Lucas 16:15 - Kashibo-Kakataibo Biblia

¹⁵ ꞌUsáncëxun ꞌunánquin ca Jesusan cacëxa: —Mitsux isamina upí ꞌai quixuan unin isnun quixun camina mitsux cuëëncë ñuishi ꞌain. Usa ꞌaínbi ca Nucën Papa Diosan mitsun nuitu mëúmi sináncë a ꞌunania. Ax isa upí ꞌicë quixuan unin sináncë uni a ca Nucën Papa Diosan aín nuitu ꞌunánquin upíma isia.

Nukën 'Ibu Diosan ain unikama 'inan ain bana

¹⁵ 'Usáncëxun 'unánquin ca Jesusan cacëxa: —Mitsux isamina upí 'ai quixuan unin isnun quixun camina mitsux cuëëncë ñuishi 'ain. Usa 'aínbi ca Nucën Papa Diosan mitsun nuitu mëúmi sináncë a 'unania. Ax isa upí 'icë quixuan unin sináncë uni a ca Nucën Papa Diosan aín nuitu 'unánquin upíma isia.

Lucas 16:15 Iomraidhean Croise

Proverbios 20:6

Anu ka ꞌitsaira uni axa ꞌën kana mi uisabi otima ꞌai kiax banakë uni ꞌikën, ꞌaínbi ka uinu ꞌikë unínbi asérabi ami ꞌunánmaisa uni mëraima.

Malaquías 3:15

Nukaman kananuna axa rabiakakë unikamaxa kuëënia isanan, an ñu ꞌatima ꞌakë unikama axa ñuñu ꞌia isan, usai ꞌikin ka atun uisa kara oia iskatsi kixun Dios tania, usakin tankëxubi ka an uisabi okin ꞌatima oima.

Mateo 23:5

Añu ñu cara ꞌaia a ꞌaquin ca unicaman axira isa upí ꞌicë quixun sinánquinsa unin a rabinun quixun ꞌaia. ꞌAnan ca bëtsi unisama isa ax ꞌicë quixuan camabi unin isnun quixun chupa aín cuëbí chooquin cuëcápuncë pañuia. Pañuanan ca cuënëo bana aín bëmánanu ꞌanan aín pëñan mëmiu tëcërëcaia, a unicamax ca a bana cuacë ꞌicë quixuan unin sinánun quixun.

Mateo 6:16

Mitsux Nucën Papa Diosbë upiti bananuxun piima camina an uni paráncë uníxa ꞌicësaribiti ꞌitima ꞌain. A unicamax ca —Nucën Papa Diosmi sinánquin picëma ꞌaish ca upí uni ꞌicë —quixuan raíri unin sinánun quiax picëma ꞌianan masá nuitucësa ꞌia. Usai ꞌia uni raírinën a rabiabi ca Nucën Papa Diosan a upí isima.

Mateo 6:2

Usa ꞌain camina ñuñuma uni ñu ꞌinánquin an uni paráncë unicaman ꞌacësaribi oquin ꞌatima ꞌain. Unin atu rabiti cuëënquin ca anu judíos unicama timë́ti xubunuxun ñu ꞌinánan bainuxunribi camabi unin isnun ñuñuma uni ñu ꞌinania. Usoquian ꞌinania isquin ca an a iscë unicaman a rabiquin, ax ca upí uni ꞌicë quixun caia. Unicaman usa uni rabiabi ca Nucën Papa Diosan a upí isima.

Mateo 6:5

Mitsux Nucën Papa Diosbë banai camina an uni paráncë unicama ꞌicësa oi ꞌitima ꞌain. Atux ca unían a isnun quiax anua judíos unicama timë́ti xubunuax ꞌianan anun niti bai cuëbí anuaxribi Nucën Papa Diosbë banaia. Asérabi cana mitsu cain, a unicamaxa usai Nucën Papa Diosbë banaia iscë unicaman —ax ca upí uni ꞌicë —quixun sinánquin rabia. Usaquin rabiabi ca Nucën Papa Diosan a upí isima.

Lucas 10:29

Usoquin cacëxun ca an Moisésnën cuënëo bana ꞌunáncë unin amiribishi ñucátëcëncatsi quixun Jesús catëcëancëxa: —¿ꞌËn aintsicama ꞌacësaribiquin carana ui unicamaribi nuibaquin ꞌaquinti ꞌain?

Lucas 11:39

Usaquin sinania ꞌunánquin ca Nucën ꞌIbu Jesusan cacëxa: —Mixmi fariseo uni ꞌicë cana mi cain, mitsux fariseo uni ꞌixun camina Nucën Papa Diosainsa mitsun nuitu upí isnun quixun, xanpa ꞌimainun manë ñutë, acama aín caxu chucain. Usaquin ꞌaquinbi camina mitsun nuitu mëu upíma ñu sinanin. Uni paránquin camina aín ñua mitsu ꞌinánun quixun sinánmianan ñunshínquin ñu ꞌatima ꞌati sinanin.

