Lucas 2:37 - Kashibo-Kakataibo Biblia

³⁷ Mëcën achúshi ꞌimainun rabë́ baritia ꞌicëbë casunamëa ꞌaish ca ochenta y cuatro baritiañu ꞌiacëxa. Usa ꞌixun ca anuxun a rabiti xubunuax camabi nëtën abë banaquin Nucën Papa Dios rabiacëxa. A upí oquin sinánuxun ca bëtsi bëtsi nëtën piama ꞌicën. Nëtë́nbi imë́bi ca usaquin Nucën Papa Dios rabiacëxa.

Nukën 'Ibu Diosan ain unikama 'inan ain bana

³⁷ Mëcën achúshi 'imainun rabë́ baritia 'icëbë casunamëa 'aish ca ochenta y cuatro baritiañu 'iacëxa. Usa 'ixun ca anuxun a rabiti xubunuax camabi nëtën abë banaquin Nucën Papa Dios rabiacëxa. A upí oquin sinánuxun ca bëtsi bëtsi nëtën piama 'icën. Nëtë́nbi imë́bi ca usaquin Nucën Papa Dios rabiacëxa.

Lucas 2:37 Iomraidhean Croise

Salmos 22:2

ꞌËn ꞌIbu Dios nëtë ꞌimainun ꞌimë́bi kana ꞌëmi ꞌakinun kixun mi kain, ꞌaínbi kamina ꞌën kakëxunbi kuatima; ¡ꞌëx anun tantiti nëtë ka ꞌaíma ꞌikën!

Salmos 23:6

Min asérabi nuibanan ꞌë ꞌakinkëx kana nëtë itsi nëtë itsi inúmi mibë tsóti ꞌain ꞌën ꞌIbu Dios, mibë kana xënibua ꞌaínbi nëtë́timoi min nëtënu ꞌiti ꞌain.

Salmos 27:4

Achúshi ñushi kana Nukën ꞌIbu ñukan, usa ꞌain kana achúshi ñu ashi kuëënin: ax ka anuxun Nukën ꞌIbu rabiti xubunu ꞌëx kamabi nëtë anun tsókë a nëtëkama ꞌikën, a xubunuxun kana rabikin a ñukáti ꞌain. Ñukákin kana an unio ñukama upí iskin ashi rabiti ꞌain.

Salmos 84:10

¡Asábira ka achúshi nëtën min xubunu ꞌikë me mëníokëkama anu ꞌiti ax ꞌikën, ax ka mil nëtëkama ꞌiminu ꞌikësamaira ꞌikën! ꞌËn anuxun Dios rabiti xubu aín xëputi bërúankë ax ka asábi ꞌikën, ax ka uni ñu ꞌatima ꞌakë kamabë ꞌikësamaira ꞌikën.

Salmos 84:4

¡Uikamax kara anuxun mi rabiti xubunu ꞌia, atux ka mi rabi chuámarua tani kuëënti ꞌikën!

Lucas 5:33

Usai quia ca fariseo unicama ꞌimainun axa abë ꞌicë unicaman Jesús ñucáquin cacëxa: —Juanëan ꞌunánmicë unicaman ca bëtsi bëtsi nëtën Nucën Papa Diosbë banaquin pima samatia. Usaribiti ca fariseonëan ꞌunánmicë unicamaxribi ꞌia. ¿Usa ꞌaínbi cara uisacasquin min ꞌunánmicë unicaman pianan xëain?

Hechos 13:3

Usaquian cacëxun piquinma Nucën Papa Dios ñucáxuntancëxun atun mëcënan ramëquin ca axa Jesucristomi catamëcë unicaman Bernabécëñun Saulo, Nucën Papa Diosan bana uni ñuixunia bërúanx cuantánun caxun xuacëxa.

Hechos 14:23

Usoquin canan anua ꞌicë ëmacamanuax axa Jesucristomi catamëcë unicamabë timë́quin ca atun cushi ꞌinun, axa asérabi Jesucristomi catamëcë unicamaishi anëacëxa. Anëtancëx píma abë banaquin ca —axa mimi catamëcë ënë unicama camina upí oquin ñu ꞌanun sinánmianan bërúanti ꞌai —quixun Nucën Papa Dios atu ñucáxuancëxa.

Hechos 26:7

Nucën rara Israel, aín bëchicëcamax ca mëcën rabë́ ꞌimainun rabë́ ꞌiacëxa. Aín bëchicëcaman rëbúnquinën ca anúan Nucën Papa Diosan uni bamacama baísquimiti nëtë cainia. Anúan aturibi baísquimicë ꞌiti nëtë ca uti ꞌicë quixun sinánquin ca nëtë́nbi imë́bi ami sinánquin Nucën Papa Dios rabia. Usa ꞌain cana mi cain, usaribiti ꞌëx ꞌicë cupí ca ënë unicamax ꞌëmi manania.

1 Timoteo 5:5

An ñu ꞌaquinti ꞌaíma ꞌain ca xanu casunamëcënëx Nucën Papa Diosmishi catamëtia. Usa ꞌaish nëtë́nbi, imë́bi ëníma abë banaquin ca Nucën Papa Dios raíri uni ñucáxunia.

Apocalipsis 3:12

Axa ꞌëmi catamëquin ꞌëx cuëëncësabi oi ꞌiti ëncëma unicama, a cana anua Nucën Papa Dios ꞌicë anubia nëtë́timoi ꞌinun ꞌimiti ꞌain. Anuaxa chiquítimoquin ca Nucën Papa Diosan ꞌimiti ꞌicën. ꞌËn Papa Diosan anëbi cana a unicamanu cuënëoti ꞌain. Cuënëonan cana anu Nucën Papa Dios ꞌiti Jerusalén ió, axa naínuax ubúti, aín anëribi ꞌanan cana ꞌën anë ióribi atunu cuënëoti ꞌain.

Apocalipsis 7:15

Usa ꞌaish ca anua Nucën Papa Dios ꞌicë anubi ꞌicën. Anuxun ca nëtë́nbi, imë́bi rabiquin, ax cuëëncësabi oquin a ñu ꞌaxunia. Usoia ca Nucën Papa Dios ax ꞌApuira ꞌaish cushi ꞌixun, acama ënquinma bërúanti ꞌicën.

1 Samuel 2:2

¡Nukën ꞌIbu uixi ka upíira misaribi ꞌaíma ꞌikën! ¡Uínbi ka min ꞌakësa okin bërúankin nu ꞌakinima, Nukën ꞌIbu! Uixi ka misaribi ꞌaíma ꞌikën.