Lucas 18:12 - Kashibo-Kakataibo Biblia

¹² ꞌËx cana camabi semana rabë́ nëtën pima samatin. ꞌËn ñu mëëquin bicë curíquia mëcën rabë́ ꞌicëbi cana acama mësú, décima parte, a anuxun Nucën Papa Dios rabiti xubunu buánquin, sacerdote ꞌinanin.

Nukën 'Ibu Diosan ain unikama 'inan ain bana

¹² 'Ëx cana camabi semana rabë́ nëtën pima samatin. 'Ën ñu mëëquin bicë curíquia mëcën rabë́ 'icëbi cana acama mësú, décima parte, a anuxun Nucën Papa Dios rabiti xubunu buánquin, sacerdote 'inanin.

Lucas 18:12 Iomraidhean Croise

Isaías 1:15

Uínsaran kaina ꞌë ñukákin manámi okin mëkën birui ëbë banain, anunbi kana ꞌën usakin ꞌaia mitsu istisama tani ꞌamo kuainakëtin; ꞌimainun kana ꞌitsaira ëbë banakin ñukákëxunbi, ꞌën a banakama kuatima. Mitsun mëkënkama ax ka anun uni ꞌakë ꞌaish imin mëshikikësa ꞌikën.

Malaquías 3:8

Usa ꞌain kana ꞌëx ësai kin: ¿Achúshi unin kara Dios ꞌikë ꞌë paránkin mëkamaisa tanti ꞌik? ¡Usa ꞌain kamina mitsun ꞌë paránkin mëkaman! Usakin ꞌë ꞌaínbi kamina ñukákanani kikanin: ¿A ñu ꞌakin karanuna mi mëkaman? ¡Mitsun kamina ꞌë kamaira ꞌinankimabi ꞌinánti a ꞌimainun, a ꞌinánti nankë manë kuríki a uiti ꞌitsa ꞌinánti kara atibi ꞌinankima ꞌë mëkaman!

Números 23:4

kuankëbëa ami mëratia ka Balaamnën Dios kakëxa: —ꞌËn kana mapai achúshi ꞌimainun rabë́ okin maxá bukúnrutankëxun anu achúshi achúshi vaca bakë ꞌimainun achúshi achúshi carnero xaronun ꞌamian.

Mateo 5:20

Cana mitsu cain, mitsun an Moisésnën cuënëo bana ꞌunáncë unicama ꞌimainun fariseo unicaman ꞌacësamaira oquin Nucën Papa Diosan bana quicësabi oquin ꞌacëma ꞌaish camina ainanma ꞌianan aín nëtënu abë ꞌitima ꞌain.

Mateo 6:1

ꞌËx upí ꞌicëa camabi unin isnun cana ñuñuma uni ñu ꞌinánti ꞌai quixun camina sinántima ꞌain. An usaquin sinánquin uni itsi ñu ꞌináncë uni a ca Nucën Papa Dios naínu ꞌicë, an upí isima.

Mateo 6:16

Mitsux Nucën Papa Diosbë upiti bananuxun piima camina an uni paráncë uníxa ꞌicësaribiti ꞌitima ꞌain. A unicamax ca —Nucën Papa Diosmi sinánquin picëma ꞌaish ca upí uni ꞌicë —quixuan raíri unin sinánun quiax picëma ꞌianan masá nuitucësa ꞌia. Usai ꞌia uni raírinën a rabiabi ca Nucën Papa Diosan a upí isima.

Mateo 6:5

Mitsux Nucën Papa Diosbë banai camina an uni paráncë unicama ꞌicësa oi ꞌitima ꞌain. Atux ca unían a isnun quiax anua judíos unicama timë́ti xubunuax ꞌianan anun niti bai cuëbí anuaxribi Nucën Papa Diosbë banaia. Asérabi cana mitsu cain, a unicamaxa usai Nucën Papa Diosbë banaia iscë unicaman —ax ca upí uni ꞌicë —quixun sinánquin rabia. Usaquin rabiabi ca Nucën Papa Diosan a upí isima.

Mateo 9:14

Usa ꞌain ca Juan, an uni nashimicë, aín ꞌunánmicë unicaman anu cuanxun Jesús cacëxa: —Nux cananuna Nucën Papa Dios sinani bëtsi bëtsi nëtën pima samatin. Fariseo unibunëxribi ca usaribiti pima samatia. ¿Usa ꞌaínbi cara uisacasquin min ꞌunánmicë unicaman samáquinma pin?

Lucas 11:42

Catancëxun ca ësaquinribi Jesusan atu cacëxa: —Fariseo unicama, mitsu ca Nucën Papa Diosan uisa cara oti ꞌicë usoquin ꞌati ꞌicën. Mitsun camina Nucën Papa Dios anuxun rabiti xubunuxun ñu ꞌacë unicama mitsun pitimi anun nëish ocë robi mësú ꞌinanin, Moisés quiásabi oquin. Usa ꞌixunbi camina a bana itsi, axa quicësabi oi ꞌiti, axa quicësa oquin ꞌaiman. Nucën Papa Diosmi upiti sinánan upí sinánñu ꞌixun uni ꞌaquinti, acama camina ꞌaiman. Usaquinmi mitsun ꞌacëx ca asábiira ꞌitsíanxa. Usoquin ꞌaquinmi mitsun ro mësúribi ꞌinánti ca asábi ꞌitsíanxa.

Lucas 17:10

Usaribi oquin Nucën Papa Diosan a ꞌanun mitsu cacë ñu ꞌatancëx camina mitsux raíribë ësai cananti ꞌain: “Cananuna an nu ꞌamicëxun ꞌati ñucamaishi ꞌan. Usa ꞌaían Nucën Papa Diosan ꞌaisamaira oquin nu rabitima ca asábi ꞌicën”.

Romanos 3:27

An usai ca uni ꞌiti ꞌicë quicë bana quicësabi oquin ꞌacë uni, ax sapi ca rabíti ꞌicën, —ꞌën nuitu ca Nucën Papa Diosan upí isia —quixun sinani. Usa ꞌaínbi ca axa Jesucristomi catamëcë unin ꞌunania, —Jesucristo cupíshi ca Nucën Papa Diosan ꞌë upí isia —quixun. Usaquin ꞌunani ca rabitíma.

1 Corintios 1:29

Uinu ꞌicë unínbia —ꞌënbi cana ñu ꞌunáncë ꞌai —quixun sinánunma ca Nucën Papa Diosan ënë nëtënu ꞌicë unían sináncëxa ñu ꞌunánma unicama ainan ꞌinun caísaxa.

Gálatas 1:14

Usoquin ꞌanan cana judíos unin sináncësa oquinshi sináncën. ꞌËn aintsi ꞌëbë sënë́nburibi an ꞌacësamaira oquin cana uni apáncaman ꞌë ꞌunánmicësa oquinshi ꞌën chaitinën ñuiasabi oquin ꞌaisa tancën, ꞌëx asérabi judío uniira ꞌixun.

Efesios 2:9

An ca an ñu upí ꞌacë cupí ainan ꞌinun uni ië́mima. Usa ꞌain ca uinu ꞌicë unínbi —ꞌën upí ñu ꞌacë cupí cana ië́a —quixun rabíquin sinántima ꞌicën.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

1 Samuel 15:13

Usakian kakëx ka Samuel uimi kara Saúl kuanxa anuabi bari kuankëxa, kuankian nukukëxun ka kakëxa: —Nukën ꞌIbun ka mi ꞌakinti ꞌikën. ꞌËn kana kamabi Nukën ꞌIbun ꞌanun kakëkama ꞌan.