Lucas 16:17 - Kashibo-Kakataibo Biblia

¹⁷ Naí ꞌimainun mecama cëñúcëbëbi ca Nucën Papa Diosan bana aín unicaman cuënëo, axëshi —usai ca ꞌiti ꞌicë —quiá ꞌain, usabi ꞌiti ꞌicën.

Nukën 'Ibu Diosan ain unikama 'inan ain bana

¹⁷ Naí 'imainun mecama cëñúcëbëbi ca Nucën Papa Diosan bana aín unicaman cuënëo, axëshi —usai ca 'iti 'icë —quiá 'ain, usabi 'iti 'icën.

Lucas 16:17 Iomraidhean Croise

Isaías 40:8

Usa ꞌain ka xubi ax ëski chushimainun ro ua axribi chushi xanania, ꞌaínbi ka Nukën ꞌIbu Diosan bana, ax xënibua ꞌaínbi usabi ꞌiti ꞌikën.”

Mateo 5:18

Cana mitsu asérabi cain, naí ꞌimainun mecama cëñúcëma pain ꞌain ca a banacama quiásabi oi ꞌiti ꞌicën. Usai ca ꞌiti ꞌicë quiáxa quiá ꞌain ca achúshi banabi usai ꞌicëma ꞌitima ꞌicën.

Lucas 21:33

Naí, me acamax ca cëñúti ꞌicën, ꞌaínbi ca ꞌën banaxa nëtë́timoi usabi ꞌain camabi ñu ꞌëx quicësabi oi asérabi ꞌiti ꞌicën.

Romanos 3:31

¿Jesucristo cupíshi cana ꞌën ꞌucha tërë́ncë ꞌaish Nucën Papa Diosan iscëx upí ꞌai quixun sinánquin caranuna Nucën Papa Diosan bana Moisésnën cuënëo ax ca cuatima ꞌicë quixun sinánti ꞌain? Usama ca. Jesucristomi catamëtishi cananuna asérabi Nucën Papa Diosan bana quicësabi oíira ꞌiti ꞌai quixun cananuna unicama ñuixunin.

1 Pedro 1:25

Usa ꞌaínbi ca Nucën ꞌIbu Diosan bana xënibua ꞌaínbi usabi ꞌia. Ënë banax ca —Jesucristomi catamëti ca uni Nucën Papa Diosnan ꞌiti ꞌicë —quixuan aín unicaman mitsu ñuixuncë a ꞌicën.

2 Pedro 3:10

Usaquin caíntancëx ca unin sinánmabi, an ñu mëcamacë uni imë́ ucë usaribiti unían sinánmabi Jesucristo uti ꞌicën. A nëtë ucëbë ca canacamëꞌëo ꞌicësaía anuax banacëbë naíu ꞌicë ꞌuxë, bari, ꞌispa acama, manë tsin cëñumainun anu ax ꞌiti ꞌaíma ꞌiti ꞌicën. Usaribiquin ca camabi mecëñun anua ꞌicë ñucamaribi tsin cëñuti ꞌicën.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.

Apocalipsis 21:1

Usaquin istancëxun cana a pain unio naí, me, parúnpapa, acamaxa nëtë́cë ꞌaish ꞌaíma ꞌain, naí ió ꞌimainun me ióribi isan.

Apocalipsis 21:4

An ca aín unicama aín bëunan mëscutia ini masá nuitutiabi nëtë́miti ꞌicën, aín bëun tërë́nquin. A unicamax ca bamatëcëntima ꞌicën, usai ꞌianan ca rarumatëcëntima ꞌicën, ꞌianan ca intëcëntima ꞌicën, acaman ca paë tantëcëntima ꞌicën. Bëráma usai ꞌiá ꞌaíshbi ca usai ꞌitëcëntima ꞌicën.