Lucas 16:22 - Kashibo-Kakataibo Biblia

²² A ñuñuma uníxa bamaia ca ángelcaman anu Abraham ꞌicë anu buáncëxa, buáncëx ca Abrahambë ꞌiacëxa. Usa ꞌain ca ñuñu uni axribi bamacëxa, bamacë ca maíncancëxa.

Nukën 'Ibu Diosan ain unikama 'inan ain bana

²² A ñuñuma uníxa bamaia ca ángelcaman anu Abraham 'icë anu buáncëxa, buáncëx ca Abrahambë 'iacëxa. Usa 'ain ca ñuñu uni axribi bamacëxa, bamacë ca maíncancëxa.

Lucas 16:22 Iomraidhean Croise

Mateo 18:10

ꞌËn unicamax ca tuáratsusa ꞌaish ñuuma ꞌicë quixun camina sinántima ꞌain. ꞌËn cana mitsu cain, ca ñuumama ꞌicën. An a bërúancë ángelcamax ca Nucën Papa Diosbëbi ꞌicën.

Mateo 24:31

Manë banañu bana ocëbë uquin cana ꞌën ángelcama xuti ꞌain, ꞌënan ꞌinun ꞌën caíscë unicama camabi menua ꞌëbëa ꞌinun ꞌë timëxunun.

Mateo 8:11

ꞌËn cana mitsu cain, ꞌaisamaira judíosma unicamaxribi ca aucüaxa bari urucë amiax uanan anúan bari cuabúcë amiaxribi unuxun ꞌaia. Ai ca anua Abraham, Isaac, Jacob, ꞌimainun axa ꞌëmi catamëcë judíos unicama ꞌicë, anu acamabë Nucën Papa Diosan nëtënu ꞌiti ꞌicën.

Marcos 8:36

Unix ca ënë nëtënuax ꞌitsaira ñuñu ꞌiti ꞌicën, ꞌaíshbi ca Nucën Papa Diosmi sináncëma ꞌaish abë upíma ꞌianan aín nëtënu abë ꞌitima ꞌicën. Usa ꞌain ca axa bamacëbë aín ñucama ax ñancábia bicë ꞌicën.

Lucas 12:20

Usaquian sinania ca Nucën Papa Diosan caxa: Sinánñuma uni camina mix ꞌain. Ënë ñantánbi camina bamain. ¿Bamacëbë cara minmi bucúncë ñucama uinan ꞌiti ꞌic? Ca minanma ꞌiti ꞌicën.

Lucas 16:21

Xubu tanáin racáxun ca mesa tëmúxun ñuñu unían piti tëxëocë rëupatia uni itsían a ꞌinánun quixun caíancëxa. Cainia ca ꞌuchíticama uxun aín cucama biáxcacëxa.

Juan 1:18

Uinu ꞌicë unínbi ca Nucën Papa Dios isáma ꞌicën. Aín Bëchicë Achúshi, axa aín Papabë ꞌicë, an cuni ca uisa cara Nucën Papa Dios ꞌicë quixun nu ꞌunánmiacëxa.

Juan 13:23

Usa ꞌain ca aín ꞌunánmicë uni achúshi, aira Jesusan nuibacë, ax Jesús rapasu ꞌiacëxa.

Juan 21:20

Usoquian cacëx caxu bësui cuainacëquin ca Pedronën a nuibairacë aín ꞌunánmicë uni, Juan, an Jesús nuibiania isacëxa. Ax ca an abëtan pi a rapasu tsóxun —uin cara uni mi ꞌinánti ꞌicë —quixun Jesús ñucáëxancë, a ꞌiacëxa.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

Santiago 1:11

Barin uruquin pëcaquin xarocëx ca ro uá chushia. Usari ꞌi ca ro uá rëucuti aín upí nëtëtia. Usaribiti ca ñuñu uni ax curíquiñuira ꞌiti sinánxun ñu ꞌaíbi ꞌiti ꞌicën.

1 Pedro 2:24

Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.

Apocalipsis 14:13

Usai ángel banaia cuatancëxun cana naínuaxa ësaquin ꞌë cai banaia cuan: —Ënë bana ca cuënëot: Ax Nucën ꞌIbu Jesucristomi catamëcë unicamax ca bamatancëx chuámarua tani cuëënti ꞌicën. Naínuaxa banai quicësaribi oi ca Nucën Papa Diosan Bëru Ñunshin Upí ësai quia: Usa unicaman ca bamatancëxun tëmëratëcënquin paë tantëcëntima ꞌicën. Añu ñucama cara Jesucristonan ꞌixun a ꞌaxuanxa, acama ca Nucën Papa Diosan manuquinma sinania. Usa ꞌain ca a unicama chuámarua tani cuëënti ꞌicën.