Lucas 2:14 - Kashibo-Kakataibo Biblia

¹⁴ —¡Naínu ꞌicë Nucën Papa Dios rabinun ca ꞌat! ¡Ënë nëtënuaxa Nucën Papa Diosbë upí ꞌicë unicamax ca chuámashirua ꞌican!

Nukën 'Ibu Diosan ain unikama 'inan ain bana

¹⁴ —¡Naínu 'icë Nucën Papa Dios rabinun ca 'at! ¡Ënë nëtënuaxa Nucën Papa Diosbë upí 'icë unicamax ca chuámashirua 'ican!

Lucas 2:14 Iomraidhean Croise

Isaías 44:23

¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!

Isaías 49:13

¡Naíkamë ꞌëo! ¡ꞌImainun ka bashikaman kuëëni kushin kantakin upí tania! ¡Usai ka Nukën ꞌIbun aín unikama tëmërai masá nuitutiabi an nuibakin kuëënun ꞌimikëbë ꞌiti ꞌikën!

Miqueas 5:5

An ka kamabi uníxa upiti tsónun ꞌimiti ꞌikën. Uínsaran kara asirio unikama nun menu bëbai nun ꞌapun xubukamanu atsinia, anun ka a ꞌapunbi mapai achúshi ꞌimainun rabë́ aín kushibu a këñun mapai ꞌimainun rabë́këñun achúshi ꞌapukama atu ꞌanun xuti ꞌikën.

Mateo 21:9

Usobiani ca sharáquiani unicama cuancëxa, raírinëxa rëcuë́nmainun ca raírinëxribi Jesús caxu cuanquin a rabi cuëëni sharati quicancëxa: —Davitan rëbúnqui Nucën ꞌIbu ax ca upíira ꞌicën. Nucën ꞌIbu Diosan xucëx ca ënëx bërí aia. A ca camabi unin rabiti ꞌicën. Nucën ꞌIbu Dios, naínu ꞌicë, aribinu cuëënquin rabinun ca ꞌacan.

Lucas 1:79

Xucëxun uquin ca axa aín ꞌucha cupí Nucën Papa Diosbë upíma ꞌianan —ꞌën bamati ca ꞌurama ꞌicë —quixun sinani racuëti masá nuituti bëánquibucënu ꞌicësa unicama atun ꞌuchacama tërë́nquin Nucën Papa Diosnan ꞌinun ꞌimianan nuxnu Nucën Papa Diosbë upí ꞌaish ax cuëëncësabi oi ꞌinun nu ꞌimiti ꞌicën. Usai ca Zacarías Nucën Papa Diosan Bëru Ñunshin Upitan sinánmicëx quiacëxa.

Lucas 19:38

Rabi ca quiacëxa: —Nucën ꞌIbu Diosan xucëxa ucë, ënë ꞌApux ca bërí aia. A ca camabi unin rabiti ꞌicën. Naínu ꞌicë Nucën Papa Diosaxribi ca cuëënia. Aribi ca camabi unin rabiti ꞌicën.

Lucas 2:13

Quicëbëshi ricuatsini timëti Nucën Papa Dios rabi ca ángelcamax quiacëxa:

Lucas 2:15

Usoquin atu catancë́xa ángelcamax naínu riquiancëbë ca an ñuina bërúancë unicamax canancëxa: —Taín isi Belénu cuanun ca cuan, nua Nucën ꞌIbu Diosan camicëxuan aín ángelnën nu cacë ënë isi.

Lucas 3:22

Usacëbë ca Nucën Papa Diosan Bëru Ñunshin Upí numacuru iscësa ꞌaish uax anu ꞌiruacëxa. Usaía ꞌicëbëtan ca Jesusan naínuaxa banaia cuacëxa, ësai qui: —Mix camina ꞌëx amiira sináncë bacë bëchicë ꞌain. Mimi sinani cana chuámarua tani cuëënin.

