Lucas 20:13 - Kashibo-Kakataibo Biblia

¹³ Usoquian ꞌacëbëtan ca naë ꞌibun sinánxa: ¿Añu carana oti ꞌain? Cana ꞌëx amiira sináncë bacë bëchicë xuti ꞌain. A sapi ca cuania ꞌatimoquinma upí oquin biquin aín bana cuati ꞌicën.

Nukën 'Ibu Diosan ain unikama 'inan ain bana

¹³ Usoquian 'acëbëtan ca naë 'ibun sinánxa: ¿Añu carana oti 'ain? Cana 'ëx amiira sináncë bacë bëchicë xuti 'ain. A sapi ca cuania 'atimoquinma upí oquin biquin aín bana cuati 'icën.

Lucas 20:13 Iomraidhean Croise

Isaías 5:4

¿Añu ñuribi karana ꞌën ꞌapákë uvaskama ꞌati ꞌain? ¿Anu kara usakin ꞌaisa ꞌikëbi ꞌën ꞌakëma ꞌik? ꞌËn kana ꞌapákë uvaskama bataira ꞌitánun bimiti kainkë ꞌian, ¿Uisa kupín kara uvas kaman kacha ꞌitánun tuax?

Jeremías 36:3

A banakama kuakin sapi ka Judánu ꞌikë unikaman ꞌën atunu ñu ꞌaisama ꞌimiti sinánkë a ꞌunánkin, atuan ñu ꞌatima ꞌati sinánkë a ënti ꞌikën, usakin a banakama kuakin ënia kana atun ñu ꞌatima ꞌai ꞌuchakëkama a mëníoxunti ꞌain.” Kiax ka kiakëxa.

Jeremías 36:7

Usakin mi ꞌaia kuati sinanakin sapika atun ñu ꞌatima ꞌakëkama Nukën ꞌIbu chikinaxunkin ënti ꞌikën. Usa ꞌain ka Nukën ꞌIbu ꞌitsaira nishaxa, usa ꞌain ka usakin unikama ꞌakatsia kikë ax ꞌaisama ñuira atunu ꞌiti ꞌikën.”

Oseas 11:8

“¿Uisa ꞌixun karana ꞌën Efraín ënti ꞌain? ¿Uisa ꞌaish karana ꞌëx Israel unikamami manuti ꞌain? ¿Admá kakë ëma ꞌásaribiokin karana mi masókin ꞌati ꞌain, ꞌanan karana mi Seboím ꞌasaribiokin ꞌati ꞌain? ¡ꞌËn mitsumi ꞌitsaira sinánkë an ka ꞌitsaira mitsu nuibanun ꞌë ꞌimia!

Oseas 6:4

Ësai ka Dios kia: “¿Añu karana ꞌën Israelkama mitsubëtan ꞌati ꞌain? ¿Judá añu karana ꞌën mibëtan ꞌati ꞌain? Mitsúnmi ꞌë nuibakë ax ka pëkarakuatsinkëbë kuénkuru ꞌibúkë usa ꞌianan, nibí ñantámashi ꞌibúkin me chabotankëx pëkarakëbë nëtë́kë usashi ꞌikën.

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Lucas 18:2

Jesusan ësaquin aín ꞌunánmicë unicama cacëxa: —Ënëx ca ësa ꞌicën. Achúshi ëmanu ꞌicë uni an ca amia uni itsi manáncëxunbi ꞌaquinsama tanan Nucën Papa Diosmi sináncëma ꞌianan unicamaribi sinánquin ꞌaquincëma ꞌiaxa.

Lucas 18:4

Usaquian cacëxunbi ca ꞌitsa nëtën cuashiquin ꞌaquincëma ꞌicën. ꞌItsa nëtën cuashitancëxun ca ësaquin sinánxa, —ꞌëx cana Nucën Papa Diosmi sináncëma ꞌianan unicamaribi sináncëma ꞌain.

Lucas 20:12

Usocëbëtan ca bëtsiribi amiribishi xutëcëanxa. Xucëbi ca aribishi ꞌatimoxun, ënuaxma ca cuantan, quixun caxun xuaxa.

Lucas 20:14

Usoquin sinánquin aira xucë́xa bëbaia isi ca an naë bërúancë unicamax canani quiaxa: Aín papáxa bamacëbë ca aín bëchicë ënëx naë ꞌibu ꞌiti ꞌicën. Usa ꞌain cananuna nux naë ꞌibu ꞌinuxun ënë ꞌati ꞌain.

Lucas 9:35

Racuë́quin ca cuín mëucüaxa ësai banaia cuacëxa: —Ënëx ca ꞌën nuibacë bacë bëchicë ꞌicën. Aín bana ca cuacan.

Juan 1:34

Usaquin isun cana —ax ca Nucën Papa Diosan Bëchicë ꞌicë —quixun camabi uni cain. Usaquin ca Juanën cacëxa.

Romanos 8:3

Uisa ñux cara ꞌati ꞌicë, uisa ñux cara ꞌatima ꞌicë quicë bana a ꞌunánquinbi ca aín sinan upíma ꞌixun unin a bana quicësabi oquin ꞌatima ꞌicën. Usa ꞌaínbi ca unían a bana quicësabi oquin ꞌanun quixun Nucën Papa Diosan aín Bëchicë, nusaribi uni ꞌinun, xuacëxa. Xutancëxun ca aín Bëchicë, ꞌuchañuma ꞌaíshbia camabi unin ꞌucha cupí bamanun ꞌimiquin uni, aín ꞌuchacama tërë́anan ꞌuchatëcëanxma ꞌinun mëníocëxa.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.