Lucas 2:4 - Kashibo-Kakataibo Biblia

⁴ Usa ꞌain ca José Galilea menu ꞌicë ëma Nazaret cacë, anuax Belén cacë ëmanu cuancëxa. Belén ax ca Judea menu ꞌicë ëma, anuaxa David bacë́an, a ꞌiacëxa. José, ax David aín rëbúnqui ꞌaish, ca aín anë ꞌai Belénu cuancëxa.

Nukën 'Ibu Diosan ain unikama 'inan ain bana

⁴ Usa 'ain ca José Galilea menu 'icë ëma Nazaret cacë, anuax Belén cacë ëmanu cuancëxa. Belén ax ca Judea menu 'icë ëma, anuaxa David bacë́an, a 'iacëxa. José, ax David aín rëbúnqui 'aish, ca aín anë 'ai Belénu cuancëxa.

Lucas 2:4 Iomraidhean Croise

Génesis 35:19

Anuax kuaníbi ka Raquel ñuakëxa, ñukë ka anun Efratanu kuanti bai ꞌipítinu maíankëxa ax ka bërí Belén kakin anëkë ëma ꞌikën.

Génesis 48:7

ꞌËn kana ësokin mi kain, ꞌëx Padán-aram anu kuantëkënkëbë ka Canaán kakë me anuaxa ka min tita Raquel ñuakëxa, ax ka Efrata kakë me urama ꞌiakëxa, Efrata ëma anun kuanti bai ꞌipitiu kana maíankën, ax ka Belén kakë ëma bërí ꞌikën.

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Mateo 1:20

Usoquin sinántancëx ꞌuxun ca Josénën namáquin Nucën ꞌIbu Diosan xucë aín ángel achúshi isacëxa. Iscëxun ca cacëxa: —José, Davitan rëbúnqui, cana mi cain. Maríanën tuá ax ca Nucën Papa Diosan Bëru Ñunshin Upitan ꞌimicëxëshia ꞌicë ꞌicën. Usa ꞌain camina timaquinma min xanu ꞌinun María biti ꞌain.

Mateo 2:23

Galilea menu bëbatancëx ca Nazaret ëmanu tsoti cuancëxa, usai ꞌitioquian an Nucën Papa Dios quicë bana uni ñuixuncë unicaman ñuiasabi oi. A banax ca ësai quia, Jesús ca Nazaretnu ꞌicë uni ꞌicë quixun ca unin caia.

Lucas 2:3

Usa ꞌain ca camabi unix uinu ꞌicë ëmanuax cara bacë́ancëxa, anuxun aín anë quiricanu ꞌai riquiancëxa.

Lucas 2:5

Cuanquin ca an binuxun ꞌunántiocë xanu, María, tuñu ꞌicë, anribia aín anë ꞌanun buáncëxa.

Lucas 4:16

Anuaxa canicë Nazaret ëma, anu ca Jesús cuancëxa. Cuanx bëbatancëx ca anun ñu mëëtima nëtëa ꞌicëbë anua judíos unicama timë́cë xubunu cuancëxa, axa anun ñu mëëtima nëtën ꞌicësabi oi. Cuanx atsíanx ca unicaman cuanan Nucën Papa Diosan bana cuënëo ñui niruacëxa.

Juan 1:46

Felipenën cacëxun ca Natanaelnën cacëxa: —¿Nazaret ëmanu cara ñu ꞌunáncë uni ꞌiti ꞌic? Cacëxun ca Felipenën cacëxa: —Usa ca mi isnun ca ꞌëbë cuani ut.

Juan 7:42

Nucën Papa Diosan bana cuënëo ca quia, ax ca Davidnën rëbúnqui ꞌiti ꞌicën. Usa ꞌaish ca anuaxa David bacë́an, Belén, anu ꞌicë uni ax ꞌiti ꞌicën.

Rut 1:19

Usai ꞌikiani ka xanu rabë́ bain Belén kakë ëmanu bëbai kuankëxa. Kuania bëbakiania isi ka Belénnu ꞌikë unikama ratuti tsuákirui kikankëxa. Kikankëbë atúxribi tsuákirui ka xanukama kanankëxa: ¿Ënëx kara Noemí ama ꞌik?

