Lucas 19:47 - Kashibo-Kakataibo Biblia

⁴⁷ Camabi nëtën ca Jesusan anuxun Nucën Papa Dios rabiti xubunuxun bana ñuixunquin unicama ꞌunánmiacëxa. Usaía ꞌia ca judíos sacerdotenën cushicama ꞌimainun an Moisésnën cuënëo bana ꞌunáncë unicama ꞌimainun aín cushi unicama a ꞌacatsi quiax ami ꞌësë́nancëxa.

Nukën 'Ibu Diosan ain unikama 'inan ain bana

⁴⁷ Camabi nëtën ca Jesusan anuxun Nucën Papa Dios rabiti xubunuxun bana ñuixunquin unicama 'unánmiacëxa. Usaía 'ia ca judíos sacerdotenën cushicama 'imainun an Moisésnën cuënëo bana 'unáncë unicama 'imainun aín cushi unicama a 'acatsi quiax ami 'ësë́nancëxa.

Lucas 19:47 Iomraidhean Croise

Mateo 21:23

Jerusalénuxun ca Jesusan anuxun Nucën Papa Dios rabiti xubunu atsínxun anu ꞌicë unicama ꞌunánmiacëxa. ꞌUnánmia ca judíos sacerdotenën cushicama ꞌimainun ampan caniacëcë unicaman anu cuanxun ñucáquin Jesús cacëxa: —¿Uin banan caramina min usa ñu ꞌain? ¿Uin cara ësoquinmi ñu ꞌanun mi cax?

Mateo 26:55

Usaquin catancëxun ca Jesusan axa anu ucë unicama cacëxa: —¿Manë xëtocë ꞌimainun imaxu tëacë tuíanx caramina mëcamacë uni ꞌacësoquin ꞌë binux ucan? Camabi nëtën ꞌën mitsu nëbë́tsi tsóxun, anuxun Nucën Papa Dios rabiti xubunuxun bana ñuiabi camina uisa ꞌixunbi ësoquin ꞌë bicancëma ꞌain.

Marcos 11:18

Usaía quicëbë camabi unían aín bana cuati rabanan racuëti ca judíos sacerdotenën cushicamabë an Moisésnën cuënëo bana ꞌunáncë unicamax Jesús ꞌacatsi quiax ꞌësë́nancëxa.

Marcos 12:12

An naë bërúancë unicama ñuicëbë ca judíos ꞌapucama atubi ñui isa quia quixun ꞌunani Jesúsmi nishacëxa. Nishquin ꞌatimonuxun biisa tanquinbi —ꞌitsa unin ca aín bana cuatia, usa ꞌain ca a unicamax numi nishti ꞌicë —quixun sinani atumi racuë́quin Jesús ëbiani riquiancëxa.

Marcos 14:1

Anun carnero ꞌati ꞌianan anun chamiti ñucëñunma ꞌacë pán piti nëtë ꞌitia rabë́ nëtë ꞌain ca judíos sacerdotenën cushicamabëtan an Moisésnën cuënëo bana ꞌunáncë unicaman, uisaxun caranuna ꞌanuxun Jesús, unicaman ꞌunánunmaishi, biti ꞌai quiax canancëxa.

Marcos 14:49

Camabi nëtën ꞌën mitsu nëbë́tsinuxun anuxun Nucën Papa Dios rabiti xubunuxun bana ñuiabi camina uisa ꞌixunbi ësoquin ꞌë bicancëma ꞌain. Usa ꞌaínbi camina Nucën Papa Diosan bana cuënëo quicësabi oquin ꞌë ësoquin ꞌacanin.

Lucas 19:48

Usai ꞌësë́nanquinbi ca ꞌapuma unicama aín bana cuati ami sináncë ꞌain uisoxun ꞌati cara quiax sináncasmacëxa.

Lucas 20:19

An naë bërúancë unicama ñuicëbë ca an Moisésnën cuënëo bana ꞌunáncë unicama ꞌimainun judíos sacerdotecamax atubi ñui isa quia quixun ꞌunani Jesúsmi nishacëxa. Nishquin ꞌatimonuxun biisa tanquinbi ca —ꞌitsa unin ca aín bana cuatia, usa ꞌain ca a unicamax numi nishti ꞌicë —quixun sinani atumi racuë́quin biama ꞌicën.

Juan 10:39

Usaquin cacëxuan biisa tancancëxbi ca anuax cuani nëtë́acëxa.

Juan 18:20

Ñucácëxun ca Jesusan cacëxa: —ꞌËn cana camabi unían cuamainun, anua judíos unicama timë́cë xubucamanuxun ñuixuanan anuxun Nucën Papa Dios rabiti xubu anua judíos unicama timë́cë, anuxunribi unë́quinma unicama bana ñuixuan.

Juan 7:19

Moisésnën ca uisai cara Nucën Papa Diosan uni ꞌiti ꞌicë quixuan unin ꞌunánun aín bana cuënëocëxa. ¿Usa cat? Usa ꞌaínbi camina achúshi unínbi a bana quicësa oquin ꞌaiman. ¿ꞌËx Nucën Papa Diosan bana quicësabi oi uá ꞌicëbëbi caramina uisa cupí ꞌë ꞌacatsi quin?

Juan 7:44

Usaquin sinánquin ca bëtsi bëtsi unin sipuanuxun biisa tanquinbi Jesús biáma ꞌicën.