Lucas 23:5 - Kashibo-Kakataibo Biblia

⁵ Usaía Piláto quicëbëbi Jesúsmi xuamati nishi ca munuma quicancëxa: —An ca Galilea mecamanuxun unicama ꞌatimaquin ꞌunánmiquin tsuáquirumianan Judea mecamanuxunribi usoquin ꞌaia.

Nukën 'Ibu Diosan ain unikama 'inan ain bana

⁵ Usaía Piláto quicëbëbi Jesúsmi xuamati nishi ca munuma quicancëxa: —An ca Galilea mecamanuxun unicama 'atimaquin 'unánmiquin tsuáquirumianan Judea mecamanuxunribi usoquin 'aia.

Lucas 23:5 Iomraidhean Croise

Salmos 22:16

Kamun ꞌitsan, ꞌakësaira okin ka uni ꞌatimakaman ꞌë bëara buianxa; usakin ꞌakin ka ꞌën mëkënu ꞌanan ꞌën taënu ꞌinúanën uni raëxpakësa okin ꞌë ꞌaxa.

Salmos 69:4

Añu ñu ꞌën ꞌakë ꞌaímabi ka ax ꞌëmi nishkë unikamax ꞌitsaira ꞌaish ꞌën maxkánu ꞌikë bun ꞌitsasamaira ꞌikën; axa ꞌëmi nishkë unikamax ka ꞌitsaira ꞌikën, usa ꞌixun ka bëtsi ñu ꞌakëmabi ꞌë ꞌaisa tankania, ꞌimainun ka atun ñu mëkamakë ꞌikëmabi ꞌë ñu ꞌinánun kixun ubioia.

Mateo 11:1

Aín ꞌunánmicë unicama an ñuixuncë bana unicama ñuixuntanun catancëx ca Jesús anribi Galilea menu ꞌicë ëmacamanuxun bana ñuixunux cuancëxa.

Mateo 2:1

Herodes axa Judea cacë menu ꞌicë unicaman ꞌapu ꞌaish Jerusalénu ꞌain ca a menu ꞌicë ëma, Belén cacë, anuax Jesús bacë́ancëxa. Belénuaxa Jesús bacë́an ca aucüaxa bari urucë anuax an ñu ꞌunáncë unicama, Belén ꞌurama ꞌicë Jerusalén ëmanu cuancëxa.

Mateo 27:24

Usa ꞌain ca mëníoisama ꞌinun sharati unicama tsuáquirumisari ꞌia isi, atun ismainunbi, ꞌumpaxan mëchucaquin ca Pilatonën cacëxa: —Ënë uníxa bamacëbëbi ca ꞌën ꞌuchama ꞌicën. Mitsux cuëënxun camina ꞌati ꞌain.

Mateo 4:23

Usa ꞌain ca Jesusan Capernaúm anuax cuanxun Galilea mecamanuxun anua judíos unicama timë́ti xubucamanuxun bana ñuixuancëxa. —Nucën Papa Diosan ca ami catamëcë unicama abë ꞌinun ainan ꞌimiti ꞌicë —quixun caquin upí bana unicama ñuixuanan ca uni ñucëcama pëxcüacëxa.

Marcos 1:14

Juan, an uni nashimicë, a sipuacë ꞌain ca Jesusan Galilea menu cuantëcënquin —aín ꞌucha tërë́ncë ꞌaish ca uni Nucën Papa Diosnan ꞌiti ꞌicë —quixun upí bana ñuibiancëxa.

Lucas 11:53

Usaquin catancë́xa fariseonën xubunuax cuania ca an Moisésnën cuënëo bana ꞌunáncë unicama ꞌimainun fariseo unicaman ami nishi, ami manáncatsi quixun sinánquin, uisai caraisa quia cuacatsi quixun, bëtsi bana ñuiquin ꞌaisamaira oquin ñucáquin Jesús ubíocëxa.

Lucas 23:23

Quicëbëbi ca usaribiti amiribishi munuma sharárui quitëcëancëxa, bamatanun i curúsocënu matáscë ca ꞌiti ꞌicë quiax. Usai quia ca Pilatonën atu sinanamicasmacëxa.

Lucas 23:6

Ësaquian unicaman ñuia cuaquin ca Pilátonën —¿ënë unix cara Galileanu ꞌicë uni ꞌic? —quixun atu ñucácëxa.

Juan 1:43

Usaquian Pedro coon pëcaracëbë, Galilea menu cuanti sinani cuanquinbi ca Jesusan Felipe mëracëxa. Mëraquin ca cacëxa: —ꞌËn mi ꞌunánminun ca ꞌëbë cuani ut.

Juan 19:15

Cacëxun ca cuëníshoquin cacëxa: —Ca bamati ꞌicën, ca bamati ꞌicën. I curúsocënu ca matas. Cacëxun ca Pilátonën cacëxa: —¿ꞌËn carana mitsun ꞌapu i curúsocënu matásmiti ꞌain? Quia ca sacerdotenën cushicaman cacëxa: —Nun ꞌapu itsi ca ꞌaíma ꞌicën. Césarnëxëshi ca nun ꞌapu ꞌicën.

Juan 2:11

Usoquin ca Jesusan Galilea menu ꞌicë ëma, Caná, anuxun aín sinanëinshi ꞌatabaquin uni itsin ꞌacëma ñu ꞌacëxa, uni itsin cushisamaira ca aín cushi ꞌicë quixuan unicaman ꞌunánun. Usaquian ñu ꞌaia isi ca aín ꞌunánmicë unicama ami catamëacëxa.

Juan 7:41

Quimainuan raíri —ënëx ca Cristo, axa utinu nun caíncë a ꞌicë —quicëbëbi ca raírinëx quiacëxa: —Cristo ca Galilea menuax utima ꞌicën.

Juan 7:52

Cacëxun ca sacerdotenën cushicamabëtan fariseo unicaman Nicodemo cacëxa: —¿Mixribi caramina Galilea menu ꞌicë uni ꞌain? Nucën Papa Diosan bana cuënëo upí oquin isquin camina isti ꞌain, uisa ꞌaíshbi ca an Nucën Papa Dios quicë bana unicama ñuixuncë uni Galilea menu ꞌicë uni ꞌicëma ꞌicën.

Hechos 10:37

Mitsun camina upí oquin ꞌunanin, Juanën pain ca Jesucristo ñuiquin Nucën Papa Diosan bana ñuixunquin uni nashimiacëxa. Usoquian Juanën ꞌa ñucama a ꞌunánan camina Galilea menuax cara uisai ꞌiacëxa quixun ꞌunanin.

Hechos 23:10

Usaría ꞌaisamairai cuëbicanáncëbë ca comandante, unicaman Pablo ꞌati sinani racuë́acëxa. Usai ꞌiquin ca comandantenën —unicama nëbë́tsinuabi bibianquin camina Pablo anunu ꞌicë xubunu buánti ꞌai —quixun aín suntárucama cacëxa. Cacëxun ca suntárucaman anua atux ꞌicënu buánxun atsínmiacëxa.

Hechos 5:33

Quia cuati nishquin ca judíos unibunën ꞌapucaman atu ꞌati sináncë́xa.

Hechos 7:54

Usaquían cacëxun cuati ca ꞌapucama xuamati Estebanmi nishacëxa.

Hechos 7:57

Ësai quiabi cuaisama tani pamumëti, munuma cuëncëni, ami qui abáquianxun ca bicancëxa.