Lucas 17:30 - Kashibo-Kakataibo Biblia

³⁰ Lot ꞌaían ꞌiá usaribiti ca uni ꞌinux Nucën Papa Diosnuax uá ꞌaish, ꞌëx anun utëcënti nëtë, anúan camabi unin ꞌë isti, ax ꞌiti ꞌicën.

Nukën 'Ibu Diosan ain unikama 'inan ain bana

³⁰ Lot 'aían 'iá usaribiti ca uni 'inux Nucën Papa Diosnuax uá 'aish, 'ëx anun utëcënti nëtë, anúan camabi unin 'ë isti, ax 'iti 'icën.

Lucas 17:30 Iomraidhean Croise

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 24:3

Usaquin atu cabiani cuanx matá me Olivos cacë anu tsóbutia ca uni ꞌaíma ꞌain, aín ꞌunánmicë unicaman a nëbë́tsioraquin cacëxa: —¿Uínsaran cara mixmi quicësabi oi anuxun Nucën Papa Dios rabiti xubu aín maxáxcama rurupacë ꞌiti ꞌic? ¿Mix anun utëcënti nëtë anúan ënë mecama cëñúti, a nëtëx ca ꞌuramacuatsinia quixun ꞌunánuxun caranuna uisa ñu ꞌia isti ꞌain? A camina nu ñuixunti ꞌain.

Mateo 24:37

Bëráma Noé ꞌiá nëtë usaribiti ca uni ꞌinux Nucën Papa Diosnuax uá, ꞌëx utëcënti nëtën ꞌiti ꞌicën.

Mateo 24:39

ꞌUí ꞌaisamaira ꞌibúcëbë baca ꞌëquian ñucamacëñun unicama buáncëbëtainshi ca —Noenën nu cacë bana ca asérabi ꞌicë —quixun ꞌunáncëxa. Noenën bana cuatíma unicama ꞌiásaribiquin ca unicaman ꞌën bana cuatima ꞌicën. Usai ꞌiquinbi ca ꞌëx anun uti nëtë ꞌicëbëtainshi sinánti ꞌicën.

Mateo 26:64

Cacëxun ca Jesusan cacëxa: —Minmi ꞌë cacë, usa cana ꞌëx ꞌain. Mitsun camina, uni ꞌinux anuax uá, ꞌë Nucën Papa Dios, cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Marcos 13:26

Usaía ꞌicëbëtan ca uni ꞌinux Nucën Papa Diosnuax uá, ꞌën nëtë cuin mëúxun ꞌën cushin pëcabëtsinia unicaman isnuxun ꞌaia.

Lucas 17:24

Mëríquin ca canacan camabi naicamëꞌëo pëcaia. Usaribi ca uni ꞌinux Nucën Papa Diosnuax uá ꞌaish, ꞌëx utëcënti ꞌiti ꞌicën.

Lucas 17:29

Usaquian ꞌamainun ca anúan Lot anuax cuanti nëtë ꞌicëbëtan, Nucën Papa Diosan tsi ꞌimainun azufre rëquirucë ꞌibúmiquin acama cëñuacëxa.

Lucas 21:27

Usai ꞌicëbëtan ca uni ꞌinux Nucën Papa Diosnuax uá ꞌixun ꞌën, nëtë cuin mëúxun, ꞌën cushin pëcabëtsinia, camabi unicaman isnuxun ꞌaia.

1 Corintios 1:7

Usa ꞌixunmi Nucën ꞌIbu Jesucristo utëcënti nëtë cainia ca Nucën Papa Diosan aín unicama ꞌaquincësaribi oquin ami ꞌunánun mitsu ꞌaquinia.

1 Corintios 1:8

Nucën ꞌIbu Jesucristo utëcëncëbëtan uinu ꞌicë unínbi mitsu ñuiquin —a unix ca ꞌatima ñu ꞌacë ꞌicë —quixun canúnma ca Nucën Papa Diosan mitsúnmi ami catamëquin ꞌatima ñu ꞌaxunma ꞌanun ënquinma mitsu bërúanti ꞌicën.

Colosenses 3:4

Cristo, anun nux tsóti, axa upíira ꞌianan cushiira ꞌaish utëcëncëbë camina nëtë́timoi abë ꞌianan asaribi upíshi ꞌiti ꞌain.

2 Tesalonicenses 1:7

Usoquin ꞌanan aín ángelnën cushicamabëtan, tsi rëquirucësa ꞌixuan pëcacë nëbë́tsi, Nucën ꞌIbu Jesús naínuax ucëbëtan, an nucëñun unían tëmëramicë ꞌicëbi mitsu chuámarua ꞌimiti ca asábi ꞌicën.

1 Pedro 1:13

Usa ꞌain camina Jesucristonan ꞌixun upí oquin sinani ax quicësabi oi ꞌiti ꞌain. ꞌIquin camina Nucën Papa Diosan ca abëmi aín nëtënu ꞌiti mëníocëxa quixun sinani cuëënquin Jesucristo anun uti nëtë caínti ꞌain.

1 Pedro 1:7

Ënëx ca ësa ꞌicën. Asérabi cara curishi ꞌicë isnuxun ca unin curi tsi rëquirucënu xaroquin tania. Usaribiti camina mitsux caramina ami catamëcë ꞌai quixun isnuxun Nucën Papa Diosan tancë ꞌiti ꞌain. Curi ꞌaíshbi ca cëñúti ꞌicën. Usa ꞌaínbi camina tëmëraquinbi Nucën Papa Diosmi catamëquin ëncëma ꞌaish curisamaira ꞌiti ꞌain. Usaquin tancëxbimi asérabi ami catamëti ꞌain ca utëcënquin Jesucristonën —asérabi ꞌënan ꞌaish camina ꞌëbë ꞌaish cuëënti ꞌai —quixun mitsu cati ꞌicën.

1 Pedro 4:13

Bënë́quinma camina sinánti ꞌain, ami nishquian unin bëtsi bëtsi ocë́xa Cristo tëmërasaribi oquin cananuna nunribi tëmërai quixun. Usaquin sinani camina tëmëraibi cuëënti ꞌain, usaribiti ꞌApuira ꞌaísha Cristo aia isi cuëënux.

1 Juan 2:28

ꞌËn bëchicësa ꞌicë, cana mitsu cain, utëcënquian Jesucristonën nu upí isti cupí camina camabi nëtën an sinánmicësabi oquin sinánti ꞌain, axa ucëbë rabíntima cupí.

1 Juan 3:2

ꞌËn nuibacë xucë́antu, bërí cananuna Nucën Papa Diosan bëchicë ꞌain. Usa ꞌicëbi ca uisaira caranuna ꞌinuxun ꞌai quixun an nu ꞌunánmicëma pan ꞌicën. Usa ꞌaínbi cananuna ꞌunanin, Jesucristo utëcëncëbëtan cananuna upí oquin uisa cara ax ꞌicë quixun isti ꞌain. A isi cananuna asaribi ꞌiti ꞌain.

Apocalipsis 1:7

Ca is, Cristo, ax ca naí cuin mëu bëbacuatsini unuxun ꞌaia. Aia ca camabi unicaman isti ꞌicën, an manë xëtocën taro, acamánbi ca aia isti ꞌicën. Ax ucëbë ca camabi menu ꞌicë unicama ami sináncëma ꞌaish masá nuituti inti ꞌicën. Asérabi ca usai ꞌiti ꞌicën.