Lucas 24:44 - Kashibo-Kakataibo Biblia

⁴⁴ Pitancëx sënë́nxun ca Jesusan atu cacëxa: —ꞌËx bamacëma pain ꞌixun ꞌën mitsu cacësabi oi ca ꞌiaxa. ꞌË ñuiquin cuënëo banacama Moisésnën ꞌa, ꞌimainun an Nucën Papa Dios quicë bana uni ñuixuncë unicaman cuënëo banacama, ꞌimainun Salmosribi, acamaxa ꞌë ñui quicë bana axa quicësabi oi ca ꞌiti ꞌicë quixun ꞌën mitsu cacësabi oi cana ꞌian.

Nukën 'Ibu Diosan ain unikama 'inan ain bana

⁴⁴ Pitancëx sënë́nxun ca Jesusan atu cacëxa: —'Ëx bamacëma pain 'ixun 'ën mitsu cacësabi oi ca 'iaxa. 'Ë ñuiquin cuënëo banacama Moisésnën 'a, 'imainun an Nucën Papa Dios quicë bana uni ñuixuncë unicaman cuënëo banacama, 'imainun Salmosribi, acamaxa 'ë ñui quicë bana axa quicësabi oi ca 'iti 'icë quixun 'ën mitsu cacësabi oi cana 'ian.

Lucas 24:44 Iomraidhean Croise

Génesis 14:18

ꞌImainun ka bëtsi ꞌapu Melquisedec, kakë ꞌapu Salem ëmanu ꞌikë anribi biakëxa, ax ka sacerdote Nukën ꞌIbu Dios an kamabi ñu unio kushiira naí manámi ꞌikë aín uni ꞌiakëxa, an ka pán këñun vino ꞌinánkin.

Génesis 22:18

usa ꞌain ka kamabi menu ꞌikë unikama atu kupin upíokin sinánxunkë ꞌiti ꞌikën, min kamina ꞌën kakësabiokin ꞌan usa ꞌain.

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

Salmos 118:22

An xubu ꞌakë unikaman timakin rakan maxá ax ka bërí maxá upí ami xubu ꞌakin uarukin nankë a ꞌikën.

Isaías 28:16

Usa ꞌain ka ësai Nun ꞌIbu kiaxa: ꞌËn kana Sión kakë ëmanu achúi maxax nanti ꞌain, ax ka achúshi maxax kupíirakë ꞌikën, ax ka achúshi maxax ami birukin xubu ꞌati nankë usaribi ꞌiti ꞌikën. Usa ꞌain ka uix kara ami katamëtia ax chuámarua tsóti ꞌikën.

Isaías 52:13

ꞌËn uni akana an ꞌakë ñukamax ka upí ꞌiakëxa, ꞌikëbëtan ka axa aín kushiira ꞌi manámi ꞌinun ꞌimiti ꞌikën.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Jeremías 23:5

Ësai ka Nukën ꞌIbu asérabi kiakëxa: “Ka is achúshi nëtë ka uti ikë, anúan Davidtan rëbúnki ꞌibuira, ax ꞌapu achúshi ñu ꞌunairakë ꞌixun unikama ꞌakinkin, Judá menu ꞌikë unikama ainra upíokin ñu ꞌaia bukunun ꞌakinti ꞌikën, usokëx ka ñu ꞌatima ꞌaíma upiti tsóti ꞌikën.

Ezequiel 34:23

ꞌËn kana ꞌën uni David axa utëkënun bëti ꞌain, a kana axëshi ꞌapu ꞌixuan ꞌën unikama bërúanun ꞌimiti ꞌain, ꞌimikëxun ka an ñuina bërúankë unisa ꞌixun ꞌën unikama bërúanti ꞌikën. Ax ka an atu bërúankë unisa ꞌiti ꞌikën.

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Daniel 7:13

ꞌËn kana ënë ñukama namákësokin imë́ isan: Iskëbëshi ka nëtë kuin mëu unin bëchikësa ꞌaish uaxa, aia anua tsókë ami kikiani kuania ka uni apan an a ꞌurama onun ꞌamiaxa.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Amós 9:11

A nëtë ꞌikëbëtan kana ꞌën David ꞌapu ꞌain ꞌasaribiokin Israel unikama ꞌapuñu ꞌinun ꞌimiti ꞌain. ꞌImikin kana kamabi ñukama anu ꞌikë akama ꞌatëkënun ꞌamiti ꞌain,

Zacarías 9:9

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

Números 21:8

ñukáxunkëxun ka Nukën ꞌIbun Moisés kakëxa: —Manë panshían kamina an atu pikë runu abi tankin ꞌati ꞌain, ꞌatankëxun kamina imaxu chaxkë́ achúshi nitsíntankëxun anu bëntanti ꞌain. Bëntankë a runu ami bësukin isi ka ui kara runun pia ax pëxkúti ꞌikën.

