Lucas 4:1 - Kashibo-Kakataibo Biblia

¹ Juanëan Jordán bacanuxun nashimicëbë abë ꞌixun ca Nucën Papa Diosan Bëru Ñunshin Upitan Jesús anu uni ꞌicëma menu cuanti sinánmiacëxa.

Nukën 'Ibu Diosan ain unikama 'inan ain bana

¹ Juanëan Jordán bacanuxun nashimicëbë abë 'ixun ca Nucën Papa Diosan Bëru Ñunshin Upitan Jesús anu uni 'icëma menu cuanti sinánmiacëxa.

Lucas 4:1 Iomraidhean Croise

1 Reyes 18:12

Usa ꞌaínbi ka bërí ꞌëx mi ëbiani kuankëbëtan Diosan bëru ñunshinan anua ꞌën mi ꞌunántima menu buánti ꞌikën. Usa ꞌain ka mi ñuikin kakëx ukinbi mi mërakinma Ahabnën ꞌë rëtëti ꞌikën. An mi ñu mëëxunti uni ënën ka bëná ꞌixunbi Dios kuëënkësa okinshi ñu ꞌakëxa.

1 Reyes 19:4

Usakin anu ëbiani ka anu uni ꞌikëma me anu aratsushi kuankëxa, kuani ka achúshi nëtën nikiani kuanbaiti i pëñanakëkë achúshi nikë a tëmú tantiakëxa. Anu tanti tsóxun sinani ka abi bamatisa tani, kiakëxa: “¡Dios ꞌën kana ënë ñuira tënëiman!” ¡Usa ꞌain kamina ꞌë bamamiti ꞌain, ꞌëx kana ꞌën chaitiokëkama ꞌiasaribiti uni upíma ꞌain!

Isaías 61:1

Nukën ꞌIbun kushi ax ka ꞌëbë ꞌikën, Usa ꞌain ka Nukën ꞌIbun ꞌë kaístankëxun ñuñuma unikama aín bana ñuixunun ꞌë xuaxa, ꞌimainun ka axa bëtsin ꞌatimokëx masá nuitukë, a upíokin kanan axa ñatanbianxun tëmëramikë unikama a chikínun ꞌë xuaxa, ꞌimainun ñatanxun sipunu nankë akamaxribi basiramashi ka chikiti ꞌikën, kakin kuëëminun ꞌë xuaxa;

Ezequiel 3:14

Usa ꞌain ka Diosan kushi anua ꞌë chikíanxa, chikinkëx kana anuax masá nuitukë ꞌianan nishkë kuan, kuankinbi kana Diosan aín mëkënanbi kushiokin tuinkësa tan.

Mateo 3:16

Usoquin Juanën nashimicëx ca Jesús bacanuax ꞌiruquiani cuancëxa. Cuanquinbi ca Jesusan naí panárabëcëbëtan isquin anuax numacuru tinax uáxa Nucën Papa Diosan Bëru Ñunshin Upí anu ꞌiruia isacëxa.

Lucas 2:27

Usa ꞌain ca Simeón Nucën Papa Diosan Bëru Ñunshin Upitan sinánmicëx anuxun Nucën Papa Dios rabiti xubunu cuancëxa. Cuanx anu ꞌain ca Josébë María, Moisésnën cuënëo bana quicësabi oquin ꞌanuxun Jesús buanx atsíancëxa.

Lucas 3:3

ꞌImicëx cuani Jordán cacë baca rapasu ꞌicë mecamanu cuanquin bana ñuixuni ca ësai quiacëxa: —Sinanaquin mitsun ꞌuchacama ëni Nucën Papa Diosmi sinani camina nashimicë ꞌiti ꞌain, mitsun ꞌuchacama tërë́ncë ꞌinun.

Lucas 3:38

Cainán ax ca Enosnën bëchicë ꞌiacëxa. Enós ax ca Setnën bëchicë ꞌiacëxa. Set ax ca Adanën bëchicë ꞌiacëxa. Adán ax ca Nucën Papa Diosan bëchicë ꞌiacëxa.

Lucas 4:14

Usaquian ꞌacëx ca Jesús, bëtsi ñu sinanima Nucën Papa Diosan Bëru Ñunshin Upitan cushioquin sinánmicëxëshi, Galilea menu cuantëcëancëxa. Cuanxa bëbaia ca Galilea ꞌimainun a ꞌurama ꞌicë mecamanu ꞌicë unicamanribi a ñuiquin chaniocëxa.

Lucas 4:18

Nucën ꞌIbu Diosan xucëx ꞌënu uax ca aín Bëru Ñunshin Upí ꞌëbë ꞌicën. An ca aín Bëru Ñunshin Upí ꞌinánquin cushioquin ñuñuma unicama upí bana anúan atux Nucën Papa Diosnan ꞌi cuëënun ñuixuanan, axa masá nuitucë unicama upí oquin sinánminun ꞌë caxa. ꞌImainun ca sipuacë ꞌaíshbia upitax chiquíncë ꞌinun ꞌimianan bëxuñu unicama bëxuñuma ꞌinun ꞌimianan bëtsi bëtsi ocë unicama bëtsi bëtsi ocëma ꞌiminun ꞌë caxa.

Juan 1:32

Usaquin catancëxun ca, ësai ca ꞌiaxa quixun Juanën unicama ñuixuancëxa: —ꞌËn a ꞌunáncëma ꞌicëbi ca Nucën Papa Diosan ꞌën ꞌunpaxan uni nashiminun xuquin ꞌë caxa: “Uni achúshinua ꞌën Bëru Ñunshin Upí ubútancëx ꞌiruia camina isnuxun ꞌain. Ainra ca uni ꞌën Bëru Ñunshin Upíbëa ꞌinun ꞌimiti ꞌicën”. Usaquin ca ꞌë caxa. An ꞌë cacësabi oquin cana Nucën Papa Diosan Bëru Ñunshin Upía ñumacuru tinax naínuax ubútancëx a uninu ꞌiruia isan.

Juan 3:34

Usai ꞌinun ca Nucën Papa Diosan aín Bëru Ñunshin Upí ñonquinma aín Bëchicë ꞌinania. Usaquian ꞌináncëxun ca an xucë́xa ucë uni, Jesús, an aín Bëru Ñunshin Upitan sinánmicë ꞌixun Nucën Papa Dios cuëëncësabi oquin unicama bana ñuixunia.

Hechos 1:2

An ca naínu cuainsama pain ꞌixun Nucën Papa Diosan Bëru Ñunshin Upitan ꞌaquincëxun an aín bana unicama ñuixunun xuti unicama caísacëxa. Acamax ca aín ꞌunánmicë uni ꞌiacëxa. Caístancëxun ca añu cara ꞌati ꞌicë quixun ꞌunánmiacëxa.

Hechos 10:38

Camina ꞌunanin, Nucën Papa Diosan ca Jesús Nazaretnu ꞌicë a aín Bëru Ñunshin Upí abë ꞌinun ꞌinánquin aín cushiribi ꞌináncëxa. ꞌInáncëxun ca ñu upíshi ꞌanan ñunshin ꞌatimañu unicamaribi pëxcüacëxa, Nucën Papa Dios abë ꞌain.

Hechos 8:39

A nashimitancëx caman ꞌiruiaishia Nucën Papa Diosan Bëru Ñumshin Upitan buáncëx nëtëtia ca a unin Felipe istëcëanma ꞌicën. Istëcënímabi cuëënquiani ca aín menu cuancëxa.