Rut 2:4

Usai anu tëmainun ka naë ꞌibu Booz ax Belénnuax aín unikaman kara an ñu ꞌapákë bitsia kixun isi uakëxa ukin ka an ñu bimi bikë unikama uisa kaina ꞌain, kixun atu kakëxa: —¡Nukën ꞌIbun ka mitsu ꞌakinkin bërúanti ꞌikë kixun kakëxa! Kakëxun ka atúnribi kakëxa: —Miribi ka Nukën ꞌIbun upíokin sinánxukin ꞌakinti ꞌikë kixun kakankëxa.

Rut 4:11

Ësai kia ka anu ꞌikë ꞌapukama ꞌimainun anua timë́kë unikama atúnribi kakëxa: —Usa ka nunbi kananuna ꞌunanin. ¡Usa ꞌain ka min xanu ꞌiti Rut a Nukën ꞌIbun Raquel ꞌimainun Lía ꞌasaribiokin ꞌakinti ꞌikën, ꞌakinkëxun ka ꞌitsaira tuapakëxa usa ꞌain kananuna israel unibu ain rëbúnki nux ꞌain! ꞌImainun kananuna mixmi bëtsi uni kamasamaira ꞌianan upí sinánñu ꞌain Efrata kakë ꞌikëbi Belén kakë ëma ënu ꞌiti kuëënin.

Rut 4:17

Usakin aín baba ꞌikúkë Noimí isí ka a ꞌurama ꞌikë xanukamax kiakëxa: ¡Ax ka Noemínën tuá ꞌikën! Usa ꞌikë ka a rapasu ꞌikë xanukaman atúnbi Obed kakin anëxuankëxa a tuakëx ka kanitankëx Jesé aín papa ꞌiakëxa, ꞌimainun ka David aín xutókë ꞌiakëxa.

1 Samuel 16:1

Achúshi nëtën ka Nukën ꞌIbun Samuel kakëxa: —¿Uínsaran kaina Saúl sinani mix masá nuitukë a ënti ꞌain? ꞌËx kana abia Israel kaman ꞌapu ꞌiti kuëënima. Usa ꞌain kamina ñuina manchan anu ꞌaruti ꞌakë anu xëni ꞌarubiani kuanti ꞌain, Jesé Belénnu ꞌikë ain xubunu, ꞌën kana ꞌain bakë bëchikë achúshi axa ꞌapu ꞌinun kaísan.

1 Samuel 16:4

Kakëx ka Nukën ꞌIbun kakësabiokin ꞌai kuani Samuel kuankëxa. Kuani Belénnu bëbaia bikin ka ꞌapukaman ami chukúmashi rakuë́kinbi, ñukákankëxa: —¿Añu ꞌai kaina aín añu ñu kara ënu ꞌik?

1 Samuel 17:12

Jesé ax ka Belén kakë ëma anu tsókë uni ꞌiakëxa, usa ꞌain ka Saúl axa ꞌapu ꞌain a uni kaniakëti uni ꞌikësabi apan ꞌiakëxa. A unix ka ocho bakë bëchikëñu ꞌiakëxa, aín bakë bëchikë achúshinëx ka David ꞌiakëxa.

1 Samuel 17:58

anu kuankë ka Saúlnën ñukákëxa: —ꞌË kamina kati ꞌain ¿uin bëchikë kaina mix ꞌain? Kixuan ñukákëxun ka Davidnën kakëxa: —ꞌËx kana Jesé an mi ñu ꞌaxúnti Belénnua ꞌikë uni ain bëchikë ꞌain.

1 Samuel 20:6

usa ꞌain kamina min papan ꞌë ñukákëxun, ꞌën kana mi bënë́kiani ꞌën ëma Belénnu kuanuxun mi ñukan kixun kati ꞌain, anuxun ka ꞌën aintsikaman baritia ꞌikëtibi ꞌakësokin ñuina xaroia anu kana kuan kixun kamina kati ꞌain.