Lucas 18:34 - Kashibo-Kakataibo Biblia

³⁴ Jesusan usaquin cacëxunbi ca aín ꞌunánmicë unicaman uisai cara quia quixun cuama ꞌicën. Uisai qui cara usai quia quixunbi ca ꞌunánma ꞌicën.

Nukën 'Ibu Diosan ain unikama 'inan ain bana

³⁴ Jesusan usaquin cacëxunbi ca aín 'unánmicë unicaman uisai cara quia quixun cuama 'icën. Uisai qui cara usai quia quixunbi ca 'unánma 'icën.

Lucas 18:34 Iomraidhean Croise

Marcos 9:32

Usaía quiabi ca atun cuama ꞌicën. Cuatímabi ca upí oquian ñuixunun Jesús catimi racuë́acëxa.

Lucas 18:33

Usoquin bëtsi bëtsi oquin mëëtancëxuan ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Lucas 2:50

Cacëxun cuaquinbi ca Josébëtan Maríanën uisoquin caquin cara usoquin caia quixun ꞌunánma ꞌicën.

Lucas 24:25

Usaquian cacëxun ca Jesusan cacëxa: —Upí oquin camina sinaniman. An Nucën Papa Dios quicë bana uni ñuixuncë unin cuënëo banax ca asérabi ꞌicë quixun camina sináncëma ꞌain.

Lucas 24:45

Usaquin caxun ca a ñuiquian cuënëo banacama upí oquian cuanun ñuixunquin anu timë́cë unicama ꞌunánmiacëxa.

Lucas 9:45

Usaía quiabi ca atun cuama ꞌicën. Atúan cuaxunma ꞌanun ca Nucën Papa Diosan atu cuamiama pain ꞌicën. Usa ꞌain ca upí oquian ñuixunun Jesús catimi aín ꞌunánmicë unicama racuë́acëxa.

Juan 10:6

Usaquin caquian —an carnero bërúancë unisaribi cana ꞌëx ꞌai —quixun caquin Jesusan ꞌunánmisa tancëxunbi ca anu ꞌicë unicaman uisai quicë cara a bana ꞌicë quixun cuama ꞌicën.

Juan 12:16

Usai ꞌia isquinbi ca aín ꞌunánmicë unicaman, a ñuiquin cuënëo bana quiásabi oi ca ꞌia quixun ꞌunánma ꞌicën. Baísquitancëxa Jesús naínu cuantëcëan cuni ca a ñuiquian, usai ca ꞌiti ꞌicë quixun cuënëosabi oi ca ꞌiaxa quixun ꞌunáncancëxa.