Mateo 1:22

An Nucën Papa Dios quicë bana uni ñuixuncë unían cuënëosabi oquin ca ángelnën José usaquin cacëxa. A bana ca ësai quia:

Mateo 16:21

Ësaquin caquin sënë́ontancëxun ca aín bamati ñuixuntabaquin Jesusan aín ꞌunánmicë unicama ësaquin cacëxa: —ꞌËn Papa Dios cuëëncësabi oi cana Jerusalénu cuanin. Cuanx bëbacë ca anu ꞌicë uni apáncamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ꞌën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Mateo 26:54

An aín ángelcama ꞌë ꞌië́minun xucëbë cana bamatima ꞌain. Usa ꞌaínbi cana ꞌëx aín bana quiásabi oi ꞌiisa tancë cupí an aín ángelcama xunun caiman.

Mateo 26:56

Anuxun ꞌë bixunmabimi mitsun bërí ꞌë bicë ënëx ca asérabia an Nucën Papa Dios quicë bana uni ñuixuncë unin cuënëo bana quicësabi oi ꞌia. Usoquian atu caia cuabiani ca aín ꞌunánmicë unicamax Jesús ëbiani abácëxa.

Marcos 9:31

ꞌUnánquibianquin ca acamaishi buánquin ësaquin cacëxa: —Uni ꞌinux Nucën Papa Diosnuax uá ꞌë ca unin, an raíri uni ꞌaminun uni ꞌinánti ꞌicën. ꞌInáncëxun bixun ca ꞌë ꞌati ꞌicën. ꞌAcëx bamatancëx cana rabë́ ꞌimainun achúshi nëtë ꞌicëbë baísquinuxun ꞌain.

Lucas 24:46

ꞌUnánmiquin ca ësaquin cacëxa: —Ësai ca a bana quia, Cristo ca bamatancëx rabë́ ꞌiónxa pëcaratëcëncëbë baísquiti ꞌicën.

Lucas 9:22

Canan ca cacëxa: —Uni ꞌinux Nucën Papa Diosnuax uá, ꞌëx cana ꞌatimocë ꞌiti ꞌain. ꞌImainun ca caniacëcëcamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax, ꞌën bana cuaisama tani, ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Lucas 9:44

—Camina upí oquin cuati ꞌain. Cuaquin camina mitsun uisa ꞌixunbi manutima ꞌain, uni ꞌinux Nucën Papa Diosnuax uá ꞌë ca unin an raíri uni ꞌaminun uni ꞌinánti ꞌicën.

Juan 3:14

Moisésnëan anu uni ꞌicëma menuxun manë ꞌacë runu, camabi unin isnun, i nitsínxun anu nansaribi oquin ca uni ꞌinux Nucën Papa Diosnuax uá ꞌicë, ꞌë unin ꞌati ꞌicën,

Juan 5:39

Uisari caramina ainan ꞌaish xënibua ꞌaínbi abë ꞌiti ꞌai quixun ꞌunánuxun camina Nucën Papa Diosan bana cuënëo upí oquin isin. Usa ꞌaínbi ca a bana ꞌë ñuia quicë ꞌicën.

Juan 5:46

Moisésnëan ꞌë ñuiquin cuënëo ꞌain camina an cuënëo bana ca aserabi ꞌicë quixun sináncë ꞌaish ꞌëmiribi sinántsian.

Hechos 13:33

Salmos dos, anu ca Nucën Papa Diosan aín bëchicë cá bana ꞌicën, ësai quicë: “Mix camina ꞌën Bëchicë ꞌain. Usa ꞌicë cana xënibua ꞌaínbimi ꞌëbë ꞌinun mi ꞌimin”. Usai ꞌinun ca Nucën Papa Diosan aín Bëchicë Jesucristo baísquimiacëxa. Usaquin ca ꞌacëxa quixun cananuna nun ꞌunanin.

Hechos 13:40

Camina bërúancacanti ꞌain, an Nucën Papa Dios quicë bana uni ñuixuncë unicaman cuënëo bana quicësabi oi mina ꞌin, a banax ca ësai quia:

Hechos 3:18

Usa ꞌaínbi camina mitsun, an sinánmicëxun uni ñuixuncë unicama Nucën Papa Diosan usaia Cristo ꞌiti ñuiquian cuënëomia banaxa quicësabi oquin ꞌacan. A banax ca quia, Nucën Papa Diosan ënu unun xuá, Cristo, ax ca paë tani tëmërati ꞌicë quiax.

