Lucas 2:27 - Kashibo-Kakataibo Biblia

²⁷ Usa ꞌain ca Simeón Nucën Papa Diosan Bëru Ñunshin Upitan sinánmicëx anuxun Nucën Papa Dios rabiti xubunu cuancëxa. Cuanx anu ꞌain ca Josébë María, Moisésnën cuënëo bana quicësabi oquin ꞌanuxun Jesús buanx atsíancëxa.

Nukën 'Ibu Diosan ain unikama 'inan ain bana

²⁷ Usa 'ain ca Simeón Nucën Papa Diosan Bëru Ñunshin Upitan sinánmicëx anuxun Nucën Papa Dios rabiti xubunu cuancëxa. Cuanx anu 'ain ca Josébë María, Moisésnën cuënëo bana quicësabi oquin 'anuxun Jesús buanx atsíancëxa.

Lucas 2:27 Iomraidhean Croise

Mateo 4:1

Nashimicë ꞌicë ca Nucën Papa Diosan Bëru Ñunshin Upitan Jesús anu uni ꞌicëma menu cuanti sinánmiacëxa, anuxun ca ñunshin ꞌatimanën ꞌapun ñu ꞌatima ꞌamicatsi quixun ꞌati ꞌicë quixun ꞌunánquinbi.

Lucas 2:22

Moisésnën cuënëo banaxa —bacë́ntancëxun ca camabi judío xanun usoquin aín tuá ꞌati ꞌicë —quicësabi oquin ca Maríanën anúan bacë́ncë ꞌuxë sënë́ncëbëtan aín rëcuën tuá Josébëtan Jerusalénu buáncëxa, ax ca ainan ꞌicë Nucën ꞌIbu Dios canuxun.

Lucas 2:28

Atsinia isquin a tuá ꞌicúquin biquin ca Simeonën Nucën Papa Dios rabiquin cacëxa:

Lucas 2:41

Usaía Jesús canimainun ca José ꞌimainun María camabi baritian, Pascua anun carnero ꞌati nëtën Jerusalénu ꞌinux cuancëxa. A nëtë ax ca aín raracama Egipto menuax ꞌatimocë ꞌaish bamaibi ië́a, a sinánquin Nucën Papa Dios rabiquin carnero ꞌati nëtë ꞌiacëxa.

Lucas 2:48

Usaía a unicamabë banai tsócë Jesús mërai ca Josébë María ratúacëxa. Ratúquin ca aín titan cacëxa: —¿Uisa ꞌaish caramina usai ꞌian? Min ꞌunan papabëtan cana mi mëracatsi bënë́quin barin.

Lucas 2:51

Usa ꞌain ca José ꞌimainun Maríabë Jesús Nazaretnu cuantëcëancëxa. Cuanx anuax caniquin ca aín ꞌunan papa ꞌimainun aín tita quicësabi oquin ñu ꞌacëxa. Usaía canimainun ca Maríanën Jerusalénuaxa Jesús ꞌicëcama a manuquinma sináncëxa.

Lucas 4:1

Juanëan Jordán bacanuxun nashimicëbë abë ꞌixun ca Nucën Papa Diosan Bëru Ñunshin Upitan Jesús anu uni ꞌicëma menu cuanti sinánmiacëxa.

Hechos 10:19

A baricamainuan namácësoquin iscë ñucama a sinan sinaniabi ca Pedro Nucën Papa Diosan Bëru Ñunshin Upitan cacëxa: —Rabë́ ꞌimainun achúshi unin ca mi baria.

Hechos 11:12

Acamaxa bëbamainun ca Nucën Papa Diosan Bëru Ñunshin Upitan, judíos unima ca quixun sinanima a unicamabë cuanun quixun ꞌë caxa. Usa ꞌain cana atubë cuan, ꞌimainun ca axribi Jesucristomi catamëcë ꞌaish mëcën achúshi ꞌimainun achúshi uni ënë́xribi ꞌëbë cuanxa. Cuanx cananuna an ꞌë camicë unin xubunu atsían.

Hechos 16:7

Cuanx anu bëbaquin Misia cacë me inubiani, Bitinia cacë menuribishi cuainsa taniabi ca Nucën ꞌIbu Jesusan Bëru Ñunshin Upitan anu cuanxma ꞌinun sinánmiacëxa.

Hechos 8:29

Isia mëraia ca Felipe Nucën Papa Diosan Bëru Ñumshin Upitan cacëxa: —A carronu ca cuantan.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

Apocalipsis 1:10

Anun Nucën ꞌIbu Dios rabiti nëtën ꞌëx ami sinánquin cana ꞌuxúnmabi namácësa oquin, ꞌë caxucüaxa manë banañu banocë́xa banacësari munuma banaia cuan.

Apocalipsis 17:3

Usaquin catancëxuan ángelnën, namáquin iscësa oquin isnun anu uni ꞌicëma menu ꞌë buáncëxun cana xanu achúshi ñuinacanꞌëo ushían a camánan tsócë ꞌisan. A ñuinacanꞌëo anu ca ꞌitsa anë cuënëocë ꞌiaxa, anë ꞌaisama, Nucën Papa Diosmi ꞌatimati banacë ca a anëcamax ꞌiaxa. Usa ꞌaish ca aín maxcácama mëcën achúshi ꞌimainun rabë́ ꞌaish aín matúxcacama mëcën rabë́ ꞌiaxa.