Lucas 20:23 - Kashibo-Kakataibo Biblia

²³ Cacëxun ca Jesusan, —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin ca Jesusan atu cacëxa: —¿Uisa cupí caramina usoquin ꞌë cain?

Nukën 'Ibu Diosan ain unikama 'inan ain bana

²³ Cacëxun ca Jesusan, —uisai caraisna qui quixun 'ëmi manánuxun cuacatsi quixun ca 'ë ñucatia —quixun 'unánquin ca Jesusan atu cacëxa: —¿Uisa cupí caramina usoquin 'ë cain?

Lucas 20:23 Iomraidhean Croise

Salmos 95:9

uínsaran kara min chaitiokëkama ꞌën ñu ꞌaia iskinbi, ꞌë tankatsi kixun ꞌakankëxa.

Mateo 16:1

Fariseo unicama ꞌimainun saduceo unicaman ca anu cuanxun Nucën Papa Diosan cushin caraisa ñu ꞌaia iscatsi quixun, Jesús aín sinanënbi isa unían iscëma ñu naínua ꞌanun quixun cacëxa.

Mateo 22:18

Cacëxun ca Jesusan, —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin cacëxa: —ꞌËmi manánuxun ꞌëx caraisna uisai qui cuacatsi quixun camina ꞌë usoquin cain.

Lucas 20:20

Bitsíma ꞌixunbi ca Jesús bicatsi quiax ꞌësë́nantancëxun ami manánquin usai ca quiaxa quixun ꞌapu canuxuan, cëmëquin paránquin Jesús ñucátanun quixun uni raíri xuacëxa.

Lucas 20:22

Usa ꞌixun camina nu cati ꞌain, ¿Nucën Papa Diosax asérabi nun cushi ꞌain cara Romanu ꞌicë ꞌapu, César, a curíqui buánmiti asábi ꞌic? ¿Cara asábima ꞌic?

Lucas 20:24

Uisa cara isnun ca ꞌapu buánmiti manë curíqui achúshi ꞌë bëxun. Cacëxuan bëia isquin ca Jesusan atu cacëxa: —¿Uin bëmánan tanquin ꞌacë cara ënëx ꞌic? ¿Uin anë cara cuënëocë ënëx ꞌic? Cacëxun ca atun cacëxa: —Ax ca Romanu ꞌicë ꞌapu, Césarnën bëmánan tanquin ꞌacë ꞌimainun Césarnën anë ꞌicën.

Lucas 5:22

Usaquian sinania ꞌunánquin ca Jesusan cacëxa: —¿Uisacasquin caramina mitsun usaquin sinanin?

Lucas 6:8

Usaquian sináncania ꞌunánquin ca Jesusan aín mëcën bamacë uni cacëxa: —Nëri ai ca nëbë́tsi ënu niracët. Cacëx nirucuatsini ca anu niracëacëxa.

Hechos 13:10

Ñachaquin ca cacëxa: —Cëmë camina mix ꞌain. ꞌIanan camina ꞌatima uni ꞌaish ñunshin ꞌatimanën sinánmicë ꞌain. Usa ꞌixun camina min ñu upí cuëëniman. Nucën ꞌIbu Diosan banaxa cuaisa ꞌaish upí ꞌaínbi ¿caramina min uisa cupí a cuaxunma ꞌanun quixun uni paranin?

1 Corintios 10:9

Atúnbi —Nucën Papa Diosan sapi ca nu ꞌatimotima ꞌicë —quixun sinánquin ñu ꞌaisama ꞌatancëxbi ca runun picëx a unicama bamacëxa. A unicamaxa Nucën Papa Diosmi ꞌuchasaribi oi cananuna usaquinribi sinani Nucën ꞌIbu Jesúsmi ꞌuchatima ꞌain.

1 Corintios 3:19

Abia unin sináncë bana ax ca Nucën Papa Diosan iscëx ñancáishi ꞌicën. Nucën Papa Diosan bana aín unin cuënëo, ax ca ësai quia: “Ui unin cara bëtsi uni parania, a uni ca Nucën Papa Diosan ꞌamicëxun bëtsi unínribi usaribi oquin cupiti ꞌicën”.

Efesios 4:14

Usai ꞌi cananuna bërámanu ꞌiásaribiti bërí ꞌitima ꞌain. Bërí cananuna tuáxunratsunën unín paráncëxun sinánbëquincësa ꞌaish unín bëtsi bëtsi bana ñuixunquin paráncëxun amanua amanua sinani usaribi ꞌitima ꞌain. An uni paráncë unicaman cëmëquin nu paránquin ñu ꞌatima ꞌanun quixun ꞌimicëx usai ꞌiá ꞌaíshbi cananuna bërí usai ꞌitëcëntima ꞌain.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.