Hechos 7:37

Usaquin caxun ca ësaquinribi Estebanën catëcëancëxa: —Moisés ax ca an Israel unicama ësaquin cá a ꞌicën: “An ꞌë ꞌimicësaribi oquin ca mitsun rëbúnqui achúshi, an ax quicë bana unicama ñuixunti uni Nucën Papa Diosan ꞌimiti ꞌicën. ꞌImicëxuan an atu cacësabi oi ca ꞌicanti ꞌicën”.

Hebreos 10:1

Jesucristoa ënë menu utancëx unicaman ꞌucha cupí usai ꞌiti tanquian judíos unicaman aín ꞌucha cupí castícancëma ꞌinuxun ꞌaracacë ñuina ꞌanun ca Nucën Papa Diosan mëníocëxa. Usoquin mëníocë ꞌain ca judíos unicaman Nucën Papa Diosbë upí ꞌiisa tanquin camabi baritia ꞌaracacë ñuina ꞌaxun xaroia. Usoquin ꞌacë ꞌaínbi ca aín nuitu asérabi ꞌuchatëcëntimoquin upí ꞌinun mëníocëma ꞌicën.

Hebreos 3:5

Nucën raracama judíos unibu ꞌain ca Moisés atun cushi ꞌiacëxa. Aín cushi ꞌixun ca Nucën Papa Dios cuëëncësabi oquin upí oquin ñu ꞌacëxa. Uisairai ꞌi cara ainan ꞌiti ꞌicë quixuan judíos unicaman ꞌunánuan atu ñuixunun quixun Nucën Papa Diosan cacësabi oquin ca Moisésnën nucën raracama ꞌitsa ñu ñuixuancëxa.

Hebreos 7:1

Mitsux Abrahamnën rëbúnqui ꞌixun camina ꞌunanin, Melquisedec ax ca Salem cacë menu ꞌicë unicaman ꞌapu ꞌiacëxa. Ax ca sacerdote, an unicama Nucën Papa Dios manámi ꞌicë a ñucáxuncë ꞌiacëxa. Usa ꞌain ca bëtsi menu ꞌicë ꞌapucaman Abrahamnën xucënan bëchicë Lot cacë, aín nëtënu ꞌicë unicamabë ꞌacánanquin ñusmotancëxun aín ñucamacëñunbi ꞌitsa uni ꞌimainun xanu ꞌimainun tuáribi buáncëxa. Usoquin ꞌacë cuabiani aín unicama buani cuanxun ca Abrahamnënribi a suntárucama ñusmoxun abámianan anu ꞌicë ꞌapucaman buáncë unicamacëñun camabi ñu bitëcëancëxa. Bibiani cuantëcëni ca Abraham Melquisedecbë mëranancëxa. Abë mërananquin ca Melquisedecnën, Nucën Papa Diosan ca Abraham ꞌaquianxa quixun ꞌunanquin —an ca mi upí oquin sinánxunia —quixun caquin, a Nucën Papa Dios ñucáxuancëxa.

Hebreos 9:8

Nun nu a ñucama sinania ca Nucën Papa Diosan Bëru Ñunshin Upitan nu ësaquin ꞌunánmia, anu pain atsínti cata anuxun atun ꞌacësabi oquian camabi nëtën ñu ꞌacëbë ca judíos unicamax Cata Upíira cacë, anu Nucën Papa Dios ꞌicë, anu abë bananux atsinima.

1 Pedro 1:11

Cristo ënë menu ucëma ꞌaínbi ca aín Bëru Ñunshin Upitan sinánmicë ꞌixun, an Nucën Papa Dios quicë bana uni ñuixuncë unicaman ꞌunáncëxa, tëmërax bamatancëx baísquitancëx ca Cristo aín Papasaribi ꞌApu ꞌaish abë tsóti ꞌicë quixun. Usaquin ꞌunánquin ca uisa uni cara Cristo ꞌiti ꞌicë quixun ꞌunántisa tanan uínsaran cara uti ꞌicë quixun ꞌunántisa tancëxa.

Apocalipsis 19:10

Quicëbë cana a rabinux a ángel tanáin rantin purúan. Usai ꞌiabi ca ꞌë caxa: —Usai ꞌiáxma ca ꞌit. Uicaman cara Nucën Papa Dios quicë bana unicama ñuixunia an ca Jesús ñuiquin an ꞌunánmicë banacama uni ñuixunia. Mibëtan ax Jesús quicë banacama quicësabi oi ꞌicë unicaman ꞌacësaribi oquin cana ꞌënribi ax quicësaribi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.