Lucas 23:2 - Kashibo-Kakataibo Biblia

² Buanx bëbax aín bëmánon ꞌixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun ꞌunánmia cananuna nunbi cuan. Nun nu a César buánmiti curíqui ꞌinánxunma ꞌanun nu canan ca ax isa Cristo ꞌaish ꞌapu ꞌicë quiaxa.

Nukën 'Ibu Diosan ain unikama 'inan ain bana

² Buanx bëbax aín bëmánon 'ixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun 'unánmia cananuna nunbi cuan. Nun nu a César buánmiti curíqui 'inánxunma 'anun nu canan ca ax isa Cristo 'aish 'apu 'icë quiaxa.

Lucas 23:2 Iomraidhean Croise

1 Reyes 18:17

Banakin ka Ahabnën Elías kakëxa: —¿Mix karamina an Israelkama ꞌaisama unin ꞌakësokin ñu ꞌamikin ꞌaisama okë a ꞌain?

Jeremías 20:10

Usa ꞌain kana munura banai unikama ësai kanania kuatin: “¡Kamabinuax ka ꞌitsaira rakuë́kania!” Usa ꞌain ka ësai kikania: “¡Uisax karanuna a unimi manánti ꞌai isti kamina rikuatsinti ꞌain!” ꞌËn ꞌunánkë unikamanbi ka ꞌën ñu ꞌatima ꞌati kuëënkania. Usai ꞌi ka ësai kikania: “¡Parántisa ꞌikë parántankëxun kananuna nun ira a ꞌatimokin kananti ꞌai kiax ka kikania!”

Jeremías 38:4

Usa ꞌain ka aín unikama raírinën ꞌapu kakëxa: —Ënë uni kananuna ꞌati ꞌain, aín bana kuakin ka suntáru axa ëmanu bërúkëkama ꞌimainun kamabi unikama atúnribi bëtsiokin sinania. Ënë unin bana kuati ka suntárukama axa ëmanu bërúkë ꞌimainun kamabi unikama rakuë́tia.

Amós 7:10

Amasías sacerdote Betelnu ꞌikë an ka Jeroboam Israel unikaman ꞌapu ësokin katánun uni xuakëxa: “Amós an ka Israel unikama mix ꞌapu ꞌain ꞌatimai mimi banakin atu ësëia. Usa ꞌain kananuna Israel unikama nun usaía bananun ëntima ꞌain.

Mateo 17:27

Usa ꞌain curíqui ꞌinántima ꞌaínbi camina an curíqui bicë unínma numi nishquin masá sinania quixun ësaquin ꞌati ꞌain. Camina parúmpapanu mishqui cuanti ꞌain. Mishquiquinmi a pain bicë tsatsa, aín ana ꞌucë mëu isquin camina anua curíqui mërati ꞌain. Mëraquin a curíqui bixun camina an curíqui bicë uni ꞌinánti ꞌain. A curíquinëx ca ꞌiti ꞌicën, minan ꞌinánanmi ꞌëribi ꞌinánxuncë.

Mateo 22:21

Cacëxun ca atun cacëxa: —Ax ca Césarnën bëmánan tanquian ꞌacë ꞌimainun Césarnën anë ꞌicën. Usaquin cacëxun ca Jesusan cacëxa: —Ami mitsun ꞌatia César cuëëncë a ñu camina ꞌati ꞌain, axa mitsun ꞌapu ꞌain. ꞌAnan camina ami mitsun ꞌatia Nucën Papa Dios cuëëncë a ñu ꞌati ꞌain, axa mitsun Papa Dios ꞌain.

Mateo 27:11

Usoxun ca judíos unima ꞌaíshbi anu ꞌicë unicaman cushi, Pilato cacë, anu Jesús buáncancëxa. Buania ca Pilatonën cacëxa: —¿Mix caramina judíos unicaman ꞌapu ꞌain? Cacëxun ca Jesusan cacëxa: —Asérabi cana ꞌëx a ꞌain, minmi cacë, usa.

Marcos 12:17

Usaquin cacëxun ca Jesusan cacëxa: —Ami mitsun ꞌatia César cuëëncë a ñu camina ꞌati ꞌain, axa mitsun ꞌapu ꞌain. ꞌAnan camina ami mitsun ꞌatia Nucën Papa Dios cuëëncë a ñu ꞌati ꞌain, axa mitsun Papa Dios ꞌain. Usaquian cacëxun cuati ca bëtsi unin banasama ca ënën bana ꞌicë quiax sináncasmai ratúcancëxa.

Marcos 15:2

Buáncë ca Pilátonën Jesús ñucácëxa: —¿Mix caramina judíos unicaman ꞌapu ꞌain? Cacëxun ca Jesusan cacëxa: —Asérabi cana ꞌëx a ꞌain, mixmi quicë, usa.

Lucas 23:14

Camicëxa ucë ca cacëxa: —Mitsun, ënë unin ca ꞌatimati banaquin unicama tsuáquirumia quixun cacëxun, cana mitsun ismainunbi a ñucán. Ñucáxun ꞌën iscëxbi ca an uisa ñubi mitsux ami manánquin ꞌë cacë, a ꞌacëma ꞌicën.

Lucas 23:5

Usaía Piláto quicëbëbi Jesúsmi xuamati nishi ca munuma quicancëxa: —An ca Galilea mecamanuxun unicama ꞌatimaquin ꞌunánmiquin tsuáquirumianan Judea mecamanuxunribi usoquin ꞌaia.

Juan 18:29

Usa ꞌain ca Pilato aín xubunuax chiquíxun atu cacëxa: —¿Añu ñu cupí caramina ënë unimi manáncanin?

Juan 18:30

Cacëxun ca atun cacëxa: —ꞌUchañuira ꞌicëma cananuna minu bëcë ꞌitsiama.

Juan 19:12

Usoquian Jesusan cacëxuan Pilátonën Jesús chiquínti sinaniabi ca judíos unicaman munuma cuëníshoquin cacëxa: —Min ënë uni chiquíanx camina Romanu ꞌicë ꞌapu Césarbë upí ꞌitima ꞌain. Uinu ꞌicë unix cara —ꞌëx cana ꞌapu ꞌai —quia, ax ca Césarbë nishanancësa ꞌiti ꞌicën.

Hechos 24:13

ꞌImainun ca ënë unicamaxa quicë bana ënëx ca asérabi ꞌicë quixuan an mi cati uni ꞌaíma ꞌicën.

Hechos 24:5

Ënë unix ca nun iscëx an camabi menua judíos unicama bëtsi bana ñuixunquin ubíoquin tsuáquirumicë ꞌianan nazareno cacë unicaman cushi a ꞌicën.

Romanos 13:7

Nucën Papa Dios cuëëncësabi oquin camina ꞌapu buánmiti curíqui buánmicë ꞌinun ꞌinánti ꞌain. Mitsun ëmanu ꞌicë uniribia ꞌapun anëcë ꞌain camina an cacësabi oquin ñu ꞌati ꞌain, mitsun ëmacamaxa upí ꞌinun. Mitsun cushibë cuëbicananquinma camina aín bana cuati ꞌain.