Lucas 22:3 - Kashibo-Kakataibo Biblia

³ Usacëbë ca Jesusan ꞌunánmicë unicama mëcën rabë́ ꞌimainun rabë́, acama achúshi, Judas Iscariote, anu ñunshin ꞌatimanën ꞌapu Satanás atsíancëxa.

Nukën 'Ibu Diosan ain unikama 'inan ain bana

³ Usacëbë ca Jesusan 'unánmicë unicama mëcën rabë́ 'imainun rabë́, acama achúshi, Judas Iscariote, anu ñunshin 'atimanën 'apu Satanás atsíancëxa.

Lucas 22:3 Iomraidhean Croise

Mateo 10:4

ꞌImainunribi ca Simón axa judíos unibun rabanan nëëti banacë, a ꞌimainun Judas Iscariote, an Jesús uni ꞌinan, a ꞌiacëxa.

Mateo 26:23

Quia ca Jesusan cacëxa: —An ꞌëbëtan manë xampami pán chabóxun picë, an ca ꞌë uni ꞌinánti ꞌicën.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Lucas 22:21

ꞌËn mitsu camainun ca cuat. Uni itsin ꞌatimonuxun binuan an ꞌë ꞌinánti uni, an ca nubëtan ënuxun piia.

Lucas 6:16

a ꞌimainun Judas, Jacobonën bëchicë, a ꞌimainun Judas Iscariote, an Jesús uni binun ꞌinan, acama ꞌiacëxa.

Juan 12:6

Asérabi ñuñuma unicama nuibati sinani ca usai Judas quiáma ꞌicën. Ax an curíqui mëcamacë uni ꞌixun, anua Jesusan aín ꞌunánmicë unicamabëtan curíqui ꞌarucë burasa bërúanquin, anua curíqui mëcamacë ꞌaish ca usai quiacëxa.

Juan 13:18

Mitsux camina cuëënti ꞌai quibi cana camabi mitsu ñui quiman. Ama. ꞌËn caíscë unicama, mitsux caramina uisa uni ꞌai quixun cana ꞌunanin. ꞌËn ꞌunáncësabi oi ca Nucën Papa Diosan bana cuënëo, ësai quicësabi oi, ꞌiti ꞌicën: “An ꞌëbëtan pán picë uni ax ca ꞌëmi ꞌiaxa”.

Juan 13:2

ꞌUramacëbëtan ca ñunshin ꞌatimanën ꞌapun Judas Iscariote, Simonan bëchicë, a Jesús uni ꞌinánti sinánmiacëxa. Usoquian sinánmicë ꞌain ca a ñantan Jesusan aín ꞌunánmicë unicamabëtan piacëxa.

Hechos 5:3

ꞌInania ca Pedronën cacëxa: —Ananías, ¿uisacasquin cara ñumshin ꞌatimanën ꞌapu, Satanás, an ꞌibuaquin, Nucën Papa Diosan Bëru Ñunshin Upí paráncësa ꞌixunmi me cupími bicë curíqui mësú binun mi sinánmiax?