Lucas 19:20 - Kashibo-Kakataibo Biblia

^20-21 Cacëbë uquin ca bëtsínribi caxa: Mixmi unimi nishcësa ꞌicë cana mi ꞌunan. Uni itsin ñu ꞌapámitancëxun camina a bimi mináinshi ꞌinun min unicama bimin. Usa ꞌain cana mimi racuë́quin, pañunan rabúnxun, min curíqui ami ꞌë ꞌináncë, a nan. A cënë ꞌicën.

Nukën 'Ibu Diosan ain unikama 'inan ain bana

^20-21 Cacëbë uquin ca bëtsínribi caxa: Mixmi unimi nishcësa 'icë cana mi 'unan. Uni itsin ñu 'apámitancëxun camina a bimi mináinshi 'inun min unicama bimin. Usa 'ain cana mimi racuë́quin, pañunan rabúnxun, min curíqui ami 'ë 'ináncë, a nan. A cënë 'icën.

Lucas 19:20 Iomraidhean Croise

Mateo 25:24

Usaquian cacëbë uquin ca an achúshi mil curíqui bicë unin caxa: Mixmi unimi nishcësa ꞌicë cana mi ꞌunan. Uni itsin ñu ꞌapámitancëxun camina a bimi mináinshi ꞌinun min unicama bimin.

Santiago 4:17

Ësa ca: An usaquin ꞌati ca upí ꞌicë quixun ꞌunánquinbi usaquin ꞌacëma uni ax ca ꞌuchaia.

Lucas 19:13

Sinántancëxun aín uni mëcën rabë́ camicëx ucë ca achúshi achúshi curíqui achúshi ꞌaíshbi ꞌitsa cupícë, camabi sënë́n ꞌinánxa. ꞌInánquin, —ꞌëx utëcëntamainun camina ënë curíquinën ñu bitancëxun maruquin curíqui bitëcënti ꞌai —quixun caxa.

Lucas 6:46

¿Uisacasquin caramina —mix camina ꞌën ꞌIbu ꞌai —quixun ꞌë caquinbi ꞌën mitsu cacësabi oquin ñu ꞌaiman?

Lucas 3:9

Ësa ca. A rëti aín manë ruë tuíanx a rapasu niracëquin ca an upí oquin tuacëma icama rëtancëxun xanania unin tsin nëënia. Usaribi oquin ca bënë́nquinshi mitsúxmi sinanati ami sináncëma ꞌicë Nucën Papa Diosan mitsu ꞌati ꞌicën.

Lucas 19:19

Cacëxun ca ꞌapun caxa: Mix camina mëcën achúshi ëmanu ꞌicë unicaman cushi ꞌiti ꞌain.

Juan 11:44

Usaquian cacë́xëshi ca axa bamacë uni tatanianan mëtanicë ꞌianan aín bëmánanribi chupan bërábuncë ꞌaish nirui quininuax chiquícuatsiancëxa. Chiquícuatsincëbëtan ca Jesusan abë ꞌicë unicama cacëxa: —Cuantánun ca aín taë tubuanan aín mëcën tubuanan anun aín bëmánan rabúncë chuparibi mabit.

Juan 20:7

Isanan ca anun marábuënxancë pañun aribi bëtsi chupabëma capúncësa ꞌaish amo racácë isacëxa.