Lucas 22:32 - Kashibo-Kakataibo Biblia

³² Usa ꞌaínbi cana ꞌëmi catamëti ënxunma ꞌanun Nucën Papa Dios mi ñucáxuan. ꞌËmi ꞌuchaxbi sinanati ꞌëmi cushiquin camina axa ꞌëmi catamëcë uni raíri ꞌëmia asérabi upiti catamënun ꞌaquinti ꞌain.

Nukën 'Ibu Diosan ain unikama 'inan ain bana

³² Usa 'aínbi cana 'ëmi catamëti ënxunma 'anun Nucën Papa Dios mi ñucáxuan. 'Ëmi 'uchaxbi sinanati 'ëmi cushiquin camina axa 'ëmi catamëcë uni raíri 'ëmia asérabi upiti catamënun 'aquinti 'ain.

Lucas 22:32 Iomraidhean Croise

Mateo 18:3

—Asérabi cana mitsu cain, mitsux cha ꞌiisa tanquin usaquin ꞌë ñucati camina sinanati ꞌain. Sinanacëma ꞌianan tuácamaxa cha ꞌiti sinanima an a bërúancë unimi catamëcë, usaribiti ꞌëmi catamëcëma ꞌaish camina mitsux Nucën Papa Diosnan ꞌitima ꞌain.

Mateo 26:75

Banacëbëtan ca Pedronën ësaquian Jesusan cooncë bana sináncëxa: ꞌAtapa banatisama ꞌain camina min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain. Usoquian Jesusan cooncë bana sinani ca Pedro ëman chiquiti masá nuituirai bëunan mëscuti iancëxa.

Marcos 14:72

Usaía quicëbëshi ca ꞌatapa amiribishi banatëcëancëxa. Banacëbëtan ca Pedronën Jesusan ësaquin cacë a sináncëxa: Rabë́ ꞌatapa banatisama pan ꞌain camina min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain. Usoquian Jesusan coóncë bana sinani ca Pedro masá nuituirai bëunan mëscúacëxa.

Marcos 16:7

Isbiani cuanxun camina Pedrocëñun aín ꞌunánmicë unicamaribi ësaquin cati ꞌain: Ax pain ca Galilea menu cuania. Mitsúnribi camina cuantancëxun anua a isti ꞌain, an mitsu cacësabi oquin. Usaquin camina aín ꞌunánmicë unicama cati ꞌain.

Lucas 8:13

Maparañu me bëxbánua ñu bëru nipacëcë usaribi ca raíri uni ꞌicën. A unicaman ca Nucën Papa Diosan bana cuati cuëënquin —a bana quicësabi oi cana ꞌiti ꞌai —quixun aín nuitunën sinania. Sinánquinbi ca maparañu menu nipacëcë ñu bëru tapun ꞌitsañuma usaribi ꞌixun, Nucën Papa Diosan bana ꞌacë cupí ami cuaianan ami nishquin unin ꞌatimocëxun, tënëquinma a bana manuquin ënia.

Juan 14:19

ꞌItsama nëtë ꞌicëbëtan ca an Nucën Papa Diosan bana cuacëma unin ꞌë istëcëntima ꞌicën. Usa ꞌaínbi camina mitsun ꞌë istëcënuxun ꞌain. ꞌËx pain Nucën Papa Diosbë ꞌicë cupí camina usaribiti mitsúxribi abë ꞌinuxun ꞌain.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Romanos 8:32

An ca —ꞌën Bëchicë ca bamatima ꞌicë —quiquinma nun ꞌuchacama cupía bamanun ënë nëtënu aín Bëchicë xuacëxa. Usa ꞌixun ca aín Bëchicë cupínu nux upitax tsónun nu ꞌimianan anun nu upitax tsóti ñucamaribi nu ꞌinánti ꞌicën.