Lucas 18:11

Cuanx, nitsax abë banaquin ca fariseo unin ësaquin Nucën Papa Dios caxa: Nucën Papa Dios, ꞌëx uni raírisama ꞌixun cana mi, asábi ca cain. Raírinëx ca an uni paránquin aín curíqui bicë uni ꞌimainun upí sinánñuma uni ꞌimainun aín xanuma ꞌaínbia uni itsin xanubë ꞌicë uni, usa ꞌicën. Usa unicama ꞌaisama ꞌaínbi cana ꞌëx usai ꞌima. An ꞌapu buánmiti curíqui bicë, ënë uníxribia ꞌaisama ꞌaínbi cana ꞌëx usai ꞌiman.

Lucas 18:14

Usa ꞌain cana mitsu cain, fariseo unima, bëtsi uni a usaquin cacëxun aín ꞌuchacama tërë́ncë, ax ca aín xubunu cuani Nucën Papa Diosan iscëx upí ꞌiaxa. Usaribiquin ca an rabíquin —ꞌëx cana bëtsi unibëtan sënë́nma ꞌai —quixun sináncë uni a Nucën Papa Diosan aín uni raíribëtan sënë́nmara ꞌimiti ꞌicën. ꞌImainun ca axa rabícëma uni a cuni Nucën Papa Diosan cha ꞌimiti ꞌicën.

Lucas 18:21

Usaquian cacëxun ca aín cushi unin cacëxa: —Chamaratsu ꞌaíshbi minmi ꞌë cacë banacama quicësabi oi ꞌiá ꞌaish cana usabii ꞌin.

Lucas 18:9

Uni raírinëxa —nuxbi cananuna Nucën Papa Dios quicësabi oi ꞌi —quixun sinani raíri unicama timai atumi nishia ꞌunánquin ca Jesusan bana itsi ñuicësoquin ësoquin cacëxa:

Lucas 20:20

Bitsíma ꞌixunbi ca Jesús bicatsi quiax ꞌësë́nantancëxun ami manánquin usai ca quiaxa quixun ꞌapu canuxuan, cëmëquin paránquin Jesús ñucátanun quixun uni raíri xuacëxa.

Lucas 20:47

Usai ꞌianan ca casunamëcë xanun ñu bicuanquin cëñuia. Cëñuanan ca ax isa upí ꞌicë quixuan unin sinánun quiax, ꞌuran pain Nucën Papa Diosbë banaia. Usa unicama ca Nucën Papa Diosan, axa usai ꞌicëma uni ꞌacësamaira oquin ꞌuchoquin castícanti ꞌicën.

Juan 2:25

An ca unían cacëxunmabi camabi unin sinan ꞌunáncëxa.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Hechos 1:18

Usa ꞌixunbi ca Jesús unin binun ꞌaquintancëxun a cupía bicë curíquinën me bitancëxbi, aín ꞌatima ñu ꞌacë cupí axbi ñumi natë́quiquin aín pucucama antácai bamaxa.

Hechos 1:24

Usotancëxun abë banaquin ca Pedronën Nucën ꞌIbu Dios cacëxa: —An nubëtan mi ñu ꞌaxunun min caíscë ꞌaíshbi ca Judas mi ñu ꞌaxuanxmabi aín ꞌucha cupí anu ax cuanti anu cuanxa. Usa ꞌain camina camabi unían aín nuitunën sináncë ñu ꞌunáncë ꞌixun, min ënë uni rabë́ uiira caramina Judasnën ñu mëëti ꞌanun caísa quixun nu ismiti ꞌain.

Hechos 15:8

An camabi unían sináncë ñu ꞌunáncë ꞌixun ca Nucën Papa Diosan, a unicamax ca judíosma ꞌaíshbi Jesucristomi asérabi sinánxa quixun ꞌunánquin, nu ꞌimicësaribi oquin aturibi aín Bëru Ñunshin Upíñu ꞌinun ꞌimiaxa.

Romanos 8:27

An ca Nucën Papa Dios cuëëncësabi oquin aín unicama a ñucáxunia. Usa ꞌain ca Nucën Papa Dios, an camabi unin nuitu mëu sináncë ñu ꞌunáncë, an uisa ñu cara aín Bëru Ñunshin Upitan nu ñucáxunia a cuatia.

1 Corintios 4:5

Usa ꞌain camina Jesucristo utëcëncëma pain ꞌain, uisa uni cara uni itsi ꞌicë quixun sinántima ꞌain. Utëcënxun ca Nucën ꞌIbu Jesucristonën, camabi uni an unë́xun ñu ꞌacëcama ꞌimainun aín nuitu mëúa sináncë ñucamaribi, an upí oquin ꞌunánun ꞌunánmiti ꞌicën. ꞌUnánmicëbëtan ca Nucën Papa Diosan ui unicaman cara aín ꞌucha tërë́ncë ꞌixun ñu upí ꞌaxa, a usaribi oquin —upí oquin camina ꞌa —quixun caquin cuëënmiti ꞌicën.

1 Pedro 3:4

Usai ꞌima camina mitsux upí sinánñu ꞌaish bëtsibë nishananima upitishi banati ꞌain. Usai ꞌia isquin ca bëtsin sinánti ꞌicën —a xanux ca aín nuitu upí ꞌicë —quixun. Usai upí ꞌiti ax cuni ca uisa ꞌaíshbi cëñutima. Usai ꞌími mitsux upí ꞌicë isi ca Nucën Papa Dios cuëënia.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”