Lucas 19:26 - Kashibo-Kakataibo Biblia

²⁶ Usaquin cacëxun ca aín ꞌapun caxa: Uisa ñu cara a ꞌináncë ꞌicë anúan an cacësabi oquin ñu ꞌacë uni a ca aín ꞌibun ꞌinántabaquin ꞌináncësamaira oquin ꞌinántëcënti ꞌicën. Usonan ca anúan ñu ꞌaxuncëxunma a ꞌináncë ñu a aín ꞌibun bicuanti ꞌicën.

Nukën 'Ibu Diosan ain unikama 'inan ain bana

²⁶ Usaquin cacëxun ca aín 'apun caxa: Uisa ñu cara a 'ináncë 'icë anúan an cacësabi oquin ñu 'acë uni a ca aín 'ibun 'inántabaquin 'ináncësamaira oquin 'inántëcënti 'icën. Usonan ca anúan ñu 'axuncëxunma a 'ináncë ñu a aín 'ibun bicuanti 'icën.

Lucas 19:26 Iomraidhean Croise

2 Samuel 7:15

ꞌaínbi kana ꞌën nuibakin Saúl ꞌakinkin ëansa okin a ꞌatima ꞌain, usakin ꞌaxun kana Saúl chikíanan mixmi ꞌapu ꞌinun mi ꞌimiasa okin a ꞌatima ꞌain.

Mateo 13:12

An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni a, an isa ꞌunánxa quixuan sináncë bana a camabi Nucën Papa Diosan manumiti ꞌicën.

Mateo 21:43

Cana mitsu cain, mitsúxmi judíos unibu ꞌaish Nucën Papa Diosan ainan ꞌiti caísa ꞌaíshbi usai ꞌicëbëma ca bëtsi unibunëx aín bana cuacë ꞌaish ainan ꞌiti ꞌicën.

Marcos 4:25

An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni a, an isa ꞌunánxa quixuan sináncë bana a camabi Nucën Papa Diosan manumiti ꞌicën.

Lucas 16:3

Cacëxun ca an ñu mëëxuncë unin sinánxa: ¿ꞌË chiquíncëxun carana añu ꞌati ꞌain? ꞌËx cushiirama ꞌixun cana me naëquin ñu mëëtima ꞌain, ꞌëa ñu ꞌinánun uni catimi cana rabínti ꞌain. ¿Añu carana ꞌati ꞌain?

Lucas 19:25

Cacëxun ca caxa: Nun a curíqui ꞌinánti ꞌaínbi ca ax mëcën rabë́ sënën ꞌinúan bicë curíquiñu ꞌicën.

Lucas 8:18

An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni, a, an isa ꞌunánxa quixuan sináncë bana a camabi Nucën Papa Diosan manumiti ꞌicën. Usa ꞌain camina mitsun cuacë banacama upí oquin cuaquin, a bana quicësabi oquin ꞌati ꞌain.

Hechos 1:20

Salmos quiricanua cuënëo bana axa ësai quicësabi oi ca ꞌiaxa: Aín xubux ca ëncë ꞌiti ꞌicën, anu ca uíxbi ꞌitima ꞌicën. ꞌImainun ca ësairibi quia: Bëtsi unin ca an ëncë ñu mëëti ꞌati ꞌicën.

2 Juan 1:8

Usa ꞌaínbi ca an mitsun a ꞌati ꞌináncë ñucamami ax quicësabi oquin sënë́onquin ꞌaia a cupí aín nëtënuxun Nucën Papa Diosan an mëníosabi oquin mitsu ꞌimiti ꞌicën. Uisaira oquin cara ꞌimiti ꞌicë usoquian mitsu ꞌiminun camina an ꞌatimaquin Cristo ñuicë unían mitsu paránunma bërúanracati ꞌain.

Apocalipsis 2:3

Usai tëmëraquinbi camina mitsun ꞌëmi sinánti ëncëma ꞌain. ꞌËnan ꞌicë cupí unin ꞌatimocëxunbi camina ënquinma ꞌëmi sinánquin ꞌëx cuëëncësabi oquin ꞌan.

Apocalipsis 3:11

Xënibucëma ꞌaínshi cana utëcënti ꞌain. ꞌËx umainun min ꞌacësabi oquin ꞌëmi sinánti ënquinma ꞌën mitsu cacë bana ꞌacë ꞌaish camina ꞌëbë ꞌën nëtënu ꞌi cuëënti ꞌain. Usai ꞌimi ꞌiti cupí camina unían mitsu sinanaminun ꞌamitima ꞌain.

1 Samuel 15:28

Usokin ꞌakëxun ka Samuelnën Saúl kakëxa: —Minmi ꞌën tari tukakin bikë ësaribiokin ka Nukën ꞌIbun ka mix Israel kaman ꞌapu ꞌikëbi. Mi ꞌimikinma bëtsi uni kaístakëxun, an Israel unikama min ꞌakësamaira okin atu ꞌakinun ꞌimiti ꞌikën.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.