Lucas 19:17 - Kashibo-Kakataibo Biblia

¹⁷ Cacëxun ca ꞌapun caxa: Upí oquin camina ꞌën curíquinën ñu ꞌan. ꞌItsairamashi ꞌaínbimi a curíquinën upí oquin ꞌacë cupí camina mëcën rabë́ ëmanu ꞌicë unicaman cushi ꞌiti ꞌain.

Nukën 'Ibu Diosan ain unikama 'inan ain bana

¹⁷ Cacëxun ca 'apun caxa: Upí oquin camina 'ën curíquinën ñu 'an. 'Itsairamashi 'aínbimi a curíquinën upí oquin 'acë cupí camina mëcën rabë́ ëmanu 'icë unicaman cushi 'iti 'ain.

Lucas 19:17 Iomraidhean Croise

Génesis 39:4

Usa ꞌikë ka José ax ka uni upí ꞌikë kixun an unikama bërúanti ꞌimainun an ꞌain xubunu ꞌikë kamabi ñu bërúanun kixun ami ëankëxa.

Mateo 25:21

Cacëxun ca an a ñu mëëmicë unin caxa: Camina upí oquin ꞌën curíquinën ñu ꞌan. Minmi ꞌitsamashi ꞌaínbi a curíquinën upí oquin ꞌacë cupí cana mi ꞌitsaira anúnmi ꞌë ñu ꞌaxúnun ꞌinánti ꞌain. Usa ꞌaish camina ꞌëx cuëëncësaribi oi ꞌëbë cuëënti ꞌain.

Lucas 16:10

ꞌItsama curíquiñu ꞌixunbia nëtë́miquinma upí oquin sinánquin, anun upí ñu ꞌacë uni an ca ꞌitsa curíquiñu ꞌixun usabi oquin upí oquin sinánquin nëtë́miquinma anun upí ñu ꞌati ꞌicën. ꞌImainun ca ꞌitsama curíquiñu ꞌixunbia nëtë́mianan upí oquin sinánquinma anun ꞌaisama ñu ꞌacë uni, an ꞌitsa curíquiñu ꞌixun usabi oquin nëtë́mianan anun ꞌaisama ñu ꞌati ꞌicën.

Lucas 19:16

Camicëxa anpan ucë an ca aín ꞌapu caxa: —Min curíqui anun ñu bixun maruquin cana mëcë́n rabë́ sënën ꞌinun curíqui bian.

Lucas 19:18

Bëtsíxribi uquin ca caxa: Min curíqui anun ñu bixun maruquin cana mëcën achúshi sënën ꞌinun curíqui bian.

Lucas 22:30

Usa ꞌixunmi ꞌën nëtënuxun ꞌëbëtan pianan, Israelnën bëchicë mëcën rabë́ ꞌimainun rabë́, aín rëbúnquicamax cara atun ñu ꞌacë cupí, uisai ꞌiti ꞌicë quixun canun cana mitsu ꞌimiti ꞌain.

Romanos 2:29

Axa aín nuitu mëu upiti Nucën Papa Diosmi sináncë uni ax ca asérabi judío uni ꞌicën. ꞌUnántioracacë uni ax ca Moisésnën cuënëosabi oquin aín namishi usoquin ꞌacë cupíma aín nuitu mëu Nucën Papa Diosmi sináncë cupí asérabi judío uni ꞌicën. Usa uni ca unían upí isiamabi Nucën Papa Diosan upí isia.

1 Corintios 4:5

Usa ꞌain camina Jesucristo utëcëncëma pain ꞌain, uisa uni cara uni itsi ꞌicë quixun sinántima ꞌain. Utëcënxun ca Nucën ꞌIbu Jesucristonën, camabi uni an unë́xun ñu ꞌacëcama ꞌimainun aín nuitu mëúa sináncë ñucamaribi, an upí oquin ꞌunánun ꞌunánmiti ꞌicën. ꞌUnánmicëbëtan ca Nucën Papa Diosan ui unicaman cara aín ꞌucha tërë́ncë ꞌixun ñu upí ꞌaxa, a usaribi oquin —upí oquin camina ꞌa —quixun caquin cuëënmiti ꞌicën.

2 Timoteo 2:10

An sinánmicëx ca ꞌitsa uni Nucën Papa Diosnan ꞌinux Cristo Jesúsmi sinánti ꞌicën. Acamaxa aín ꞌuchacama tërë́ncë ꞌianan Cristo Jesúsbë ꞌaish xënibua ꞌaínbi Nucën Papa Diosnan ꞌinun cana unían tëmëramicëxunbi tanshiti cuëënquin a bana ñuin.

1 Pedro 1:7

Ënëx ca ësa ꞌicën. Asérabi cara curishi ꞌicë isnuxun ca unin curi tsi rëquirucënu xaroquin tania. Usaribiti camina mitsux caramina ami catamëcë ꞌai quixun isnuxun Nucën Papa Diosan tancë ꞌiti ꞌain. Curi ꞌaíshbi ca cëñúti ꞌicën. Usa ꞌaínbi camina tëmëraquinbi Nucën Papa Diosmi catamëquin ëncëma ꞌaish curisamaira ꞌiti ꞌain. Usaquin tancëxbimi asérabi ami catamëti ꞌain ca utëcënquin Jesucristonën —asérabi ꞌënan ꞌaish camina ꞌëbë ꞌaish cuëënti ꞌai —quixun mitsu cati ꞌicën.

1 Pedro 5:4

Usoquin ꞌaia ca Jesucristo, unin ꞌacësamaira oquian an aín unicama bërúancë, an utëcënquin mitsu —asábi ca —quixun catancëxun aín nëtënuaxmi xënibua ꞌaínbi abë cuëënun mitsu ꞌimiti ꞌicën. Ënë nëtënuax cuaiquin canania uisa ñu cara ꞌináncëxun bitsia uni cuëëncëbëbi ca an bicë ñu chëquia. Usaía uni ꞌicë ꞌaínbi camina mitsux xënibua ꞌaínbi Nucën Papa Diosbë ꞌaish cuëënti ꞌain.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.