Lucas 22:42 - Kashibo-Kakataibo Biblia

⁴² Banaquin ca cacëxa: —Papan, mix cuëëncëbëtanma cana ꞌën bërí tëmëratima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

Nukën 'Ibu Diosan ain unikama 'inan ain bana

⁴² Banaquin ca cacëxa: —Papan, mix cuëëncëbëtanma cana 'ën bërí tëmëratima 'ain. Usa 'aínbi cana 'ëx cuëëncësa oi 'itima 'ain, mix cuëëncësa oíshi cana 'iti 'ain.

Lucas 22:42 Iomraidhean Croise

Salmos 40:8

ꞌËn ꞌIbu Dios ꞌëx kana mix kikësabiokin ꞌai ꞌitsaira kuëënin; ¡usa ꞌain kana min ꞌunánmikë banakama manukinma ꞌën nuitunënbi sinanin!

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Mateo 11:26

—Ñu ꞌunánma ca —quixuan unin sináncë unicaman min ꞌimicëxun ꞌën bana cuati camina cuëëan.

Mateo 20:22

Cacëxun ca Jesusan cacëxa: —Sinánquinmaishi camina usaquin ꞌë cain. Caxun ca Jesusan Juan ꞌimainun Jacobo cacëxa: —¿ꞌË ꞌacësaribi oquian unin mitsu bëtsi bëtsi ocëxun caramina tanshiti ꞌain? Cacëxun ca —usaribi oquin cananuna tanshiti ꞌai —quixun cacëxa.

Mateo 26:39

Cabiani ꞌurira cuani memi bëúmpucuti racábuquin ca aín Papa Dios cacëxa: —Papan, mix cuëëncëbëtan cana ꞌën bërí paë tantima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

Mateo 26:42

Usaquin cabiani cuantëcënxun ca Jesusan Nucën Papa Diosbë banatëcënquin ësaquin catëcëancëxa: —ꞌËn Papa Dios, mixmi ꞌën bërí paë tantima cuëëncëbëma cana mix cuëëncësabi oi ꞌiti ꞌain.

Mateo 26:44

ꞌUxcënan tënáncëxa ꞌuxcë isquin ëbiani cuantëcënxun ca Jesusan usaribiquin aín Papa Dios catëcëancëxa.

Mateo 6:10

Aín ꞌApu ꞌicëa camabi unin mi rabiti cana cuëënin. Usaquian mi ꞌanun camina ꞌimiti ꞌain. Min nëtënuxuan ángelcaman ꞌacësaribi oquian ënë nëtënuxun unicaman mix cuëëncësabi oquin ꞌati cana cuëënin.

Marcos 14:36

—Papan, min ꞌaisama ñu ca ꞌaíma ꞌicën. ꞌËn usoquin paë tanun ꞌë ꞌimixunma ca ꞌat. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oishi cana ꞌiti ꞌain.

Lucas 23:34

Suntárunëan usoquin ꞌacëxun ca Jesusan Nucën Papa Dios cacëxa: —Papan, ënë unicaman ca añu cara ꞌaia quixun ꞌunanima. Usa ꞌicë camina atun ꞌucha tërë́nquin manumiti ꞌain. Usa ꞌain ca anu uni matáscë i curúsocëcama nitsíntancëxun, suntárunën uin cara isa Jesusan chupa bëtsi bëtsi biti ꞌicë iscatsi quixun ñuratsu pain niquin tancëxa.

Juan 18:11

Usoiabi ca Jesusan Pedro cacëxa: —Min manë xëtocë a ca aín xacánu ꞌarutëcën. ꞌËx ënë unicaman bicëx ꞌaisamaira tëmërati ꞌën Papa cuëëncëbë cana usai ꞌiti ꞌain.

Juan 4:34

Canania isquin ca Jesusan cacëxa: —An ënë menu ꞌë xuá axa cuëëncësabi oquin ꞌanan an a ꞌanun ꞌë ca, a sënë́onuxun ꞌai cana ꞌëx picësa ꞌain. Usaquin ꞌën ꞌacëx ca ax ꞌën piti ñusa ꞌicën.

Juan 5:30

Ësaquinribi ca Jesusan cacëxa: —ꞌËn cana ꞌënbi sinánquin ñu ꞌaiman. ꞌËn Papan ꞌë cacësabi oquin cana ꞌën, cara castícancë ꞌiti ꞌicën, cara castícancë ꞌitima ꞌicë quixun uni cain. ꞌËx cuëëncësoquin ꞌaquinma cana an ꞌë xuá, axa cuëëncësabi oquin ñu ꞌain. Usa ꞌain ca ꞌën uni cacë banax asábi ꞌicën.

Hechos 21:14

Usai quia Jerusalénu cuancatsi quia cananuna Pablo sinanamicasmacën. Usa ꞌain cananuna quiacën: —Nucën ꞌIbu Dios cuëëncësabi oi ca ꞌiti ꞌicën.