Lucas 18:32 - Kashibo-Kakataibo Biblia

³² Judíos unibunën ca judíosma unibunëan binun ꞌë ꞌinánti ꞌicën. ꞌInáncëxun bixun ca ꞌëmi cuaiquin bëtsi bëtsi onan ꞌë tushucati ꞌicën.

Nukën 'Ibu Diosan ain unikama 'inan ain bana

³² Judíos unibunën ca judíosma unibunëan binun 'ë 'inánti 'icën. 'Ináncëxun bixun ca 'ëmi cuaiquin bëtsi bëtsi onan 'ë tushucati 'icën.

Lucas 18:32 Iomraidhean Croise

Isaías 50:6

An ꞌë mëëkë unikaman mëëkëxun kana ꞌëa mëëtanun tanshiakën ꞌën kuëniribi të́kakëxun kana na ꞌatanun tanshiakën. ꞌImainun kana ꞌën bëmánanribi ꞌatimakin ñuikin bëtushu kakëxunbi ꞌën bëmánan ñuñai amo bësuakëama ꞌain.

Isaías 52:14

Usa ꞌain ka ꞌitsaira uni a isi ratúkanti ꞌikën, ain bëmánan bëtsianan ka aín nami, unin nami iskësa akamax unin nami iskësama bëtsikë ꞌiti ꞌikën. (Ënë banax ka hebreo banan usai kia.)

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Miqueas 5:1

Jerusalénnu bukukë mitsun kamina amimi mitsux katamëkanti ëma kënëarakin ꞌakánti ꞌain, nuka chikítisama okin bëararakanxa, usakin ꞌaxun ka Israelnu ꞌikë ꞌapukama a ꞌaisamaira okin tëmëramiti ꞌikën.

Mateo 16:21

Ësaquin caquin sënë́ontancëxun ca aín bamati ñuixuntabaquin Jesusan aín ꞌunánmicë unicama ësaquin cacëxa: —ꞌËn Papa Dios cuëëncësabi oi cana Jerusalénu cuanin. Cuanx bëbacë ca anu ꞌicë uni apáncamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ꞌën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Mateo 20:19

judíosma unicaman ꞌanun ꞌë ꞌinánti ꞌicën. ꞌË bëtsi bëtsi onan ꞌëmi cuaianan ꞌë mëëtancëxun ꞌëx bamanun i curúsocënu matásnun ca judíos unicaman ꞌë judíosma unicama ꞌinánti ꞌicën. Usoquian ꞌë ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Mateo 22:6

Raírinën ca ꞌapúan ñu mëëmicë uni cuaniabi bixun mëëquin tënánquin rëaxa.

Mateo 26:67

Usai quiquian a ꞌurama ꞌicë uni raírinën bëtushucamainun ca raírinënribi Jesús mëëacëxa. Usoia ca raírinënribishi bëtáshcacëxa.

Mateo 27:2

Usai quitancëxun nëaxun ca Poncio Pilato, a nëtënu ꞌicë unicaman cushi, anu buáncëxa.

Marcos 14:65

Usai qui ami tushuquiquin ca raírinën bëmápuxun mëëquin cacëxa: —Uin cara mi mëëia, ca ꞌë cat. Usaquian ꞌaia ca policíacamanribi Jesús bëtashcacëxa.

Marcos 15:1

Pëcaracuatsíncëbë ca judíos sacerdotenën cushicamabë caniacëcë unicama ꞌimainun an Moisésnën cuënëo bana ꞌunáncë unicama ꞌimainun judíos cushicaman ꞌapucamaribi timë́acëxa. Timë́xun nëaxun ca Jesús Pilatonu buáncëxa.

Lucas 18:33

Usoquin bëtsi bëtsi oquin mëëtancëxuan ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Lucas 23:1

Catancëx niruquin ca camaxunbi Jesús buánxun Pilátonu buáncëxa.

Lucas 23:11

Usaria ca Herodesbëtan aín suntárucaman Jesús ꞌatimonan a ꞌusánquin cuaioquin ꞌapúan pañucë chupa pañumitancëxun Pilátonua buántëcëntanun quixun xuacëxa.

Lucas 23:35

Usaquian Jesús ꞌaia ca unicaman isacëxa. Ismainun ca judíos unibunën ꞌapucamax Jesús ñui ꞌatimati banai ami cuai ësai canancëxa: —An uni raíri ië́micësaribi oi ië́tibi ca ië́tima. Ax asérabi Cristo a Nucën Papa Diosan ënu xunuxun caíscë ꞌaish ca axbi ië́ti ꞌicën.

Juan 18:22

Caia ca policía achúshi a rapasu nicë an —¿min caramina ësoquin sacerdotenën cushicaman ꞌapu ënë cain? —quixun caquin Jesús cuëtashcacëxa.

Juan 18:28

Pëcaracëma ꞌaínshia xabaracë́cëbëtan ca Caifásnën xubunua policíanën Jesús Romanuaxa ucë ꞌapu, Pilato, aín xubunu buáncëxa. Usa ꞌain ca a ꞌapua aín caibuma ꞌain, aín xubunu atsini ꞌuchaxuinsa Pascua nëtën ꞌati ñu pitima ꞌicë quixun sinani judíos unicama anu atsíanma ꞌicën.

Juan 18:30

Cacëxun ca atun cacëxa: —ꞌUchañuira ꞌicëma cananuna minu bëcë ꞌitsiama.

Juan 18:32

—Usai cana i curúsocënu unin matáscëx bamanuxun ꞌai —quiáxa Jesús quiásabi oi bamanun ca judíos unicaman usoquin Pilato cacëxa.

Juan 18:35

Cacëxun ca Pilátonën cacëxa: —ꞌËx cana judíos unima ꞌain. Min aintsinbi ca sacerdotenën cushicamabëtan ënu mi bëaxa. ¿Añu ñu caramina ꞌan?

Hechos 2:23

Usoquian ñu ꞌacëbi camina mitsun unían ꞌináncëxun bixun ꞌaisama uni rabë́cëñun i curúsocënu matásmitancëxun bamamian. Usai ca ꞌiti ꞌicë quixuan, ënë nëtë unitisama pain ꞌain Nucën Papa Diosan mëníosabi oi ca ꞌiaxa.

Hechos 3:13

Usama ca. Nucën Papa Dios, aira nucën rara Abraham, Isaac, Jacob acama ꞌimainun nucën raracama ꞌimainun nucën chaitiocëcaman rabia, an ca aín Bëchicë Jesús asaribi cushi ꞌinun ꞌimiaxa. Usa ꞌicëbi camina uni isa ꞌaminun quixun mitsun ꞌapucama ꞌináncan. ꞌInáncëa Pilatonën ëinsa tancëbëbi camina mitsux cuëëncëma ꞌain.