Lucas 2:9 - Kashibo-Kakataibo Biblia

⁹ Anu ꞌixun ca Nucën ꞌIbu Diosan xucëx ángel achúshi atumi chiquiracëtia isacëxa. Iscëbëtan ca Nucën ꞌIbu Diosan pëcacën atu pëcacëxa. Usocëbë ca ratuti racuë́acëxa.

Nukën 'Ibu Diosan ain unikama 'inan ain bana

⁹ Anu 'ixun ca Nucën 'Ibu Diosan xucëx ángel achúshi atumi chiquiracëtia isacëxa. Iscëbëtan ca Nucën 'Ibu Diosan pëcacën atu pëcacëxa. Usocëbë ca ratuti racuë́acëxa.

Lucas 2:9 Iomraidhean Croise

1 Reyes 8:11

usakian kuinan mapukë ꞌain ka sacerdotekaman anuxun Dios rabitisatankinbi ꞌama ꞌikën, Diosan kushian anuxun a rabiti xubu nuturukë ꞌain.

Éxodo 16:10

Kixuan Aarónën atu kakëxun kuakian Israel unikaman bukuxun anu uni ꞌikëma me au bësukin iskankëxbi ka bënëtishi nëtë kuinsa mëuxuan, Nukën ꞌIbun ain kushin barin ꞌakësamaira okin pë́kakëx ichutia iskankëxa.

Éxodo 16:7

ꞌanan kamina imë́ishi pëkarakëbëtan ka Nukën ꞌIbun ain kushin usakin ñu ꞌaia kixun mitsun isti ꞌain; an ka mitsun ꞌatimai ami banakankëxun kuaxa. ¿Uisa kupín karamina mitsun nux karanuna ui ꞌai kixun ꞌunánima banain?

Isaías 35:2

ꞌianan ka ro ua ax ꞌapákësa ꞌinun uábuti ꞌikën, usaía ꞌikëbë ka unikama ꞌitsaira kuëënti ꞌikën. Diosan ka a menu ni upíira ꞌimiti ꞌikë, Líbano menu ꞌikësa ꞌinun, ꞌimianan ka Carmelo kakë me upíira a ꞌimainun me sapan Sarón kakë usaribi ꞌimiti ꞌikën. Kamabi unikaman Nukën ꞌIbu ax ka kushiira ꞌianan, ꞌapuira ꞌikë kixun ꞌunánti ꞌikën.

Isaías 40:5

Usa ꞌain ka Nukën ꞌIbun aín, kushia isnun ismiti ꞌikën. Ismikëxun ka kamabi unin timë́xun isti ꞌikën, usai ka Nukën ꞌIbu ax kiaxa.”

Isaías 60:1

Ësai ka Isaías kiakëxa: Jerusalén ꞌimainun Judánu tsókë unikama mitsun kamina kuati ꞌain, Nukën ꞌIbu kamabi kushiñuira ax ka achúshi ñu pëkikësa mitsubë ꞌikën, usa ꞌain kamina mitsux ichu ichukikë anun rabumëkësa ꞌikanin.

Ezequiel 3:23

Usokin kakëx kana nirukiani anua me sapan ꞌikë anu kuan, anuxun kana Diosan kushi Quebar kakë baka kuëbí anuxun iskësokin istëkëan. Usa ꞌain kana anuax tëtúbuti tsóbuti ꞌën bëmánan memi tikai ꞌian,

Mateo 1:20

Usoquin sinántancëx ꞌuxun ca Josénën namáquin Nucën ꞌIbu Diosan xucë aín ángel achúshi isacëxa. Iscëxun ca cacëxa: —José, Davitan rëbúnqui, cana mi cain. Maríanën tuá ax ca Nucën Papa Diosan Bëru Ñunshin Upitan ꞌimicëxëshia ꞌicë ꞌicën. Usa ꞌain camina timaquinma min xanu ꞌinun María biti ꞌain.

Lucas 1:28

Usa ꞌain ca xucëx cuanx anua ꞌicënu atsínquin María cacëxa: —Chuámashi ca ꞌit. Mi ca Nucën ꞌIbu Diosan upí oquin sinánxunia, xanu raíri ꞌacësamaira oquin. Ax ca mibë ꞌicën.

Lucas 2:8

Usa ꞌain ca Belén ꞌurama ꞌicë pastonu an ñuina bërúancë unicama ꞌiacëxa. ꞌIxun ca imë́ ꞌuxti tëaquin aín ñuina bërúancëxa.

Lucas 24:4

ꞌAímoi ratuti ca sináncasmacëxa. Usai ratúquian atun iscëxbi ca rabë́ uni, chupa chaba chabaquicë pañucë, a rapasu ꞌiacëxa.

Juan 12:41

Ësaquin ca Isaíasnën cuënëocëxa, an Nucën Papa Diosan ꞌimicëxun Jesusan usoquin ñu ꞌati isanan bana ñuixunti iscë cupí.

Hechos 12:7

Usa ꞌaínbi ca Nucën ꞌIbu Diosan xucë́xa aín ángel ucëbëshi aín cushían sipu pëcacë ꞌiacëxa. Usaía ꞌicëbëtan aín pichánpurunu ratícaquin bësúnquin ca ángelnën Pedro cacëxa: —Bënëtishi ca nirut. Quixuan cacëbëshi ca anun mëtëcërëcacë manë risi tubucuti nipacëacëxa.

Hechos 27:23

Ënë imë́ cana ainan ꞌixun ꞌën a rabicë, Nucën Papa Diosan xucë́xa ucë ángel isan.

Hechos 5:19

Usocëbi ca Nucën ꞌIbu Diosan xucëx, imë́ uxun, aín ángel achúshinën sipu xëócaxun chiquínquin cacëxa:

2 Corintios 3:18

Usa ꞌain cananuna bëmápucucësama ꞌixun, Jesús ca asérabi Cristo ꞌicë quixun ꞌunani ami catamëti ainan ꞌain. Barían pëcaquin espejo ichucësaribi oquin ca Jesucristonënbi asaribi ꞌinun aín upí nu ꞌinania. Usaquian nu ꞌacëx cananuna bërámanu ꞌá ñucama ëuncubiani Jesucristo cuëëncësabi oi bëtsi sinánñu ꞌaish, asaribi ꞌin. Aín Bëru Ñunshin Upitanbia ꞌimicëx cananuna usai ꞌin.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

Hebreos 12:21

Usaía ꞌaisamaira ñu ꞌia isi ca Moisésnëxribi quiacëxa: “ꞌËxribi cana racuëti bërëin”.

Apocalipsis 18:1

Usai ꞌicëbëtan cana bëtsi ángel naínuax aia isan. Ax cushiira ꞌixun ca aín pëcacën mecama pëcaxa.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.