Lucas 17:25 - Kashibo-Kakataibo Biblia

²⁵ ꞌËn Papanu cuancëma pan ꞌixun cana unían bëtsi bëtsi ocëxun paë tanti ꞌain. ꞌImainun ca ënë nëtënua bucucë unicaman ꞌë timaquin ꞌën bana cuaisama tanti ꞌicën.

Nukën 'Ibu Diosan ain unikama 'inan ain bana

²⁵ 'Ën Papanu cuancëma pan 'ixun cana unían bëtsi bëtsi ocëxun paë tanti 'ain. 'Imainun ca ënë nëtënua bucucë unicaman 'ë timaquin 'ën bana cuaisama tanti 'icën.

Lucas 17:25 Iomraidhean Croise

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Mateo 16:21

Ësaquin caquin sënë́ontancëxun ca aín bamati ñuixuntabaquin Jesusan aín ꞌunánmicë unicama ësaquin cacëxa: —ꞌËn Papa Dios cuëëncësabi oi cana Jerusalénu cuanin. Cuanx bëbacë ca anu ꞌicë uni apáncamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ꞌën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Mateo 21:42

Cacëxun ca Jesusan cacëxa: —¿Nucën Papa Diosan bana cuënëo ësai quicë a caramina mitsun iscëma ꞌain?: An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti. Usaía ꞌinun ca Nucën Papa Diosan ꞌimiaxa. An usoquin mëníocëx ca nun iscëx asábiira ꞌicën”. ¿Usaquian maxax ñuiquinbi ꞌë ñuiquin cuënëo bana a caramina mitsun iscëma ꞌain?

Marcos 10:33

—Mitsúnbi camina isin, bërí cananuna Jerusalénu cuanin. Anuxun ca uni ꞌinux Nucën Papa Diosnuax uá, ꞌë unin ꞌinánti ꞌicën, judíos sacerdotenën cushicamacëñun an Moisésnën cuënëo bana ꞌunáncë unicama. ꞌInáncëxun ca atun —a uni ca bamati ꞌicë —quixun catancëxun judíosma unicaman ꞌanun ꞌë ꞌinánti ꞌicën.

Marcos 12:10

¿Nucën Papa Diosan bana cuënëo ësai quicë, a caramina mitsun iscëma ꞌain?, An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti.

Marcos 8:31

Ësaquin catancëxun ca aín bamati ñuiquin Jesusan aín ꞌunánmicë unicama ësaquin cacëxa: —Uni ꞌinux Nucën Papa Diosnuax uá, ꞌëx cana ꞌatimocë ꞌiti ꞌain. ꞌImainun ca caniacëcëcamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ ꞌimainun achúshi nëtë ꞌicëbë baísquiti ꞌain.

Marcos 9:31

ꞌUnánquibianquin ca acamaishi buánquin ësaquin cacëxa: —Uni ꞌinux Nucën Papa Diosnuax uá ꞌë ca unin, an raíri uni ꞌaminun uni ꞌinánti ꞌicën. ꞌInáncëxun bixun ca ꞌë ꞌati ꞌicën. ꞌAcëx bamatancëx cana rabë́ ꞌimainun achúshi nëtë ꞌicëbë baísquinuxun ꞌain.

Lucas 18:31

Bain cuanquin ca ꞌitsa uni anu ꞌaínbi Jesusan aín ꞌunánmicë unicama abëa ninun quixun cuënbianquin cacëxa: —Bërí cananuna Jerusalénu cuanin. Cuanx bëbaxnu anu ꞌain ca an Nucën Papa Dios quicë bana uni ñuixuncë unían ꞌë ñui quiásabi oi ꞌiti ꞌicën.

Lucas 18:33

Usoquin bëtsi bëtsi oquin mëëtancëxuan ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Lucas 24:46

ꞌUnánmiquin ca ësaquin cacëxa: —Ësai ca a bana quia, Cristo ca bamatancëx rabë́ ꞌiónxa pëcaratëcëncëbë baísquiti ꞌicën.

Lucas 9:22

Canan ca cacëxa: —Uni ꞌinux Nucën Papa Diosnuax uá, ꞌëx cana ꞌatimocë ꞌiti ꞌain. ꞌImainun ca caniacëcëcamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax, ꞌën bana cuaisama tani, ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Juan 1:11

Ënë nëtënu ꞌicë unicaman ca an unio ꞌixunbi, atubë ꞌinúxa ucëbi biisama tancëxa.

Juan 12:38

Nucën Papa Diosan sinánmicëxun aín bana Isaíasnën cuënëosabi oi ca ꞌiacëxa. A banax ca ësai quia: Nucën ꞌIbu, ¿Uinu ꞌicë unin cara, min bana nun ñuixuncëxun cuaquin, asérabi ca quixun sinanx? ¿Uinu ꞌicë unin cara minmi ñu ꞌaia isquin mix camina asérabi cushi ꞌai quixun sinanx?

1 Samuel 10:19

ꞌAínbi kamina mikaman bërí Diosma ꞌikë ꞌakësa okinra kuëënkima rakan, an kamabi ñu ꞌaisama ꞌanan tëmërakin ñu mëi atsánkë ꞌikë chikían ꞌixunbi. ꞌImainun kamina ami manúkin a rakani axa mitsun ꞌapu ꞌiti achúshi uni anëxunun kikan. Usa ꞌain kamina bërí Nukën ꞌIbu rabi anu ukanti ꞌain, ꞌaínbi kamina, atun bananbi banakë akama abiribi ñaká, umainun ka ñakátibi aín aintsibë aintsibë uti ꞌikën.

1 Samuel 8:7

kakëxunbi ka Nukën ꞌIbun ësakin kakëxa: “Añu ꞌaxúnun kara Israel kaman mi kaia usakinbi kamina ꞌaxúnti ꞌain, atúan min kakëxun kuaisama tankë ax ka min banama ꞌën bana kuaisama tankë ꞌikën, usai ꞌikin ka atun ꞌëx aín ꞌapu ꞌixun ꞌakinti kuëënkanima.