Lucas 3:36 - Kashibo-Kakataibo Biblia

³⁶ Sala ax ca Cainanën bëchicë ꞌiacëxa. Cainán ax ca Arfaxadnën bëchicë ꞌiacëxa. Arfaxad ax ca Semnën bëchicë ꞌiacëxa. Sem ax ca Noénën bëchicë ꞌiacëxa. Noé ax ca Lamecnën bëchicë ꞌiacëxa.

Nukën 'Ibu Diosan ain unikama 'inan ain bana

³⁶ Sala ax ca Cainanën bëchicë 'iacëxa. Cainán ax ca Arfaxadnën bëchicë 'iacëxa. Arfaxad ax ca Semnën bëchicë 'iacëxa. Sem ax ca Noénën bëchicë 'iacëxa. Noé ax ca Lamecnën bëchicë 'iacëxa.

Lucas 3:36 Iomraidhean Croise

Génesis 5:3

Adán axa ciento treinta baritiañu ꞌain ka aín bëchikë Set a iskësabi ax bakë́ankëxa.

Génesis 6:22

Usa ꞌain ka Noénën Diosan kakësabiokin kamabi ñu ꞌakëxa.

Génesis 7:13

A nëtënbi ka Noé nunti chaiira anu aín bëchikëkama, Sem, Cam ꞌimainun Jafet, ꞌimainun aín xanu aín piaka rabë́ ꞌimainun achúshi aín bëchikënën xanu akamabë ꞌiruakëxa.

Génesis 7:23

Usaia këñúkëbëbi ka Noé ꞌimainun axa nunti chaiira anu ꞌikëkama ax kuni këñuama ꞌikën; Nukën ꞌIbu Diosmi sinánkë ꞌaish usaía ꞌimainun ka uni, ñuina ninu ꞌikë ꞌimainun ñuina pëchiñu manan nuánkë, ꞌimainun men niríkë ñuina akamaxbi këñuakëxa;

Génesis 8:1

Usa ꞌain ka Nukën ꞌIbu Dios Noemí sinánkëxa sinanan ka kamabi ñuina abëa nunti chaiira anu ꞌikë amiribi sinánkëxa. Sinánkin ka Diosan menu suñu bëkinun ꞌimikëbë ka baka aín ꞌëkë sënëni kuëtsëkëni munu kuabuakëxa;

Génesis 9:1

Nukën ꞌIbu Diosan ka upíokin sinánxunkin Noé ꞌimainun ain bëchikëkama, ësokin kakëxa: Kamina bëchipati mebi tsitsirui ꞌuákamë ꞌëoti ꞌain.

Génesis 9:18

Ënëx ka Noénën bëchikëkama nunti chaiira anuaxa chikíkë akamax ka Sem, Cam, Jafet ꞌiakëxa, Cam ax ka Canaán kakë aín papa ꞌiakëxa.

Lucas 17:27

Anúan aín nuntinu ꞌiruti nëtë utámainun Noénën anun ië́ti nunti cha ꞌamainun ca unicaman pianan xëanan xanu bianan aín bëchicë bënumianan an ꞌacësabi oquin cuëënquin ñu ꞌacëxa. Usaquian ꞌamainun anúan Noé aín nuntinu ꞌiruti nëtë sënë́ncëbë ca ꞌaisamaira ꞌuí ꞌibúcëbë, baca ꞌaisamaira ꞌëi nuntaruquin ñucamacëñunbi unicama cëñuacëxa.

Lucas 3:35

Nacor ax ca Serugnën bëchicë ꞌiacëxa. Serug ax ca Ragaunën bëchicë ꞌiacëxa. Ragau ax ca Pelegnën bëchicë ꞌiacëxa. Peleg ax ca Hebernën bëchicë ꞌiacëxa. Heber ax ca Salan bëchicë ꞌiacëxa.

Lucas 3:37

Lamec ax ca Matusalenën bëchicë ꞌiacëxa. Matusalén ax ca Enocnën bëchicë ꞌiacëxa. Enoc ax ca Jarednën bëchicë ꞌiacëxa. Jared ax ca Mahalaleelnën bëchicë ꞌiacëxa. Mahalaleel ax ca Cainanën bëchicë ꞌiacëxa.

Hebreos 11:7

Ënë́nsaran nëtë́nmaribi ca Noénën ami catamëquin —Nucën Papa Dios quicësabi oi ca ꞌiti ꞌicë —quixun ꞌunáncëxa. ꞌUnáncë ꞌicë ca Nucën Papa Diosan Noé cacëxa, —camabi uníxa ꞌaisamairai ꞌuchacë cupí cana unían usai ñu ꞌiti sináncëbëtanmabi camabi me baca mapumiquin cëñuti ꞌai —quixun. Nucën Papa Diosan bana ca asérabi ꞌicë quixun ꞌunánquin ca Noénënshi, ꞌitsa ꞌuí ꞌibúcëma pain ꞌaínbi aín manë nunti chaira anua aín aintsi ꞌibucama atsínmiti ꞌacëxa, Nucën Papa Diosan a cacësabi oquin. An usoquin ꞌaia iscë unicama ca —ënë menu ꞌicë unicama ꞌaisamairai ꞌuchacë cupí ca Nucën Papa Diosan cëñuti ꞌicë —quixun Noénën ñuixuancëxa. Nucën Papa Dios quicësabi oi ca ꞌiti ꞌicë quixun sinánquian Noénën, an cacësabi oquin ꞌaia isi ca Nucën Papa Dios cuëëancëxa.

1 Pedro 3:20

Bamacëma pain ꞌixun ca a unicaman Nucën Papa Dios cuëëncësabi oquin ꞌaisama tancëxa. Noénëan aín manë nunti ꞌamainun ca unicama aín ñu ꞌatima ꞌacëcama ënun quixun Nucën Papa Diosan caíancëxa. Caíncëxunbia aín ñu ꞌatima ꞌacë ëncëma ꞌicëa aín patsan bacan cëñumainun ca ꞌitsamashi ocho uníxëshi manë nunti mëu atsini ië́acëxa.

2 Pedro 2:5

Usaribi oquin ca Nucën Papa Diosan nëtë ióñu, an aín bana cuacëma unicama atun ñu ꞌatima ꞌacë tërë́nquinma camabi me mapumiquin baca cëñumiacëxa. Usonan ca an ami sinánun aín bana ñuixuncë, Noé, acëñun mëcën achúshi ꞌimainun rabë́ unishi Nucën Papa Diosan ië́miacëxa.