Romanos 8:34

¿Uin cara nu ꞌuchoti ꞌic? Cristo bamacëbia Nucën Papa Diosan baísquimicë, an ca aín nëtënu abë ꞌApu ꞌaish aín mëqueu ꞌixun, nu Nucën Papa Dios ñucáxunia. Ñucáxuncë ꞌixun ca an asérabi nu ꞌuchotima ꞌicën.

2 Timoteo 2:18

A uni rabëtax ca Nucën Papa Diosan banamabi cëmë bana ñui, anun baísquiti nëtë isa inúacëxa. Usa ꞌaínsa uni bama ꞌaish baísquitima ꞌicë quixun caquin, uni raíri uisa cara ꞌiti ꞌicë quixun sináncasmamia.

Tito 1:1

ꞌËx cana Pablo, an Nucën Papa Dios cuëëncësabi oquin ꞌanan Jesucristonëan a ñuiquin aín bana ñuixunun caísa ꞌain. Usa ꞌaish cana ꞌëx, uisai cara a Nucën Papa Diosan ainan ꞌinun caísa unicama Jesucristomi catamëti upí ꞌiti ꞌicë quixun ꞌunánmicë uni ꞌain.

Hebreos 12:15

Nucën Papa Diosan ax cuëëncësabi oquin mitsu ꞌaquincëma ꞌitin rabanan camina an mitsu ꞌunánmicësabi oi ꞌinux bërúancati ꞌain. Usai ꞌiquin camina uni raíri ꞌaisama nuituñu ꞌinun ꞌatimaquin sinánmitima ꞌain.

Hebreos 7:25

Ui unicaman cara a cupí abë upí ꞌiisa tanquin Nucën Papa Dios ñucatia, a ca Jesusan xënibua ꞌaínbi Nucën Papa Diosnan ꞌinun ië́mia. A unicama Nucën Papa Dios ñucáxunux ca bamatimoi tsotia.

1 Pedro 1:1

ꞌËx cana Pedro, aín bana unicama ñuixunuan Jesucristonën caísa ꞌain. Mitsun nëtënuax bëtsi bëtsi menu tsóti cuan ꞌaíshmi Ponto, Galacia, Capadocia, Asia, Bitinia, a nëtëcamanu ꞌicë cana ënë quirica mitsu buánmin.

1 Pedro 1:13

Usa ꞌain camina Jesucristonan ꞌixun upí oquin sinani ax quicësabi oi ꞌiti ꞌain. ꞌIquin camina Nucën Papa Diosan ca abëmi aín nëtënu ꞌiti mëníocëxa quixun sinani cuëënquin Jesucristo anun uti nëtë caínti ꞌain.

1 Pedro 1:5

A nëtënu ꞌiisama pain ꞌaíshmi ënë nëtënuaxbi ami catamëtia isquin ca Nucën Papa Diosan aín cushínmi ñu ꞌatima ꞌaíma upíshi ꞌinun mitsu bërúanquin ꞌaquinia, an mëníosabi oími Jesucristoa utëcëncëbë aín nëtënu abë tsónun.

2 Pedro 3:14

ꞌËn nuibacë xucë́antu, usaía ꞌiti caíncë ꞌaish camina Nucën Papa Diosan ꞌuchañumarua isanan uisa ñu ꞌatimabi ꞌacëma isti cupí ñu ꞌatima ꞌaíma unicamabë nuibananishi upitax bucuti ꞌain.

1 Juan 2:19

An Cristo ꞌatimaquin ñuicë unicama nubë ꞌixunbi ca nu ëanxa, asérabi nun ꞌacësaribi oquin Jesucristo sináncëma ꞌixun. Nux ꞌicësaribiti asérabi Jesucristomi sináncë ꞌaish ca nubë bërúcë ꞌitsíanxa. Usa ꞌain ca atúan nu ëncë cupí camaxunbi ꞌunánti ꞌicën, nubëa ax timë́cë unicamax ca camáxira asérabi nux ꞌicësaribiti Jesucristomi sináncëma ꞌiaxa quixun.