Juan 14:27

ꞌËx cuancëbëbi camina chuámashirua bucucanti ꞌain. ꞌËn ꞌimicëx camina ënë menu ꞌicë ñu sinani cuëëncësamaira oi ꞌënan ꞌaish cuëëni chuámarua ꞌiti ꞌain. Usa ꞌain ca masá nuituaxma ꞌianan racuë́axma ꞌican.

Juan 17:4

Mi ñuiquin unicama ñuixuanan cana minmi a ꞌanun quixun ënë menu ꞌë xuá ñucamaribi ꞌaquin sënë́on, minmi ꞌë cacësabi oquin.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Hechos 10:36

Nucën Papa Diosan ca Israel unicama aín bana ñuixunquian Jesucristo ax ca camabi unin ꞌibu ꞌixun an nu chuámarua ꞌimiti a ꞌicë quixun ñuixunun aín unicama xuaxa.

Romanos 5:1

Usai nux Nucën ꞌIbu Jesucristomi catamëcë ꞌicë, a cupí ca Nucën Papa Diosan nu upí isia. Usaquian iscëx cananuna abë upí ꞌain, Jesucristo cupí.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Efesios 1:9

Unin ꞌunánma ꞌicëbi ca nu ꞌunánmiaxa, uisa cupí cara ax cuëëansabi oquin Cristo ënë nëtënuaxa bamanun xuacëxa quixun.

Efesios 2:4

Usai ꞌiá ꞌicëbi ca Nucën Papa Diosan nu ꞌaisamaira nuibaquin,

Efesios 2:7

Jesucristonan ꞌaíshnu usai ꞌicë isquían camabi unin uisaira oquin cara an nu nuibatia quixun nëtë xënibucëbëtanbi isnun ca Nucën Papa Diosan usaínu ꞌinun mëníocëxa.

Filipenses 2:11

Usa ꞌain ca camaxunbi —Jesucristo ax ca asérabi camabi menu ꞌicë uni ꞌimainun ñucaman ꞌIbu ꞌicë —quixun cati ꞌicën, Nucën Papa Dios ax ca asérabi Dios ꞌicë quixun ꞌunánquin.

Filipenses 2:13

Nucën Papa Diosanbi ca ñu upí ꞌaími ax cuëëncësabi oi ꞌinun mitsu sinánmia. Sinánmianan ca a ꞌatimi sináncë ñu a ꞌanun mitsu aín cushi ꞌinania.

Colosenses 1:20

Aín nuitu ꞌaisama ꞌaísha uni abë upꞌi ꞌitima ꞌaínbi ca Nucën Papa Dios cuëëncësabi oquin Cristonën i curúsocënu bamaquin ënë menu ꞌicë ñucama ꞌimainun naínu ꞌicë ñucamaribi an iscë́xa upí ꞌinun mëníocëxa.

2 Tesalonicenses 2:16

Usa ꞌain cana Nucën ꞌIbu Jesucristo ꞌimainun Nucën Papa Dios an nuibaquin nux chuámashi tani cuëënun ꞌimianan xënibua ꞌaínbi abë ꞌinun nu ꞌimicë,

Apocalipsis 5:13

Usai banaia cuanan cana Nucën Papa Diosan unio ñucama, naínu ꞌicë ñucama, ꞌimainun menu ꞌicë ꞌimainun bacanu ꞌicë, anua bamacë unicama ꞌicë anu ꞌicë unicama, acamaxa munuma banai ësai quia cuan: Ax anu tsócë Nucën Papa Dios, a ꞌimainun Carnero ꞌicësaribitia unin ꞌucha cupí bama, aribi ca camaxunbi cuëënquin axribia cuëënun rabiti ꞌicën. Rabianan ca —asábi ca —quixun caquin rabiquin an cacë bana cuati ꞌicën. Ax cushiira ꞌaísha bëtsi ꞌapusama ꞌicë ca camaxunbi xënibua ꞌaínbi a rabiti ꞌicën. Cuëënquin ca axribia cuëënun rabiti ꞌicën.