Lucas 16:3 - Kashibo-Kakataibo Biblia

³ Cacëxun ca an ñu mëëxuncë unin sinánxa: ¿ꞌË chiquíncëxun carana añu ꞌati ꞌain? ꞌËx cushiirama ꞌixun cana me naëquin ñu mëëtima ꞌain, ꞌëa ñu ꞌinánun uni catimi cana rabínti ꞌain. ¿Añu carana ꞌati ꞌain?

Nukën 'Ibu Diosan ain unikama 'inan ain bana

³ Cacëxun ca an ñu mëëxuncë unin sinánxa: ¿'Ë chiquíncëxun carana añu 'ati 'ain? 'Ëx cushiirama 'ixun cana me naëquin ñu mëëtima 'ain, 'ëa ñu 'inánun uni catimi cana rabínti 'ain. ¿Añu carana 'ati 'ain?

Lucas 16:3 Iomraidhean Croise

Proverbios 13:4

Uin kara chikishan tapun ꞌixunbi ñu bisatania an ka añu ñubi bitsima; usa ꞌaínbi ka uix kara ñu mëëkë uni ꞌikë an kuni an bisatankë ñu bitsia.

Proverbios 20:4

Uin kara anun naëoti baritia ꞌaínbi ꞌaisamatani chikishkin naë oima; an ka anúan unin ñu ꞌapáxun aín bimi biti nëtë ꞌikëbëtan bisa tankinbi anua biti ꞌaíma ꞌain bitsima.

Mateo 20:8

Usa ꞌain ca ñantánbucëbëtan cuënxun naë ꞌibun aín uni caxa: An ꞌë ñu mëëxuncë unicama cuëntancëxun camina camabi cupíoti ꞌain. Axa tsiáncuatsini ucë uni acama pain camina cupíoti ꞌain. Usotancëxun camina raíri unicamaribi cupíotancëxun axa bëráma upuncë unicamaribishi cupíoti ꞌain.

Marcos 10:46

Usaquiani Jericó ëmanu bëbatancëx ca anuax aín ꞌunánmicë unicama ꞌimainun ꞌaisamaira uni Jesúsbë cuantëcëancëxa. Cuania ca bëxuñu uni, Bartimeo cacë, Timeonën bëchicë, an uni curíqui ñucácë, an bai amo tsóxunbi

Lucas 12:17

A bimicama isquin ca a unin sinánxa, anu ënë bimicama bucúnti ca ꞌaíma ꞌicën. ¿Añu carana ꞌati ꞌain? quixun.

Lucas 16:2

Cacëxun cuatancëxuan unun quixun camicëxa ucë ca an a ñu mëëmicë unin aín uni caxa: Mimi ca uni manania. ¿Uisa cupí cara usa ꞌic? Cana mi chiquínti ꞌain. Cuanuxun camina anumi ꞌën mi bërúanxunun cacë ꞌën ñucama cuënëocë quiricacama ꞌë bëxúnti ꞌain.

Lucas 16:20

A unin xubu xëcuë tanáin ca ñuñuma uni, Lázaro, aín naminua ꞌitsaira cuñu, ax anu racácë ꞌiacëxa.

Lucas 16:22

A ñuñuma uníxa bamaia ca ángelcaman anu Abraham ꞌicë anu buáncëxa, buáncëx ca Abrahambë ꞌiacëxa. Usa ꞌain ca ñuñu uni axribi bamacëxa, bamacë ca maíncancëxa.

Lucas 16:4

Ënuax chiquítancëxun carana unían aín xubunu ꞌinun ꞌë binun añu ꞌati ꞌai quixun cana sinanin.

Lucas 18:4

Usaquian cacëxunbi ca ꞌitsa nëtën cuashiquin ꞌaquincëma ꞌicën. ꞌItsa nëtën cuashitancëxun ca ësaquin sinánxa, —ꞌëx cana Nucën Papa Diosmi sináncëma ꞌianan unicamaribi sináncëma ꞌain.

Juan 9:8

Usaía ꞌian ca axa a rapasu ꞌicë unicama ꞌimainun an a uni bëxuñu ꞌicë iscë unicamaxribi quiacëxa: —¿An tsóxun uni curíqui ñucácë uni ama cara ënëx ꞌic?

Hechos 3:2

Cuanx bëbaquin iscë́xbi ca uni achúshi aín niti bëtsicë, usabi bacë́an, anu tsoócëxa. Camabi nëtë́an bëxun bëxun tsóncancëxun ca anuxun Nucën Papa Dios rabiti xubu aín xëcuë Upíira cacë, anuxun unicama atsinia curíqui ñucácëxa.

Hechos 9:6

Usoquian cacëxun cuati ratúirai racuëti bërëruquin ca Saulonën cacëxa: —¿Añu ñu ꞌën ꞌati caina cuëënin? Cacëxun ca Jesusan cacëxa: —Niruquiani ca Damasco ëmanu cuantan. Anuxun ca unin añu caramina ꞌati ꞌain quixun mi cati ꞌicën.

2 Tesalonicenses 3:11

Ësaquian mitsu ñuicania cananuna cuan, micama raírinëx ismina ñu mëëimabi bana ñuibëquinishi nitsi quixun.