Lucas 23:34 - Kashibo-Kakataibo Biblia

³⁴ Suntárunëan usoquin ꞌacëxun ca Jesusan Nucën Papa Dios cacëxa: —Papan, ënë unicaman ca añu cara ꞌaia quixun ꞌunanima. Usa ꞌicë camina atun ꞌucha tërë́nquin manumiti ꞌain. Usa ꞌain ca anu uni matáscë i curúsocëcama nitsíntancëxun, suntárunën uin cara isa Jesusan chupa bëtsi bëtsi biti ꞌicë iscatsi quixun ñuratsu pain niquin tancëxa.

Nukën 'Ibu Diosan ain unikama 'inan ain bana

³⁴ Suntárunëan usoquin 'acëxun ca Jesusan Nucën Papa Dios cacëxa: —Papan, ënë unicaman ca añu cara 'aia quixun 'unanima. Usa 'icë camina atun 'ucha tërë́nquin manumiti 'ain. Usa 'ain ca anu uni matáscë i curúsocëcama nitsíntancëxun, suntárunën uin cara isa Jesusan chupa bëtsi bëtsi biti 'icë iscatsi quixun ñuratsu pain niquin tancëxa.

Lucas 23:34 Iomraidhean Croise

Génesis 50:17

ësokin mi kanun: Min xukë́nkama kamina an mi ꞌatima oi ꞌucha ꞌikëbi uisabi otima ꞌain. Usa ꞌain kamina nun mi ꞌatimo a sinánkin nuribi ꞌatima otima ꞌain, nukamax kananuna nun papa Dios aín unikama ꞌain. Ësakian a kamikë unikaman kakëxun kuati ka José iankëxa.

Salmos 22:18

usa ꞌixun ka atun ꞌën chupa, uin karaisa bitsia iskatsikixun ñuratsu nikin anun pain tanxun bikanxa.

Isaías 53:12

Usa ꞌikë ka Diosan ñunuxa abi ꞌinamëa ꞌikë, anua uni chabu ꞌikë anu ꞌimia ꞌixun, anua uni kushiirabu kanantankëx ꞌikë anua atubë ꞌinun ꞌimiti ꞌikën, a ka unin axribi ka uni ꞌatima ꞌikë kixun unin sinánkëxa, usa ꞌixun ka kamabi unin ꞌucha ainansa ꞌikë papianan kamabi uni atun ꞌucha kupín ñukáxuankëxa.

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Mateo 11:26

—Ñu ꞌunánma ca —quixuan unin sináncë unicaman min ꞌimicëxun ꞌën bana cuati camina cuëëan.

Mateo 5:44

Usai quiá ꞌaínbi cana ꞌën mitsu cain, axa mimi nishcë unicama nuibaquin ꞌaquianan camina axa mimi ꞌatimati banacë unicama ꞌimainun an mi bëtsi bëtsi ocë unicama Nucën Papa Dios ñucáxunti ꞌain.

Marcos 15:24

Usaía ꞌia anu matástancëxun ca suntárunën anuaxa Jesús bamanun i curúsocë nitsíancëxa. Nitsíntancëx ca uin cara isa aín chupa bëtsi bëtsi biti ꞌicë iscatsi quixun ñuratsu pain niquin tantancëx suntárucama Jesusan chupa mëtíquiacëxa.

Lucas 22:42

Banaquin ca cacëxa: —Papan, mix cuëëncëbëtanma cana ꞌën bërí tëmëratima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

Juan 17:9

Atu sinani cana mibë banain. An min bana cuacëma unicama cana mi ñucáxuniman. Minmi minan ꞌinun ꞌëmi sinánmicë unicama ënëishi cana mi ñucáxunin.

Juan 19:11

Cacëxun ca Jesusan cacëxa: —Naínu ꞌicë Nucën Papa Dios cuëëncëbëtanma camina min ꞌë uisabi otsíama. Usa ꞌain ca an mi ꞌë ꞌináncë unicama ax mix ꞌicësamairai ꞌuchaxa.

Hechos 16:28

Bitsiabi ca Pablonën munuma banaquin cacëxa: —Taroracaxma ca ꞌit. Camáxbi cananuna ënu ꞌain.

Hechos 3:17

Ësoquin catancëxun ca Pedronën amiribishi cacëxa: —ꞌËn xucë́antu, cana mitsu cain, ꞌën cana ꞌunanin, asérabi ca ax Nucën Papa Diosan Bëchicë ꞌicë quixun ꞌunánxunmaishi camina mitsun ꞌapucamabëtanbi, mitsun Jesús uni ꞌamian,

Hechos 7:60

Catancëx rantin purúnxun ca munuma banaquin Nucën ꞌIbu Jesús catëcëancëxa: —Atúxa ësari ꞌuchaiabi camina ꞌënun rabanan uisabi otima ꞌain. Ësai quíshi ca bamacëxa.

Romanos 12:14

Axa mitsumi nishcë uni a camina ami nishquinma axribi upí ꞌinúan ꞌaquinun Nucën Papa Dios ñucáxunti ꞌain. Ami nishquin a ꞌatimonun quixun caquinma camina axa upí ꞌinúan ꞌaquinun Nucën Papa Dios a uni ñucáxunti ꞌain.

1 Corintios 2:8

Ënë menu ꞌicë ꞌapucaman ca a bana ꞌunánma ꞌicën. A bana ꞌunánxun ca Nucën ꞌIbu Jesús, Diossaribi cushi, a i curúsocënu matásmiama ꞌitsíanxa.

1 Corintios 4:12

ꞌAtsánxunbi cananuna nun piti binuxun nun mëcënan ñu mëëin. Numia ꞌatimati banaiabi cananuna nun Nucën Papa Dios a unicama ñucáxunin. Nu bëtsi bëtsi ocëxunbi cananuna tanshitin.

1 Timoteo 1:13

Jesús ñui ꞌatimati bananan ꞌatimaquin sinánquin aín unicama tëmëramianan ꞌatimaquin ñuia ꞌicëbi ca ꞌë aín uni ꞌimiacëxa. ꞌËx Jesucristomi catamëcëma pan ꞌianan ax ca Nucën Papa Diosan Bëchicë ꞌicë quixun ꞌunáncëma ꞌixun usoquin ꞌa ꞌicë ca Nucën Papa Diosan nuibaquin ꞌën ꞌuchacama ꞌë tërë́nxuancëxa.

1 Pedro 3:9

An mitsu ꞌatimocë unicama camina cupiquin aribi ꞌatimotima ꞌain. Axa mitsumi ꞌatimati banacë unimi camina mitsúxribi ꞌatimati banatima ꞌain. Usai ꞌimi bëtsibë nuibanani upitax bucunun ca Nucën Papa Diosan ainan ꞌinun mitsu caísacëxa.