax upíira ꞌitánun mëníokë ꞌiti ꞌikën.

Malaquías 4:2

ꞌAínbi ka an ꞌëx kikësabiokin ꞌakë unikama mitsunan, ꞌën ꞌakë ñu upíkama ax. Barin urukin pë́kabëtsinkësa usaribi ꞌiti ꞌikën, an ka mitsu ië́miti ꞌikën. Usakin ꞌakëx kamina kuëëni vaca bakëkama anuxun pimikë xubunuax chikiti chirinkë usairibi ꞌikanti ꞌain.

Mateo 11:5

Cuanxun camina cati ꞌain: Bëxuñu unínbi ca bërí isia, aín niti bëtsicë uníxribi ca bërí upiti nitsia, an aín nami chëquímicë ꞌinsínñu unix ca pëxcutia, pabë unin ca bana cuatia, bamacë uníxbi ca baísquia, ñuñuma unínribi ca anun Nucën Papa Diosnan ꞌinux ië́ti bana cuatia.

Mateo 12:18

Ënëx ca ꞌëx cuëëncësabi oquin ꞌanun ꞌën caíscë ꞌianan ꞌën nuibairacë a ꞌicën. A isi cana cuëënin. ꞌËn cushi cana a ꞌinánti ꞌain. ꞌInáncëxun ca judíosma unicamaribi uisoquin carana ꞌën atúxa upí ꞌinun ꞌimiti ꞌai quixun ñuixunti ꞌicën. Ñuixuanan ca ꞌën cana camabi unían ñu ꞌaia isquin uisa carana oti ꞌai usoquin ꞌati ꞌai quixun ñuixunti ꞌicën.

Mateo 12:20

Pëcú pëchi sitan oquin pësínpacë a ca xanun ꞌaisama ꞌicë putia. Usa ꞌaínbi ca ꞌën Bëchicënën uni ꞌaisama ꞌaísha ꞌuchañu ꞌaíshbi ainan ꞌiisa tania cuantánun xutima ꞌicën. Lamparín bënabuti cuíncësa ca axa ami sinanibi ami cushiiracëma uni ax ꞌicën. Usa unibi ca ainan ꞌiaxma cuantánun xutima ꞌicën. Anun camabi ñu ꞌaisamacama cëñuti nëtë utámainun ca aín cushínbi ami catamëcë unicama ꞌaquinti ꞌicën.

Mateo 4:16

Anu ꞌicë unicamax ainanma ꞌixun Nucën Papa Dios cuëëncësabi oquin ꞌati ꞌunáncëma ꞌaíshbi ca Cristo ucëbë an ꞌunánmicë ꞌiaxa. Ainanma ꞌaish bamati ꞌaíshbi ca Cristo ucëbë an ꞌunánmicëx xabánu ꞌicësa ꞌiaxa.

Mateo 5:3

An —ꞌënbi cana ꞌën nuitu upí ꞌimitima ꞌai —quixun ꞌunáncë uni, ax ca ꞌëmi catamëtia Nucën Papa Diosan aín nuitu upí ꞌimianan ainan ꞌimicë cupí, chuámarua tani cuëënia.

Lucas 4:17

Niruia ca an a quirica bërúancë unin Isaíasnën cuënëo bana a atu ꞌaxunun quixun ꞌináncëxa. ꞌInáncëxun biquin ca aín catanua ësai quicë bana bariquin mëraquin atun cuanun quixun ꞌaxuancëxa:

Lucas 6:20

Usa ꞌain ca ami bësuquin Jesusan aín ꞌunánmicë unicama cacëxa: —Mitsux ñuñuma ꞌaíshbi ꞌëmi catamëtia Nucën Papa Diosan mitsu ainan ꞌaish aín nëtënu ꞌiti ꞌimicë cupí camina chuámarua tani cuëënin.

Lucas 7:22

Usaquin ꞌaxun ca Juanën a ñucánun quixun xucë unicama Jesusan cacëxa: —Camina ꞌën unicama ñuixuniami cuacë banacama ñuixuanan ꞌën ñu ꞌaiami iscëcama ñuixunquin Juan cai cuanti ꞌain. Cuanxun camina cati ꞌain: Bëxuñu unínbi ca bërí isia, aín niti bëtsicë uníxribi ca bërí upiti nitsia, an aín nami chëquimicë ꞌinsínñu unix ca pëxcutia, pabë unin ca bana cuatia, bamacë uníxbi ca baísquia, ñuñuma unínribi ca anun Nucën Papa Diosnan ꞌinux ië́ti bana cuatia.

Juan 1:41

Jesusan ꞌitinuax cuanxun ca Andrésnën aín xucën Simón Pedro bariquin mëraxun cacëxa: —Mesías cananuna isan. Mesías quicë bana, ax ca Cristo, axa utia judíos unicaman caíncë a qui quicë ꞌicën.

Juan 12:46

An aín sinan upíira ꞌixun uni upí ꞌimiti ꞌëx cana unicama ñu ꞌatima ꞌacë ꞌaíshbi sinanati ꞌëmi catamëti upí ꞌinun ꞌiminux uacën.

Juan 3:34

Usai ꞌinun ca Nucën Papa Diosan aín Bëru Ñunshin Upí ñonquinma aín Bëchicë ꞌinania. Usaquian ꞌináncëxun ca an xucë́xa ucë uni, Jesús, an aín Bëru Ñunshin Upitan sinánmicë ꞌixun Nucën Papa Dios cuëëncësabi oquin unicama bana ñuixunia.

Hechos 10:38

Camina ꞌunanin, Nucën Papa Diosan ca Jesús Nazaretnu ꞌicë a aín Bëru Ñunshin Upí abë ꞌinun ꞌinánquin aín cushiribi ꞌináncëxa. ꞌInáncëxun ca ñu upíshi ꞌanan ñunshin ꞌatimañu unicamaribi pëxcüacëxa, Nucën Papa Dios abë ꞌain.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Hechos 4:26

Nucën ꞌIbu Diosmi ꞌianan ca aín Bëchicë Jesucristomiribi ꞌi ënë menu ꞌicë ꞌapucama tsuáquiruaxa, aín tucuricucamaxribi ca ami ꞌi timë́axa.

Hechos 4:27

David quiásabi oi ca asérabi ënë ëmanuax Herodesbë Poncio Pilato ꞌimainun judíosma unicama ꞌimainun Israel unicamaxribi, min Bëchicë upíira sinánñu, Jesús, ënë menu unúnmi caísa, ami nishi tsuáquirui timë́axa,

Colosenses 1:13

Ñu ꞌatima ꞌatishi sinánan nux cuëëncësabi oíshi ꞌiisa taniabi ca Nucën Papa Diosan aín nuibacë Bacë Bëchicënan ꞌinun nu ꞌimiaxa.

Santiago 2:5

ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.